2 Korintios 6:8 - Northern Tepehuan Bible

⁸ Dïï gia tomaxi gïr bui ñokadagi óídakami gobai mai xii ïr ixtumaxi gïr bïïtarï. Tomax dukai aatïmï bïïxkïrï ïr pipioñigadï Diuxi. Mai xudu ix kïïga ñokadagi óídakami gïr bïïtarï xi gïpiïrï gïr bupadagi ïgai ïpï. Daiñi, aatïmï bïïxkïrï kïïga aagaiña ixtumaxi ïr buaboi dïï gia go óídakami yaatabogami gïr aagaiña tomax dukai.

Tepehuan Northern: Diuusi ñiooquidʌ utuducami oodamicʌdʌ

⁸ Ʌʌmo imidagai siaa gʌrduutudai oodami dai ʌʌmo imidagai maisiaa gʌrduutudai. Ʌʌmo oodami gʌrñiooquidiña dai aa gia cho. Ʌʌmo oodami yaatavogamu gʌraagaiña dai aa pocaitiña tʌsai aatʌmʌ aagai istumaasi ʌrvaavoi.

2 Korintios 6:8 ပူးပေါင်းရင်းမြစ်များ

Mataibo 10:25

Dai aanï ïr gïn tïanïdamiga dai ïr gïn tïtïgiadami ñoki ïpï. Kaxkïdï gï agai xi ipïrhiadagi aapimï xi gin ïpïan tutiakagi aapimï dai taatagi ixtumaxi taatamaiña aanï. Daiñi, kïïga maatï aapimï sai gin kïdaiña óídakami dai asta Beelsebú gin aagaiña ïgai. Diabora gin aagaiña ïgai tudu gin kïdaitai. Kaxkïdï kïïga gï maatï sai asta bamioma gïn kïïdadamu ïgai aapimï gin aaduñikatai aapimï. Soimaaxi ñoki gïn aagidamu ïgai ïpï gin mamaatïrdamigakatai aapimï tudu— itïtïdai.

Mataibo 22:16

Dai bhodïrï otoi ïgai chïki aaduñdï ïmadï jaa ix makïdï ïr aaduñdï go Rey Herodes, otoi ïgai saidi mïï aatagidiña ïgai go Suxi. Daidi potïtïdai ïgai go Suxi, —Aapi maatïtuldiadami, kïï maatï aatïmï sai aapi go ïïgi buaboi aatagi aagaiña. Kïï sïïrhi gatïtïïgidi aapi go aatagi ix makïdï ïr tïgibudadï Diuxi tudu. Kïïga mai duadikoitai aagidiña aapi odami ixtumaxi ïr buaboi toma xoraikagi ïgai tudu— itïtïdai.

Mataibo 27:63

Daidi potïtïdai ïgai, —Go Suxi sïïrhikïdï yaatabogatadai— itïtïdai. —Kïïga gïr tïgito aatïmï ix ikaitiña ïgai mai kia mukukai. Aidï pokaitiña ïgai saidi xïïxkadï mukiagi sai abhiadïrï baika tasaikïdï duaka agai ïpamu.

Markos 12:14

Mïï dada ïgai xako daja go Suxi daidi potïtïdai, —Maatïtuldiadami, kïï maatï aatïmï sai go ïïgi buaboi ñoki aagai aapi. Kïï tuiga aapi dai ïmadugan dukai nïidi aapi odami tomaxi ïr gïn bipidakami xi ïr soi titiigami ïpï. Aapi maatïturhiña odami sai maatïkana ïgai Diuxi tïgibudadï, kaxkïdï gï tïkaka rïrhidi ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go Rey César tïgidukïdï?— itïtïdai.

VUAANA 7:12

Daidi go odami ka mos dudusurhi aatagaitadai aipakoga aagaitai go Suxi. Ïïmoko pokaitiña sai kïï tuiga go Suxi dai jaa pokaitiña sai mos buirumadai ïgai óídakami.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Hechos 16:39

Daidi iji ïgai mïïka xako darakatadai Pabora ïmadï Silas dai daañimi sai oigïldana. Dai itïtïdai ïgai aidï, —Gïr oigïdakai abïr iimi tabhi Filipoañdïrï— itïtïdai.

