2 Korintios 6:11 - Northern Tepehuan Bible

^11-12 Gïr aaduñi Korintoïrï óídakami, kïï sïïrhi gïn ñokidi aatïmï idi ojiïrï dai maiti gïn ïxtokidi aatïmï toma lachi gïn oigïdatai aatïmï. Daiñi, naana maaxi ibuadana aatïmï gïn bïïtarï dai kïïga gïn mamaakaiña aatïmï ñoki ïpï ipïrhiditai ix maatïka aapimï xïï kïïga gïn oigïdai aatïmï. Kïïga gïn oigïdai aatïmï bïïxi gïr ibhïdagakïdï tudu. Dïï aapimï gia mai aadïrï gïr oigïdai podukai.

Tepehuan Northern: Diuusi ñiooquidʌ utuducami oodamicʌdʌ

¹¹ Aapimʌ gʌraaduñi Coriintoʌrʌ oidajami casi gʌnaagidi aatʌmʌ mui naana maasi istumaasi aatʌmʌ maitʌnʌstoquidi tomali ʌmo istumaasi. Aatʌmʌ gʌnoigʌdai cascʌdʌ.

2 Korintios 6:11 ပူးပေါင်းရင်းမြစ်များ

Hechos 18:1

Dai gokiïrï jii Pabora Atenasañdïrï dai ayi xako Korinto tïgidu ïmo gïï kiiki.

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

2 Korintios 12:15

Kaxkïdï bïïxi gin bhai ïrhiarakïdï bhai aagai aanï ix gïn bïïtarï xia duadiagi bïïxi xïïxi bia aanï dai asta bïïxi gin gubukarhiga ïpï mos ïï kïïga gïn oigïdatai aanï. Daiñi, aanï gia kïïga gïn oigïdai. Asta bamioma gïn oigïdai aanï xibi ix bhai ïkioma tudu. Dïï gia aapimï ka mai xii kïïga gin oigïdai. Kïïgioma gin oigïdaitadai aapimï baasïkioma tudu. ¿Bhai ix ïr sïïrhi podukai?

2 Korintios 2:4

Baasïkioma gia kabami soi gin ïrhiditadai aanï dai asta suakaitadai ibuadatai go gïmai ojai xako kabami gïn ñokidi aanï. Dïï gia gï agai sai maatïkagi aapimï sai maiti ipïrhiditadai aanï sai soi gïn ïrhiatudagi go ojaikïdï dai bhaiyoma ipïrhiditadai aanï sai maatïkagi aapimï xïï kïïga gïn oigïdai aanï.

Galatas 3:1

Aapimï gin aaduñi Galasiïrï óídakami, sïïrhikïdï mai kïïgadu gïn tïgibudaga. Gïn bupuirumagi ïrhi aanï ixtumaxi. ¿Xorai ïgai dai gïn bupuirumagi tudu? ¿Mai ix kïïga gïn tïtïgidi aatïmï ix tuma bïïtarï muu Suxi Kristo kuruxiana?

Galatas 4:12

Gin aaduñi, kïï maatï aapimï sai aanï ïr ïmo judiu dïï gia ka mai buaboitudai aanï sai gubuakïdï bia aanï xi ïïgiadagi go sïïrhikami bai kïïgakïrï gin nïijadagi Diuxi. Gajiadïrï bia aanï bïïxi gobai dai kaxi gïn ïpïan dukai oidaga aanï aapimï ix makïdï maiti ïr judidiu. Aapimï ix makïdï maiti ïr judidiu mai buaboitudai sai gubuakïdï bia xi ïïgiadagi go Moises sïïrhikamigadï sai kïïgakïrï gïn nïijada Diuxi tudu. Dai xibi gïn daanïi aanï sai apia dukai óídakagi aapimï mai gubuakïdï gïn tïanïitai go sïïrhikami. Gin aaduñi, gïn tïgitobïrai xïï kïïga gin miadïgidi aapimï aidïxi tukamïrï gïn dibiji aanï. Mai soi dukai gin nïidiña aapimï aidï tomaxi ïr kokoadïkatadai aanï. Kïï maatï aapimï tudu saidi ïr kokoadïkatadai aanï dai kaxkïdï ami bii aanï gïn ïmadï. Kaxkïdï ami bii aanï dai gïn aatagidï go bhai ïrhiaragai aatagi.

Efesios 6:19

Dai aanï gin bïïtarï abïr daanïda ïpï xi kïïga maatïtai aagada aanï Diuxi tïgibudadï ix makïdï ïxtokikana ïkioma. Bai mai duadimudakïdï aagada aanï sai Diuxi podukai gï tïgito xi go bhai ïrhiaragai aatagi ïr bïïtarïkana go ix makïdï maiti ïr judidiu ïpï.

Efesios 6:8

Kïïga maatï aatïmï saidi Suxi Kristo Gïr Nukadakami gïr aa namïidamu go kïïgadukami aaduindagai ix makïdï ibuadagi aatïmï. Ïgai gïr aa namïidamu bïïxkatai xi ïr sabïdixikami pipioñikagi aatïmï, xi maiti ïr sabïdixikami pipioñikagi aatïmï ïpï.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

Filipenses 4:15

Aapimï Filipoana óídakami, aidïxi tukamïrï gïn aiturhi aanï go bhai ïrhiaragai aatagi gin mamaakaiña aapimï soiñi. Dai gokiïrï aidïxi jii aanï abhiadïrï Masedoniañdïrï oidigi gin otosdiña aapimï soiñi ïpï saidi aituldana aanï go bhai ïrhiaragai aatagi maigobioma. Dai mosïkaxi aapimï buaboitudadami ix makïdï ami Filipoana gïn ïmpaidiña gin soikïiña podukai. Mai tipukatadai jaa xorai gin soikïiña podukai.

Apokalipsis 22:12

Daidi Suxi Kristo ikaiti, —Otoma ayimu aanï dai bhïidatikamu aanï maitïkidï bïïxi óídakami. Maakimu aanï bïïxi odami ixtumaxi ajïakagi tudu, ïïgi ixdukatai aatadui ïgai.