2 Korintios 5:1 - Northern Tepehuan Bible

¹ Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

Tepehuan Northern: Diuusi ñiooquidʌ utuducami oodamicʌdʌ

¹ Gʌrtuucuga ʌrʌpan ducami ʌmo vaaqui daidʌ gʌribʌdaga gʌrtuucuga ʌrana oidaga. Siʌʌscadʌ ugitiagi gʌrtuucuga cʌʌ maatʌ aatʌmʌ isDiuusi gʌrmaaquia agai ʌmai utudui tʌvaagiʌrʌ siaaco tomastuigaco oidacamu aatʌmʌ dai tomali ʌmo imidagai maiuugiatʌi ʌgai.

2 Korintios 5:1 ပူးပေါင်းရင်းမြစ်များ

Genesis 3:19

—Daiñi kïïrhi— itïtïdai —Xibi kabami bajuradamu aapi dai gamaitïmu ixtukïdï oidakagi asta xudu ka mukiagi dai dïbïrai gï naatoagi aapi ïpamu. Mos ïr dïbïraiñdïrï duñixikami aapi di dai dïbïrai gï naatomu aapi ïpamu pïx xudu mukiagi— itïtïdai.

Markos 14:58

—Aatïmï kaï baidi kaiti sai daituda agai go gïï kiupai ix makïdï odami idui dai sai baika tasaikïdï ïpamu iduñi agai ïmai dai ïgai gia as maiti ïr odami duñidїka agai— ikaiti go yaatabogami.

Hechos 7:48

Dïï Diuxi bïïxi adama ïr gabhaitïkïakami dai mai oidaga ïgai kikiupiïrï ix makïdï odami ibuayi. Ïmo maaxi aagadami Diuxi ñokidï ka podukai oja ïïki di. Dai oja ïgai sai Diuxi ikaiti sai,

1 Korintios 3:9

Aanï ïmadï go Apolos ïr pipioñigadï Diuxi tudu dai ïmadï aatabuayi aatïmï Diuxi dai aapimï ïr ïpïan dukami ïïxidï Diuxi. Gin aaduñi, kaxi aagai aanï sai aapimï ïr ïpïan dukami ïïxidï Diuxi dai xibi aanï aagai sai aapimï dai ïr ïpïan dukami Diuxi bakidï ïpï ix makïdï bañidimi ïgai.

2 Korintios 4:7

Gin aaduñi, go bhai ïrhiaragai aatagi ix makïdï gïr nukaturhi Diuxi kabami namïga. Bamioma namïga gobai xi bhai gïïpi tuminxi tudu. Dai Diuxi kïï gubuakami dukai aatabuayi iibhïadïrï óídakami kaïkatai ïgai go bhai ïrhiaragai aatagi. Dïï gia aatïmï mai gupuka dai mai xii kabami ïr namïakami aatïmï. Ïpïan dukami aatïmï ajayi mai xii namïakami dïï biakami tuminxi ïrana. Tomaxi mai namïga aatïmï dïï gia bia aatïmï go bhai ïrhiaragai aatagi dai gobai gia namïga. Podukai gï tïgito Diuxi tudu dai gïr nukaturhi go bhai ïrhiaragai aatagi tomaxi mai gupuka aatïmï. Podui ïgai sai bïïxi óídakami maatïkana sai ïïgi aatïmï mai bia gubukarhigai dai sai bhaiyoma Diuxi ïgai dai ibuayi aaduindadï aatïmïkïdï kïïga gubuakatai ïgai.

2 Korintios 5:4

Maiti ipïrhidi aatïmï ix mai tukugakatai óídakagi aatïmï dïï gia aijiïgïitai óídaga aatïmï xibi mos ïï bïïtïkatai gïr oidakaraga tami oidigi daama. Ka otoma biaka rïrhidi gïr utudui tukugai tudu saidi ka mai tipukagi go mukigami ka kïïgakïrï óídakatai aatïmï bïïxkïrï bïïtarï.

