2 Korintios 5:19 - Northern Tepehuan Bible

¹⁹ Suxi Kristokïdï ka bhai dui Diuxi ix dukatai oigïldagi ïgai soimaaxkamigadï bïïxi óídakami tudu sai óídakami biakagi oigaragai ix urabagi Diuxi. Dai gïr maa ïgai sïïrhikami ix tïtïïgiadagi aatïmï óídakami ix dukatai biakagi ïgai urabaragai Diuxi ïmadï ïpï.

Tepehuan Northern: Diuusi ñiooquidʌ utuducami oodamicʌdʌ

¹⁹ Diuusi ʌgai dai ootoi Suusi Cristo sai soiñana oodami sai ʌma duucai gʌntʌtʌgitona sai poduucai Diuusi cʌʌgacʌrʌ nʌidiña. Dai poduucai Diuusi oigʌldi oodami soimaascamigadʌ ismaacʌdʌ vaavoitudai Suusi Cristo. Dai Diuusi gʌrtʌjai tʌsai aagidana oodami sai ʌgai sʌʌlicʌdʌ oigʌlda ʌlidi soimaascamigadʌ.

2 Korintios 5:19 ပူးပေါင်းရင်းမြစ်များ

Mataibo 1:23

Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

VUAANA 14:20

Gïn maakimu aanï gubukarhigai tudu sai kïïga duduakakagi aapimï dai aidï gia maatïkamu aapimï ix gïr bïïna daraka aanï ïmadï gin Oga dai maatïkamu aapimï ïpï sai aanï ïmadï aapimï kïïga bïïna daraka ïpï— itïtïdai.

VUAANA 17:23

Xibi gin mamaatïrdamigaïrï oidaga aanï dai aapi gin Oga aanïrï oidaga. Buaboikïdï ïr mos ïmo odami aatïmï tudu. Dai go gaa odami nïijadamu sai aatïmï ïr ïmo odami. Nïijadamu ïgai dai maatïkamu sai aapi gin Oga gin otoi dai kïïga oigïdai gin mamaatïrdamiga. Maatïkamu ïgai sai ix xïïxi gin oigïdai aapi pokaxi oigïdai aapi gin mamaatïrdamiga ïpï— itïtïdai Suxi.

Romanos 11:15

Maiti ipïrhi go judidiu xi buaboitudagi Kaxkïdï xibhï gïn ayi bïïxi go gaa óídakami bïïtarï xi buaboitudagi dai kïïgakïrï bubuakiagi. ¿Ix tuma oidaka agai aidï go judidiu bïïtarï xudu ka buaboitudagi ïgai? Gïn aagidamu aanï ix tumaxi oidakamu ïgai bïïtarï. ¡Daiñi, bïïxkatai ix makïdï buaboitudagi dai mukiagi gïn duduakatuda agai ïpamu!

1 Korintios 13:5

Ïgai kïïga xadutudai jaa dai maiti ibuayi buirudagai maaxi. Mai tïgito ajiopaiña ïgai mosïkaxi ixtumaxi ïr kïïga ïïgi ïgai bïïtarï. Ïgai mai otoma bhakoikana dai bhaiyoma otoma oigïrhiña jaa xïïxkadï soi buidadagi.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

1 Juan 4:10

Tomaxi mai oigïdaitadai aatïmï Diuxi ïgai gia bïïxkïrï gïr oigïdai dai otoi Maradï sai mukuna ïmo daxdaragai dukai. Podukai gïr buañidi ïgai gïr soimaaxkamiga tudu. Agia gïr oigïdai Diuxi dai pomaaxi idui gïr bïïtarï.