2 Korintios 4:16 - Northern Tepehuan Bible

¹⁶ Sïïrhikïdï kïï tuiga Diuxi gïn bïïtarï tudu daidi ibuayi naana maaxi gïn bïïtarï ipïrhiditai ix oijadagi aapimï ixtumaxi ïr buaboi. Kaxkïdï apia gatïtïïgidimi aatïmï go bhai ïrhiaragai aatagi tomaxi soimaaxi taatamai aatïmï dai maiti gïr daadagitoi xi gïr maitiagi go soi ïrhiaragai toma xïïxi kabami soimaaxi taatamai aatïmï. Apia gatïtïïgidi aatïmï go bhai ïrhiaragai aatagi aipakoga tomaxi bïïx tasai bamioma ugitimi gïr tukuga tudu dïï gia bïïxkïrï bïïx tasai bamioma utudutuimi gïr iibhïdaga.

Tepehuan Northern: Diuusi ñiooquidʌ utuducami oodamicʌdʌ

¹⁶ Cascʌdʌ baigʌrʌlidi aatʌmʌ. Tomasi cʌʌlimuimi gʌrtuucuga vʌʌscʌrʌ tiodian tada gʌribʌdaga.

2 Korintios 4:16 ပူးပေါင်းရင်းမြစ်များ

Lukas 11:3

Gïr óídañi kuadagai bïïx tasai xïïxi tïgitokagi aatïmï.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

Romanos 7:22

Daiñi, Diuxi sïïrhikamigadï ïr bhai ïrhiaradï gin ibhïdaga.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

2 Korintios 12:15

Kaxkïdï bïïxi gin bhai ïrhiarakïdï bhai aagai aanï ix gïn bïïtarï xia duadiagi bïïxi xïïxi bia aanï dai asta bïïxi gin gubukarhiga ïpï mos ïï kïïga gïn oigïdatai aanï. Daiñi, aanï gia kïïga gïn oigïdai. Asta bamioma gïn oigïdai aanï xibi ix bhai ïkioma tudu. Dïï gia aapimï ka mai xii kïïga gin oigïdai. Kïïgioma gin oigïdaitadai aapimï baasïkioma tudu. ¿Bhai ix ïr sïïrhi podukai?

2 Korintios 4:1

Xigian kaiti go utudui sïïrhikami tudu dai Diuxi kïï tuiga dai gïr maa oigaragai ix gatïtïïgiadagi aatïmï gobai aipakoga. Kaxkïdï mai ojodatai gatïtïïgidi aatïmï ñoki

Efesios 3:16

Kïïga maatï aanï sai Diuxi kabami ïr gïdukami kaxkïdï daanïi aanï saidi Ibhïadïkïdï gïn maakana ïgai gubukarhigai gïn ibïgaïrï.

Efesios 4:23

Kaxkïdï gï agai sai utudutuldagi aapimï gïn tïgibudaga xibi.

Kolosenses 3:10

Xibi ka bhïiyi aapimï go utudui oidakaragai dai ka utudutudaimi aapimï. Xibi Diuxi ix makïdï gïn idui aatabuayi aapimïrï dai ka ïpïan tuigakami bijimi aapimï Diuxi. Gïn utudutuldaimi Diuxi sai podukai kïïga maatïkana aapimï ïgai dai kïïga ïmadaiña aapimï ïpï.

1 Pedro 3:4

Gï agai bhaiyoma sai kïï tutiakagi aapimï gïn ibhïdagïrï. Ix xigian tutiakagi aapimï gobai ïr ïmo kïïgadukami ixtumaxi ix makïdï mai ugiti agai daidi ïr ïmo bhai ïrhiaragai Diuxi bïïtarï. Ix mai oomarhigakagi aapimï toma lïïchi tudu dai mai ñiñokidaragakagi aapimï.

1 Pedro 4:14

Gin aaduñi, Diuxi Ibhïadï kïïga xigiamaaxi dai kïï gubuka. Dai xïïxkadï soimaaxi ñoki gïn aagiadagi jaa óídakami oiditai aapimï Suxi Kristo gobai ïr ïmo maaxidaragai sai gïn ïmadï daja Diuxi Ibhïadï. Bhaigabïnïrhiada gokïdï tudu.