2 Korintios 7:15 - Northern Tepehuan Bible

¹⁵ Gin aaduñi, ipïrhidi aanï sai maatïkagi aapimï sai go Tito kïïga gïn oigïdai. Ka kïïga gïn oigïdaiña ïgai aidï abhiadïrï xi amïka gïn ïmadï dakatadai ïgai tudu. Dai xibi asta bamioma gïn oigïdai ïgai tami dakatai, gï tïgitokatai ïgai ix kïïga ïïgidi aapimï ñokidï dai ix kïïga xadutudaitai miadïgi aapimï amïï aïkai ïgai baasïki ïpï.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai sivi vaamioma gʌnoigʌdai Tito tʌtʌgitoitai isaapimʌ cʌʌga ʌʌgi vʌʌsi istumaasi gʌnaagidi ʌgai dai cʌʌga miaadʌgidacai aapimʌ dai cʌʌga siaa duutudai aapimʌ ʌgai.

2 Korintios 7:15 ပူးပေါင်းရင်းမြစ်များ

VUAANA 16:21

Bhaiton ïpïan taadakamu aapimï ïmo oki xudu buapa agadagi ïmo aarhi odami. Ïmo oki xudu buapa agadagi ïmo arhi xïïñi soi taadakana tukamïrï. Dïï gokiïrï ka maigobai imïiña soi ïrhiaradï dai kïïga bhai ïrhidiña ka buapakai go arhi odami.

Hechos 16:29

Daidi go maixakarui nukadakami gatáí ïmo kudakarui dai mïraitai baa xako darajatadai go Pabora ïmadï Silas. Ami buidïrï kuiki ïgai dai gigibukimi tukugadï duadimukatai.

1 Korintios 2:3

Dai mai gubuakan taadakana aanï aidï gïn dibidakai dai asta gigibukïiña aanï duadikuitai gïn maakaitai ñoki.

2 Korintios 2:9

Gin aaduñi, gïn otoxdi aanï ïmo ojai baasïkioma dai gïn aagidi mïsai bhagaidana go soimaaxi ibuadami. Gïn ojidi aanï podukai maatïka in ïrhiditai ix bhai gin ïïgiadagi aapimï. Dai kïïga gin ïïgidi aapimï. Bhagaidi aapimï go soimaaxi ibuadami tudu.

Efesios 6:5

Aapimï pipioñi ix makïdï ïr sabïdixikami kïïga abïr ïïgiada gïn amu ix makïdï gasabïrhi. Bïïxi gïn ibhïdagakïdï abïr ïïgiada tudu ïpïan dukai ixdukai ïïgidi aapimï Suxi Kristo.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

Filipenses 2:12

Daiñi, aapimï gin aaduñi ix makïdï oigïdai aanï, gï agai xi ïïgiadagi aapimï Diuxi. Kïïga ïïgidiña aapimï tudu aidïxi gïn ïmadï dakatadai aanï. Dai xibi bamioma gï agai xi ïïgiadagi aapimï mïkaxi dakatai aanï. Kïïga xadutudaitai abïr gïn aaga dai kïïgakïrï óídaka ixdukatai óídaga odami ix makïdï ka kïïgakïrï bubuaka. Kabami abïr gïn aaga tudu

Kolosenses 3:12

Daiñi, xibi aapimï buaboitudadami kaxi ïr ïko bubaidadï Diuxi. Ïkobai darasaka aapimï Diuxi bïïtarï tudu dai gïn oigïdai ïgai. Kaxkïdï abïr soi gïn ïrhiada nïiditai jaa ix makïdï soimaaxi taatamadagi daidi abïr kïï tutiaka buidïrï jaa odami ïpï. Maiti abïr gïgïrdukïdï gïn ïrhiada daidi abïr kïï bhai maaxkami buidadagi jaa mai omarhigakatai buidïrï. Maiti abïr otoma ojodada go jaa xïïxkadï mai kïï ibuadagi ïgai.

2 Tesalonicenses 3:14

Dai ix oidakagi xorai mai ïïgiada ïrhiada idi ojai dai mai aatabuayi abïr gïn tïgito nïida dai aagada xorai ïgai daidi abïr mai urapïkïda. Podukai xaïrogidamu aapimï ïgai sa bhai ïmadukai gï tïgitoagi ïgai.

1 Juan 3:17

Dukami, xi kïïga biakagi ïmoko ixtukïdï oidakagi dai nïidagi ïmai ix makïdï mai biakagi, gï agai xi soi gïldagi ïgai bïïtarï dai soiñagi. Ix pokaitadagi ïmoko sai oigïdai jaa ïpïan ïxi ix xïïxi Diuxi oigïdai dïï gia ix mai soiñagi ïgai go jaa aidï gia maiti ïr buaboi sai oigïdai ïgai ix dukai Diuxi oigïdai.