Kolosenses 2:11

Daiñi, aidïxi bïïnakami bii aapimï Suxi Kristo ka circuncidadugami duu bii aapimï. Dïï gia mai xu xi ïmo odami gïn ikitï dai maigobai dáí lïïchi gïn tukuga ogidï aidï dai bhaiyoma Suxi Kristo ïgai dai maigobai dáí gïn tïgibudaga ïkidadï dai soimaaxkïdï. Podukai gïn circuncido ïgai gïn ibhïdagïrï.

2 Timoteo 1:12

Dai xibi maixapi aanï ibuadatai go aaduindagai ix makïdï gin maa ïgai dïï mai xaïrai aanï gokïdï. Kaxkïdï tudu kïïga maatï aanï ix tuiga Suxi Kristo ix makïdï buaboitudai aanï dai gobai ïr ïmo abïnakidaragai gin ibhïdaga bïïtarï. Kïïga buaboitudai aanï tudu dai asta nukaturhi aanï gin ibhïdaga. Kaxkïdï tudu kïï maatï aanï sai ïgai bia gubukarhigai ix gin nukadakagi asta xïïxkadï dibiagi ïgai ïpamu.

Hebreos 11:10

Ikuxi bhaabhakiïrï oidakaiña go Abraam tudu nïnïrakatai ïgai ix aiyagi ixtuigako ïmo gïï kiikiïrï oidakagi ïgai. Nïnïrakatadai ïgai go gïï kiiki ix makïdï kïï kabakami kïïka dai ix makïdï Diuxi idui ixdukatai ïgai ipïrhidi. Gobai ïr ïgai ix makïdï nïnïrakatadai go Abraam.

Hebreos 9:11

Xibi Suxi Kristo ïr ï gabhaitïkïakami dadaxdadami gïr bïïtarï tudu. Dai ka bhai dui ïgai gïïpi bhai ïrhiaragai gïr bïïtarï. Ïgai gia baa go bïïxi adaama xadutudikïdï kiupiïrï ix makïdï maiti ïr duñidï odami. Go kiupai ix makïdïrï baa ïgai mai biïga toma lïïchi. Mai tami oidigi daama kïïka ïgai kaxkïdï. Mïï tïbagiana kïïka tudu.

1 Pedro 1:4

Xibi nïnïraka aatïmï go naana maaxi bhai ïrhiaragai ix makïdï bia Diuxi gïr bïïtarï tudu. Diuxi ka bhai tua naana maaxi bhai ïrhiaragai gïn bïïtarï tïbagiana kaxkïdï. Dai ix makïdï bhai tuajidi ïgai gïn bïïtarï kïïga buañixi dai mai ugiti agai tomarhi ïmo imidagai.

2 Pedro 3:11

Ugida agai bïïxi aïkatai ixtumaxi nïidi aatïmï tudu. Kaxkïdï maatiga maaxi sai gï agai sai kïïga buañixikami dukai óídakagi aatïmï kïïga ïïgiditai aatïmï Diuxi.

1 Juan 3:14

Daiñi, kïïga maatï aatïmï sai ka mai koidadï gïr duu gïr iibhïdaga xibi. Kïïga maatiga maaxi gobai, gïr oigïdai aatïmï aipakoga kaxkïdï. Gobai ïr ïmo maaxidaragai ix ka duduakatu gïr ibhïdaga tudu. Dïï gia odami ix makïdï mai oigïdadagi jaa ïgai gia apia kia ïr koidadï dukai iibhïadï.

1 Juan 3:19

Ix pobuadagi aatïmï aidï gia maatïkamu aatïmï saidi ïr oijadami aatïmï ixtumaxi ïr buaboi dai iibhïxtakan taadakamu gïr ibhïdaga kïïga maatïkatai sai mai tipu soimaaxkami gïr abhana Diuxi bïïtarï.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.