2 Korintios 11:25 - Northern Tepehuan Bible

²⁵ Dai ïpï baika imidagai uxikïdï gin gïïgï ïgai. Ïmo imidagai gin maikakarai ïgai. Dai baika imidagai sudaïrï dudupi go barko ix makïdïrï imïitadai aanï. Ïmo imidagai sudagi ïrana bii aanï ïmo tasai dai ïmo tukagi ïmo uxiañdïrï nagiïkatai bhai mïkaxi go sudagi ugidïañdïrï ïpï.

Tepehuan Northern: Diuusi ñiooquidʌ utuducami oodamicʌdʌ

²⁵ Dai ʌʌpʌ vaica imidagai uusicʌdʌ giñgʌʌgʌ. Dai ʌʌpʌ ʌmo imidagai giñmaicacarai. Vaica imidagai duupi ʌvaarcu suudarʌ ismaacʌdʌrʌ imʌiña aanʌ. Dai ʌmo imidagai suudarʌ vii aanʌ ʌmo tasai dai ʌmo tucagi ʌmo uusiaiñdʌrʌ iñdaagʌcatai mʌʌcasi dʌvʌʌrai uugidiaiñdʌrʌ.

2 Korintios 11:25 ပူးပေါင်းရင်းမြစ်များ

Mataibo 20:19

—Gin tïïgidamu ïgai go gupudagai bipiakami ix makïdï maiti ïr judidiu bai ïgai gin parunada agai dai gin gïikarsa agai dai ïmo kuruxiana gin xixa agai. Ami kuruxiana mukimu aanï. Dïï gia baika tasaikïdï duakatumu aanï ïpamu— itïtïdai.

Mataibo 21:35

Daidi mïï aïkai ïgai ïxikamiana sai go ix makïdï tajukamikïdï aatabuadatadai go ïxikami bhïiyi dai gïikarai ïgai ïmoko dai ïmai mua ïgai dai ïmai maikakarai ïgai ojodaikïdï.

Hechos 14:19

Dai aidïpïrï ami dada judidiu Antiokiañdïrï dai Ikoniañdïrï óídakami. Dai ïgai bui ñokaitadai go Pabora dai bhaakoitu go odami ïgai bui. Baidi go óídakami maikakarai go Pabora mua ïrhiditai. Dai bhodïrï ka maikarsakai tïbaimu ïgai go Pabora dai busaitu kiikiañdïrï maigobai dai ami bia po gïn ïrhiditai ix ka muatadai.

Hechos 14:5

Muidukatadai go Pabora bui ñokadami modukai judidiu ïmadï ix makïdï maiti ïr judidiu dai ïgai mïï aataga ïmadï dudunukami dai gaaga agai ixdukatai maikarsagi go Pabora dai Bernabe. Koda ïrhiditadai aidï.

Hechos 16:33

Dai kia ïr tukarïkatadai baidi go maixakarui nukadakami bakuañdi tukugadï Pabora ïmadï Silas mïx xako saasaraitadai. Dai bhodïrï otoma gï bakoi go maixakarui nukadakami ïmadï aaduñdï ïpï ix makïdï kiidïrï óídaga.

Hechos 16:37

Dïï mos Pabora itïtïdai go sandaru ix makïdï ami dibiatadai aidï, —Cho daiñi— itïtïdai. —Kaxi gïr tïañitu ïgai gïikarsagi bïïxi odami buitapi maiti gïr dagitokai tïx ñokia aatïmï, dai gïr maamaixa bïïxi. Dai aatïmï ïr romano di. Ïgai mai bia sïïrhikami xi pobai gïr buidadagi aatïmï ix makïdï ïr romanos tudu. Dai xibi mos ïxto gïr dagitoda ïrhidi ïgai. Podukai gia cho— itïtïdai. —Aagidabïrai bhaiyoma sai ïïgi dadana ïgai dai gïr bubaidana tabhiadïrï— itïtïdai Pabora go sandaru.

Hechos 22:24

Daidi go komandante gatïjai gï sandadaru sai kuartelïrï baasana ïgai go Pabora dai sai ami gïikarsana ikixanaikïdï bai ñokada ïgai dai aagana ix tuixidï gï bui bhaakoitadai odami.

1 Tomoteo 1:19

Mos sai oijada aapi gï buaboidaraga tudu dai maiti ibuada ixtumaxi aapi mai kïïgadu ïrhidi. Jaa gia ibuadana naana maaxi tomaxi maatï ix mai kïïgadu dai podukai gïpiïrï surhi ïgai dai xia dodai ïïgi buaboidaradï.

Hebreos 11:37

Go óídakami maixaiña jaa ojodaikïdï dai kodaiña. Dai jaa ïrana sïïrhi guikomaiña ïgai seruchukïdï dai jaa kodaiña ïgai maxtaikïdï ipïrhiditai sai dagitoagi buaboidaradï ïpï. Ïïmoko ïgai gïn aadatugaiña kañiñiru ojogidï dai jaa gïn aadatugaiña xixibato ojogidï ïpï. Aipakoga ajiopaiña ïgai kabami soititigamikatai. Go óídakami soi duu nïidiña dai soi buididiña bïïxi.