2 Korintios 12:9 - Northern Tepehuan Bible

⁹ Dai bhaiyoma pobai in tïtïdai Diuxi sai, —Maiti an maigo imituda iñagai gobai— in tïtïdai ïgai. —Dïï gia kïï tuiga aanï gï bïïtarï dai gï maakimu aanï gubukarhigai saidi gï kabakadagi aapi go soimaaxi taataragai bïïtarï. Mosïkaxi gobai tïgito aapi tudu. Xïïxkadï mai gubuakagi aapi amaxi kïïga maaxkana gin gubukarhiga gï soikïitai aanï tudu— in tïtïdai ïgai. Kaxkïdï kïïga bhai ïrhiarakïdï aagaiña aanï xïïxi mai gubuka aanï. Bhai gin ïrhidiña aanï maatïkatai sai podukai kïïgioma maaxkana gubukarhigadï Suxi Kristo gin abhana gaatabuadatai ïgai tudu.

Tepehuan Northern: Diuusi ñiooquidʌ utuducami oodamicʌdʌ

⁹ dʌmos ʌgai poviñtʌtʌdai: “Aapi mosviaa ismaatiagi iñsaanʌ gʌoigʌdai. Dʌmos maitan ʌduaaidagi vai poduucai gʌmaatʌna sai aapi ʌʌgi maiviaa guvucadagai isivuaadagi giñaa duiñdaga. Aanʌ ʌgai daidʌ gʌmaacai guvucadagai”, iñtʌtʌdai Cristo. Baigiñʌlidi aanʌ maiviaacatai guvucadagai vai poduucai gʌmaatʌna isSuusi Cristo giñmaacai guvucadagai ansaidʌ ivuaadana aa duiñdadʌ.

2 Korintios 12:9 ပူးပေါင်းရင်းမြစ်များ

Isa 11:2

Gïr Nukadakami Ibhïadï ïmadï dakamu go Rey ïgai tomax tuigako. Kïï sïïrhiñika agai tïgibudadï go Rey dai maatï nïijadamu ïgai aaduindadï. Gïr Nukadakami tïgibudadïkïdï gamaakimu ñoki go Rey. Dai ïgai tïgibudagaikïdï bhïimu gubukadagai dai xadutuadamu ïgai Gïr Nukadakami.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Lukas 21:15

Aanï gïn maakimu tïgibudagai ixtukïdï ñokadagi aapimï aidï. Dai ix makïdï gïpiïrï gïn bupadagi ka mai tïigimu ixdukatai gïn aa noraidagi ñoki gïn soikïitai aanï— itïtïdai.

1 Korintios 10:13

Gï agai ix kïï gï tïgitokagi ïmoko tudu. Daiñi, go soimaaxkami ajïi bïïxi odami. Kaxkïdï maiti gï agai xi po gï ïrhiada aapi sai mosïkaxi ïmoko gï ajïi gobai. Dïï gia kïïga gï maatï sai kïï tuiga Diuxi dai maiti gï dagitomu buaboitudadamikatai aapi dai bhaiyoma gï soikïdamu ïgai sai biakana aapi ix dukatai bui kïïkibagi go soimaaxi.

1 Korintios 15:10

Sïïrhikïdï kïï tuiga Diuxi gin bïïtarï tudu ix kaxkïdï otosadï gin dáí ïgai. Dai kïïga ibuayi soiñi xi otosadï gin dáí Diuxi kaxkïdï tudu gin maakai ïgai gubukarhigai sai ibuadana aanï naana maaxi aaduindagai. Dai asta kabamioma gin aaga aanï ix bhai go gaa ojotosadï Suxi. Dïï mai xu ix ïïgi gin gubukarhigakïdï ibuayi aanï go aaduindagai. Diuxi ïgai dai aatabuayi aanïkïdï bhaiyoma kïï tuigakatai ïgai gin bïïtarï.

1 Korintios 2:3

Dai mai gubuakan taadakana aanï aidï gïn dibidakai dai asta gigibukïiña aanï duadikuitai gïn maakaitai ñoki.

2 Korintios 11:30

Mai ojoidi aanï xi gïdukïdï dukai gin aagadagi ïïgi aanï xiïpï xi aagadagi ix kïïga ibuayi aanï gin aaduindaga. Dïï gia ix gï agadagi ix gin aagadagi aanï ïïgi aidï gia mosïkaxi aagada in ïrhidi aanï ix tumaxi daibusai aanïkïdï ix makïdï mamaaxidi sai mai gubuka aanï.