Hechos 22:12

Dai ami oidakatadai ïmo kïïrhi Ananias tïgidukami. Ïgai kïïga ïïgidi kaïkana Diuxi ñokidï dai go judidiu Damaskïrï óídakïdï sïïrhikïdï kïïga ñokaiña ïgai bïïtarï.

Hechos 24:5

Aatïmï ix makïdï tami guka maatï tïï xi idi Pabora mos ïr soi buadami óídakami dai ïr bui kaatïkami ïpï gïr gobiernoga. Mos aipako aimïraiña gobai dai baakoitudaiña go judidiu bïïxi aipako óídakami xi gïn bupui aipako surhigïna muidutai ïgai. Bhaitï kïakamigadï gobai go Nasarenos agaikïdï ix makïdï ïkobai bia gïn buaboidaraga. Buaboitudai ïgai Suxi Kristo go Nasaretañdïrï oidakïdï.

Hechos 28:22

Dïï gia kïï maatï aatïmï sai odami toma xakoga bui ñokaiña idi buaboidaragai utudukïdï ix makïdï urabaka aapi. Kaxkïdï ïmo imidagai gï kaïka rïrhidi pïx tumaxi gïr aagidagi— itïtïdai go bhaitï gukakami judidiu.

Hechos 4:21

Daidi go dudunukami ka mai tïtïgaitadai ixtukïdï gïpiïrï surhigiagi go Piduru ïmadï Juan dai mos aagidi sai soimaaxi taatatulda agai ix apia aagada ïgai go Suxi. Dïï aidïpïrï ïbhïiditadai ïgai ix soimaaxi duiñdagi. Pobïnïrhidi ïgai sai ñokada antaada go odami aidï. Bhaitoma bïïxi go odami kïïga ñokaitadai Diuxi bïïtarï nïiditai ix ka duayi go kokoadï ka biakatai ïgai bhaibitukami gokobhai umigi. Kaxkïdï go dudunukami mos ïbhïki go Piduru ïmadï Juan dai dagito sai iimïna.

Hechos 5:13

Dai go gaa óídakami ami Jerusalenïrï ïbhïiditadai xi gaurabagi ïgai tomaxi gia kïïga ñokaiña ïgai bïïtarï.

Hechos 6:3

Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

Romanos 3:8

Xi ïr buaboikamudai gobai sai xudu soimaaxi buadagi ïmoko sai buapai ixtumaxi kïïgadukami, aidï gia gï agadamudai xi soimaaxi buadagi aatïmï bai podukai bamioma oidakagi ixtumaxi ïr kïïga. Asta pokaitiña jaa ïpï sai aatïmï maatïturhimi odami sai soimaaxi ibuada ïgai bai podukai bamioma oidakagi kïïgadukami. ¡Xadïrï! Daiñi, gï agai xi Diuxi gïgïbituldagi ix makïdï podukai maatïtuldagi odami bhaiyoma.

2 Korintios 1:18

Dïï gia aanï mai potuiga. Gokïdï bhaiyoma ïpïan tuiga aanï Diuxi. Diuxi gia mai yaatagïi dai bhaiyoma ibuayi ixtumaxi aagadagi tudu dai aanï podukai ibuayi ïpï.

2 Korintios 11:21

¿Ipïrhidi mïxi ix podukai kabami gïn tïanïdagi aatïmï ïpï? ¿Po gïn ïrhidi mïxi ïpï sai mai kïïga ibuayi aatïmï mai kabami gïn tïanïitai ix dukai ibuayi go gaa? Daiñi, ïgai ix makïdï gin bui ñokaiña mai xaïraitai gïgïrdukïdï gïn aagaiña ïïgi. Naana maaxi aagaiña ïgai maaxituda ïrhiditai saidi bia ïmo kabami namïakami sïïrhikami tudu. Dïï gia aanï aagai sai kïïga ixtutuidi aanï xi naana maaxi aagagi podukai ïpï mai xaïraitai.

