2 Korintios 12:18 - Northern Tepehuan Bible

¹⁸ Buaboi tudu sai abïnaki aanï go Tito sai gamo imïna dai gin dibidana dai abïnaki aanï ïmai kïïrhi ïpï sai oidiña. ¿Dai go Tito ix bhai gïn bupuirumagi dai gïn táí tuminxi? Xadïrï. Ïmadugan dukai aatabuayi aatïmï tudu aanï ïmadï Tito, mos ïmo tïgibudagai biakatai aatïmï tudu. Kaxkïdï xadïrï gïn popoidana ïgai gïn tuminxiga.

Tepehuan Northern: Diuusi ñiooquidʌ utuducami oodamicʌdʌ

¹⁸ Vaavuava isootoi aanʌ Tito ʌʌmadu ʌmai gʌraduñi. Dʌmos ʌgai maitʌnvupuiirumagi iimʌcai. Cʌʌ maatʌ aapimʌ iñsaanʌ ʌʌmadu Tito ʌʌpan duucai oidacana aapimʌ gʌnsaagida.

2 Korintios 12:18 ပူးပေါင်းရင်းမြစ်များ

Romanos 4:12

Dai ogadï dukai bii Abraam odami bïïtarï ix makïdï gïn circuncido ïpï dïï mosïkaxi ix makïdï bia go baaxi buaboidaragai ix makïdï biakatadai go Abraamkaru aidï abhiadïrï xi mai kia circuncidadugatadai ïgai.

1 Korintios 4:21

Otoma mïï dibiamu aanï ix ipïrhiadagi Diuxi. Kaxkïdï ïma dukai abïr gïn tïtïgito aapimï sai maiti gïn bhagaidagi aanï imïkai gamoko. Daiñi, ix maiti gin ïïgiadagi aapimï dai mai ïma dukai gïn tïgito, aidï gia gïn maakimu aanï gïgïbituldaragai mïï dibiakai. Dïï gia ix ïma dukai gïn tïgitokagi aapimï dai gin ïïgiadagi, aidï gia kïïga oigïda ñokadamu aanï gïn bïïtarï mïï dibiakai. Ïïgi aapimï maatï ix maaxi imimu mïï dibiakai aanï tudu.

2 Korintios 7:2

Gin aaduñi, ipïrhidi aatïmï xi kïïgioma gïr oigïada aapimï dai ix kïïga gïr ïmadagi aapimï ïpï. Aatïmï ka naana dukai mamaaxidi sai gïn oigïdai aatïmï tudu. Daiñi, tomarhi ïmo imidagai maiti soimaaxi gïn duñi aatïmï dai maiti gïn bupuirumagi aatïmï toma lïïchi ïpï gïn oigïdatai aatïmï.

2 Korintios 7:6

Po taadakana aatïmï tudu. Dïï gia Diuxi ïgai dai bhai ïrhiatudai buaboitudadami xïïxkadï soi gïn ïrhiadagi ïgai. Dai kïïga bhai gïr ïrhiatu Diuxi baasïki bhaigobai otosakai ïgai go Tito.

2 Korintios 8:6

Go Tito ïgai ix makïdï tukamïrï soi go buaboitudadami Masedoniïrï óídakami saidi ïmpaidiña ïgai soiñi. Dai kaxkïdï abïnaki aatïmï sai gamo Korintoamu imïna ïgai ïpamu dai sai aapimï gïn soiñana ïgai ïpï saidi gï naato ïmpaidagi go soiñi ix makïdï gïn aaga ïmpagi aapimï baasïkioma. Saidi naato ïmpaidana aapimï go soiñi go buaboitudadami amïka Judea munisipioana bïïtarï tudu.

1 Pedro 2:21

Kïïgakïrï gïn bubaitu Diuxi mïsai kïïga ibuada aapimï tudu. Dai ïgai ipïrhidi sai apia kïïga ibuada aapimï tomaxi soimaaxi gïn taataturhiadagi jaa kïïga ibuadatai aapimï. Suxi Kristo soimaaxi taata kïïga ibuadatai ïgai tudu dai gï agai sai kïïga gïn tïgito nïidagi ixdukatai ibuadana ïgai dai podukai ibuadagi aapimï ïpï.