2 Korintios 12:1

Gin aaduñi, aanï maiti ipïrhidi xi ïmo gïdukami dukai gin aagadagi aanï ïïgi aagaitai ixtumaxi ibuadana aanï dai ixtumaxi daibusai aanïkïdï. Maiti ïr soiñi in ïrhidi aanï xi podukai ñokada aanï tudu. Dïï gia aapimï bhaitoma gubuakïdï gin aagidimi sai podukai ñokada aanï. Ïma dukai maiti gin buaboitudai aapimï sai ïr otosadï aanï Suxi Kristo. Aapimï buaboitudai go yaatabogami ix makïdï gin bui ñokaiña bhaiyoma. Kaxkïdï biakamu aanï ix gïn aagidagi ixtumaxi gin tïtïïgidi Gïr Nukadakami ïmo imidagai tïïtïkiïrï dukai sai podukai gin buaboitudana aapimï ix ïr otosadï aanï Suxi.

2 Korintios 12:10

Kaxkïdï bhai gin ïrhidiña aanï xïïxkadï mai gubuakan taadakagi aanï, dai xïïxkadï soimaaxi ñoki gin buidïrï surhigidagi óídakami, dai xïïxkadï soimaaxi taatamadagi aanï ïpï dai xïïxkadï gin bui surhigiagi óídakami dai naana dukai xijiakagi gin oidakaraga oiditai aanï Suxi Kristo. Bïïxi gobaikïdï bhai gin ïrhidiña aanï tomaxi mai gubuka aanï. Kïïga maatï aanï sai xïïxkadï mai gubuaka antaadakagi aanï ïïgi amaxi bamioma gubuakana aanï gubukarhigadïkïdï Suxi Kristo tudu.

2 Korintios 12:15

Kaxkïdï bïïxi gin bhai ïrhiarakïdï bhai aagai aanï ix gïn bïïtarï xia duadiagi bïïxi xïïxi bia aanï dai asta bïïxi gin gubukarhiga ïpï mos ïï kïïga gïn oigïdatai aanï. Daiñi, aanï gia kïïga gïn oigïdai. Asta bamioma gïn oigïdai aanï xibi ix bhai ïkioma tudu. Dïï gia aapimï ka mai xii kïïga gin oigïdai. Kïïgioma gin oigïdaitadai aapimï baasïkioma tudu. ¿Bhai ix ïr sïïrhi podukai?

2 Korintios 12:5

Maiti ipïrhidi aanï xi ïmo gïdukami dukai gin nïijadagi aapimï gïn aagidakai aanï naana maaxi ixtumaxi ix makïdï ibuadana aanï tudu. Ipïrhidi aanï bhaiyoma ix maatïkagi aapimï xïïxi mai gubuka aanï.

Efesios 3:16

Kïïga maatï aanï sai Diuxi kabami ïr gïdukami kaxkïdï daanïi aanï saidi Ibhïadïkïdï gïn maakana ïgai gubukarhigai gïn ibïgaïrï.

Filipenses 4:13

Tomax dukai Suxi Kristo ïgai dai gin mamaakai go gubukarhigai. Dai ïgaikïdï ixtutuidikïi aanï tomax tuma daibuñagi.

Kolosenses 1:11

Daanïiña aatïmï Diuxi ix makïdï kabami gubuka kïï gïdukatai ïgai tudu. Daanïi aatïmï Diuxi sai gin maakana gubukarhigadï. Podukai bhaigakamu aapimï xi mai ojodatai buidïrï gukiba go soimaaxi. Ipïrhidi aatïmï sai kïïga bhai ïrhiarakïdï

1 Tomoteo 1:14

¡Xïï kïï tuiga Gïr Nukadakami aanïkïdï tudu! Daiñi, xibi bïïna dakatai aanï Suxi Kristo gin maa ïgai gubukarhigai ix kïïga buaboitudada aanï dai ix kïïga oigïdada aanï jaa.

Hebreos 11:34

Dai oidakatadai ïpï jaa ix makïdï taiyïrï gïn surhitu dai mai xïdui ïgai go táíkïdï. Dai Diuxi soi jaa sai mai kona kokodiïrï. Dai jaa ix makïdï mai gupukatadai kïïga gubukatu buaboidaitai Diuxi. Dai jaa bui surhigïiña mui sandadaru xibhïadïrï óídakami dai maitiña ïgai go sandadaru saidi go xibhïadïrï óídakami sandadaru mos dïgabuna bopoyiña. Po buadana ïgai buaboitudaitai Diuxi tudu.

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.