2 Korintios 13:8 - Northern Tepehuan Bible

⁸ Dai tomax dukai gï agai xi kïïga ibuadagi aatïmï gïr aaduindaga ojotosadïkatai aatïmï Suxi Kristo. Mai bhaiga aatïmï xi ibuadagi tomarhi ïmo ixtumaxi ix makïdï sobhidagi odami ix kaïkagi go bhai ïrhiaragai aatagi ix makïdï kïïga ïr buaboi tudu. Dai bhaiyoma aatabuayi aatïmï sai muiyoma óídakami kaïkagi ixtumaxi ïr buaboi.

Tepehuan Northern: Diuusi ñiooquidʌ utuducami oodamicʌdʌ

⁸ Mosai ipʌlidi aanʌ isoodami vaavoitudadagi Diuusi ñiooquidʌ aatʌmʌ tomali ʌmo imidagai maivuidʌrʌ vʌʌtʌcana Diuusi ñiooquidʌ.

2 Korintios 13:8 ပူးပေါင်းရင်းမြစ်များ

Markos 9:39

Dai Suxi potïtïdai, —Maiti abïr daidada— itïtïdai. —¿Maiti ix maatiga maaxi sai ix makïdï ibuadagi podukai aaduindagai gïdukami aanï gin gubukadakïdï kaxi gin abhana kïakami ïgai? Xadïrï pobuadagi ïgai dai bhodïrï oton ñokadana ïgai gin bui— itïtïdai.

2 Korintios 10:8

Daiñi, aanï gin bïïtarï mai xudu tomaxi po gïn ïrhiadagi aapimï sai bhaibitukami gïn aagidiña aanï sai aanï ïr ïmo sïïrhikami biakami. Suxi Kristo kaxi gin maa ïmo sïïrhikami ansaidi soiñana aanï gïn buaboidaragai sai bamioma gubuakana tudu. Dai mai xu xi gin maa ïgai sïïrhikami saidi sobhidagi aanï gïn buaboidaraga. Gin maa ïgai gin ïmo sïïrhikami saidi gïn soiñana aanï tudu dai kaxkïdï dudatai mai xaïraitai aagai sai namïga gin sïïrhikamiga.

2 Korintios 13:10

Xibi gïn aagidamu aanï ix tuixi ïkiaxdïrï gïn otoxdi aanï idi ojai mai kia imïkai aanï gamoko. Ipïrhidi aanï xi gïn soiñagi idi ojai ix kïïga ibuadagi aapimï tudu. Maiti ipïrhidi aanï xi gïn maakadagi gïgïbidaragai amïka aïkai aanï kaxkïdï. Suxi Kristo gin maa sïïrhikami saidi gïn soikïdagi aanï tudu dai mai xu xi gin maa ïgai sïïrhikami ix soi gïn duadiagi aanï ibuadatai gin aaduindaga.

2 Korintios 13:7

Gin aaduñi, gïn daanturhiña aatïmï ipïrhiditai ix gïn soiñana Diuxi sai mai soimaaxi ibuadagi aapimï. Ipïrhidi aatïmï sai mai soimaaxi ibuada aapimï saidi kïïgakïrï óídakana aapimï tudu dai mai xu xi ipïrhidi aanï sai kïïga ñokada jaa gïr bïïtarï kïïga ibuadatai aapimï. Mosïkaxi ipïrhidi aatïmï sai kïïga ibuada aapimï tudu dai mai buamï rïrhiditai ix kaitiadagi jaa gïr bïïtarï. Ix kïïga ibuadagi aapimï aidï gia mai xudu aatïmï gïr bïïtarï tomaxi pokaitadagi jaa sai mai kïïga ibuayi aatïmï gïr aaduindaga tudu.

2 Korintios 13:9

Kaxkïdï bhai gïr ïrhidiña aatïmï xïïxkadï kïïga gubuakan dukai buaboitudagi aapimï. Bhai gïr ïrhidi aatïmï gokïdï tomaxi mai gupukami dukai gïr nïijadagi jaa. Aatïmï ïgai dai gïn tïtïïgidiña ñoki tudu. Dai kaxkïdï gïn daanturhiña aatïmï saidi bïïx tasai apia bamioma kabakatuna gïn buaboidaraga asta xako ukami maiti gïn biïgakagi ixtumaxi. Gobai tudu ïr gïr bhai ïrhiaraga ix makïdï gaagai aatïmï dai aatabuayi.

1 Tomoteo 1:20

Gobai ïr ïmo parunaragai Diuxi bui. Po tudu daibusai go kïkïïrhi Himeneo dai Alejandro tïtïgidukami ïmadï xi kaxkïdï bubaitu aanï ïgai go buaboitudadami saagidañdïrï. Ïkobai bia aanï tudu sai go diabora iduñagi ïgaikïdï ixtumaxi bhai ïrhiadagi ïgai sa bhai podukai ïma dukai gïn tïtïgitoagi go kïkïïrhi dai ka mai parunadagi Diuxi. Dïï aapi Timoteo maiti pobuada ixdukai ïgai idui dai bhaiyoma oijada aapi gï buaboidaraga.