2 Korintios 12:16

Daiñi, ïïmadutai aapimï gia ikaitiña saidi ïr buaboi sai maiti gïn tanïiña aanï soiñi. Dïï gia bïïxkïrï jaa ikaitiña saidi gïn bupuirumadaiña aanï dai gïn popoidiña aanï gïn tuminxiga.

2 Korintios 4:2

aagaitai ixtumaxi ïr buaboi. Oidaga jaa ix makïdï ïxtotai dukai ibuadana naana maaxi xaïrarakami dai bupuirumadai ïgai óídakami mai sïïrhi aagaitai ïgai Diuxi ñokidï. Dïï gia aanï ïmadï ix makïdï gin soikïi gin aaduindagïrï mai pobuayi. Aatïmï bhaiyoma aagai mosïkaxi ixtumaxi ïr buaboi gïr nïiditai Diuxi. Pobuayi aatïmï saidi bïïxi óídakami kïïga maatïkana iibhïadïrï sai mai yaatagïi aatïmï.

1Tesalonicenses 2:3

Dai go ix makïdï gïn aiturhi aatïmï gïr aatagi gobai kïïga ïr buaboi. Maiti gïn buirumagi aatïmï tudu dai bhaiyoma kïï sïïrhi gïn aagidi dai gïn tanïiña mïsai buaboitudaiña gïr aatagi. Dai tomarhi mai gaagaitadai aatïmï ixtumaxi ïïgi gïr bïïtarï gïn aagiditai gobai.

1 Tomoteo 3:7

Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

1 Tomoteo 4:10

Aanï ïmadï aapi Timoteo kïïgakïrï ïr buaboidadami Diuxi ix makïdï tomarhi ïmo imidagai mai muki agai dai ix makïdï bhai dui kïïgakïrï bubaidaragai bïïxi óídakami bïïtarï. Dïï gia tomaxi bhai dui ïgai bïïxi óídakami bïïtarï mosïkaxi ix makïdï buaboitudagi kïïgakïrï bubuaki agai. Kaxkïdï kabami gaatabuadana aatïmï soiña ïrhiditai óídakami sai buaboitudaiña.

Hebreos 13:13

Go óídakami soi dukai nïidiña go Suxi tudu dai kaxkïdï soi buididi podukai maigobai busaidakai go kiikiañdïrï. Kaxkïdï tï tai ïpïan dukai soimaaxi taata Suxi soi dukai gïr nïiditai jaa urabakatai aatïmï Suxi. Tï oijada Suxi tomaxi maigobai ïkobai gïr bubiadan duñagi óídakami soi dukai gïr nïiditai.

1 Pedro 4:14

Gin aaduñi, Diuxi Ibhïadï kïïga xigiamaaxi dai kïï gubuka. Dai xïïxkadï soimaaxi ñoki gïn aagiadagi jaa óídakami oiditai aapimï Suxi Kristo gobai ïr ïmo maaxidaragai sai gïn ïmadï daja Diuxi Ibhïadï. Bhaigabïnïrhiada gokïdï tudu.

3 Juan 1:12

Xibi aagamu aanï ïmai kïïrhi Demetrio tïgidukami. Daiñi, bïïxi go odami ix makïdï maatï go Demetrio pokaitiña sai kïï tuiga. Kïïga maatiga maaxi sai kïï tuiga ïgai tudu kïïga oiditai ïgai ixtumaxi ïr buaboi. Dai aatïmï ïpï ix makïdï ïr ojotosadï Suxi pokaiti aatïmï ïpï sai kïï tuiga ïgai. Dai kïï maatï aapi sai mai yaatagïi aatïmï.

Apokalipsis 3:9

Dai tïañimu aanï go gaa ix makïdï pokaitiña sai kïïgakïrï ïr judidiu dai yaatagïi urabakatai go diabora, tïañimu aanï sai kuikïskïda ïgai aapimï gïn buitapi. Dai podukai maaxitudamu ïgai ix maatï sai aapimï ïr ix makïdï kïïga oigïdai aanï.