2 Korintios 11:2 - Northern Tepehuan Bible

² Daiñi gin aaduñi, gï agai sai maatïkagi aapimï sai ix xïïxi buamï ïrhidi Diuxi gïn bïïtarï po ïxi buamï in ïrhidi aanï gïn bïïtarï ïpï. Kabami buamï in ïrhidi aanï tudu sai kïïga buañixikagi aapimï Suxi Kristo bïïtarï oiditai aapimï mosïkaxi ïgai dai mai xu xi oiditai aapimï tomarhi ïmo ïmai. Ïpïan dukami gobai ïmo gaoga xïïxkadï bhai duñagi ñoki bïïtarï ïmo maradï oki xïxkadï ïmadï bii agadagi ïmo kïïrhi. Kïïga nukadaiña ïgai maradï tudu sai mai daibuskïda ïgai ïmadï ïmai kïïrhi. Nïnïraka ïgai kia ix ïmadï biiya ïgai ix makïdï ïr kunadïka agai. Podukai gïn nukada in ïrhidi aanï tudu dai buamï in ïrhidi ipïrhiditai ix kïï buañixikagi aapimï maatïkatai saidi Suxi Kristo ïr gïn kuna dukaika agai. Gï agai sai kïïga buañixikagi aapimï ïgai bïïtarï tudu ïpïan dukami ïmo arhi oki ix makïdï kïï tuiga mai kia ïmadï biïkai tomarhi ïmo kïïrhi.

Tepehuan Northern: Diuusi ñiooquidʌ utuducami oodamicʌdʌ

² Diuusi ipʌlidi sai baamucan tadacana aanʌ gomamaatʌtuldiadami yaatavogami vui, goovai gʌnvupuiirumada ʌlidi cascʌdʌ. Aanʌ ʌgai dai gʌnaagidi sai Suusi Cristo ʌrcʌʌgacʌrʌ vuviadami mʌtai aapimʌ vaavoitu. Dai sivi aliʌsi ipʌlidi aanʌ isaapimʌ apiavaavoitudadagi dai cʌʌga ʌʌgiadagi Suusi Cristo.

2 Korintios 11:2 ပူးပေါင်းရင်းမြစ်များ

VUAANA 3:29

—Aanï gin bïïtarï mos ïr ïmo bhai ïrhiaragai nïiditai ix bamioma mui odami uurapïkïi ïgai ix bhai ix makïdï aanï gin uurapïkïi— itïtïdai. —Gïn aagidamu aanï ïmo maatïtuldaragai xibi ix maatïka aapimï ix maaxi gobai— itïtïdai. —Daiñi, xïxkadï oidakagi ïmo kunataragai saidi go nobia gï agai ix oijadagi go nobio. Dai kompañerogadï go nobio makïdï kïï oigïdai ïgai bhai gï ïrhidiña kaïkatai ñokidï go nobio kompañerogadïkatai ïgai. ¿Mai ix pomaaxi gobai? Daiñi, Diuxi Maradï kompañerogadï duu aanï dai kïïga oigïdai aanï ïgai. Dai go odami ïr nobiagadï gïn dukami ïgai ïpï. Kaxkïdï kïï bhai gin ïrhidi aanï ix oijadagi odami ïgai.

Romanos 7:4

Pomaaxi aapimïkïdï ïpï gin susukurhi. Aapimï ka bïïna daraja Suxi Kristo dai koi aapimï ïgai ïmadï. Koidadï dukami aapimï xibi go sïïrhikami bïïtarï. Ka bïïna bii aapimï Suxi Kristo ix makïdï gï duakatu mukukai. Kaxkïdï xibi kïïga ïr soiñi aapimï Diuxi bïïtarï.

1 Korintios 4:15

Daiñi, gïn oga gin dukami aanï Diuxiïrï. Aanï tudu ïgai dai gïn soi tukamïrï saidi buaboitudaiña aapimï Suxi Kristo gïn aagidakai aanï go bhai ïrhiaragai aatagi. Kaxkïdï tomaxi biakagi aapimï sïïrhikïdï mui odami xorai gïn tïïgidagi ñoki aagaitai Suxi Kristo, bïïxkïrï mos arhi ïmaduga ix makïdï ïr gïn oga dukai. Dai aanï ïr ïgai.

2 Korintios 4:14

Kïïga maatï aatïmï sai Diuxi duakaturhi go Suxi ïpamu mukukai ïgai. Dai buaboitudai aatïmï sai aatïmï gïr duduakatulda agai ïgai ïpï ïmadï aapimï ïpï. Dai maatï aatïmï ïpï sai baan gïr tutusa agai ïgai amïka xako daja ïgai, bïïxkatai aatïmï ix makïdï ïr buaboitudadami tudu.

Galatas 4:11

Daiñi, gobai ïr go buaboidaragai ix makïdï biakana aapimï ïkioma dai pipioñi dukai gïn aaduinturhiña gobai. Kaxkïdï duadikui aanï ix gïn daibuñagi oiditai aapimï gïn ïïkidadï buaboidaragai ïpamu. Xïduñada ka maiti gïn soi go aaduindagai ix makïdï idui aanï gïn saagida tudu.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

Kolosenses 1:28

Aipakoga aiturhiña aatïmï go aatagi aagaitai Suxi Kristo tudu. Aagdiña aatïmï bïïxi óídakami. Diuxi ïgai dai gïr mamaakai tïgibudagai ix dukatai aagidagi aatïmï odami dai podukai gatïtïïgidiña aatïmï ñoki. Ipïrhidi aatïmï sai bïïna darakagi ïgai Suxi Kristo sai podukai mai biïgakagi ïgai tomarhi ïmo ixtumaxi sai kïïgakïrï nïijada Diuxi xïïxkadï ami buitapi gukakagi ïgai. Kaxkïdï gatïtïïgidiña aatïmï ñoki bïïxi óídakami.

1Tesalonicenses 2:11

Dai kïï maatï aapimï sai gïn oigïdaiña aatïmï gïr maamara dukai. Gïn ojoga dukai aatïmï tudu dai gïn abïnakidiña aatïmï dai gïn mamaakaiña ñoki ix dukatai gï agai ix óídakagi aapimï Diuxi maamaradïkatai. Kaxkïdï tudu Diuxi ïgai dai gïn báí saidi urabakana aapimï go ix makïdï Diuxi tïanïi sai podukai nïijadana aapimï xïï xigian dukai tïanïi Diuxi.

Apokalipsis 14:4

Go nïdami ïgai ïr kïkïïrhi ix makïdï mai ïmadï dïgabusai oki dai kïï buañixikatadai ibhïadï. Kïïga ïïgidiña ïgai go Arhi Kañiru dai aipakoga oidiña. Ïgai ïr Diuxi ïkobai bubaidadï tudu ix makïdï Diuxi sabïrhi go gaa óídakami saagidañdïrï go Arhi Kañiru ïradïkïdï. Go nïdami ïgai ïr daxdaragai dukai ïpï ïpïan dukai go daxdaragai ix makïdï ibuadana aatïmï judidiu. Aatïmï xïïxkadï gayoba agadagi gïr ïxi ibuadana aatïmï daxdaragai Diuxi bïïtarï tudu. Dadaxdiña aatïmï Diuxi go gïr ïxi ibhiadï ix makïdï ïpïgioma yoobagi aatïmï dai ix makïdï bamioma kïkïïgadu. Pomaaxi go kïkïïrhi ïgai. Ïmo daxdaragai dukai ïgai Diuxi bïïtarï kïï buañixikatai ïgai dai ïko darakatai ïgai Diuxi bïïtarï.