2 Korintios 10:10 - Northern Tepehuan Bible

¹⁰ Kïï maatï aanï tudu sai pokaitiña ïïmoko sai xïïxkadï ojidagi aanï buaboitudadami sai kabami bhagaididan kaitiña gin oja. Dai pokaitiña ïgai ïpï sai xïïxkadï gïn ïmadï dakagi aanï sai aidï gia duadimukan dukai ñokaiña aanï dai pokaitiña ïgai sai mai maatïkatai gamamaakai aanï ñoki. Po tudu ikaitiña ïïmoko.

Tepehuan Northern: Diuusi ñiooquidʌ utuducami oodamicʌdʌ

¹⁰ Ʌʌmo oodami pocaitiña sai siʌʌscadʌ gʌnoojiada aanʌ gʌnbagadan caitiña aanʌ dai sai siʌʌscadʌ gʌnʌʌmadu daaca aanʌ sai aidʌ gia doadicudan duucai ñioocaiña aanʌ.

2 Korintios 10:10 ပူးပေါင်းရင်းမြစ်များ

Exodo 4:10

Dïï Moises itïtïdai, —Gin oigïdañi Gïr Nukadakami, mai imiadan taadaga aanï— itïtïdai Moises. —Sasaimïrhiga aanï dai mai maatï aanï aatagi. Pomaaxi aanï arhidukatai abhiadïrï di— itïtïdai.

1 Korintios 1:17

Suxi Kristo gin otoi ansai aagidiña odami go bhai ïrhiaragai aatagi tudu dai mai xu sai bapakonana aanï óídakami. Dai mai aagaiña aanï ñoki ix makïdï saitudakami dukai kaïkagi odami ïpï dai bhaiyoma aagaiña mosïkaxi ixtumaxi idui Suxi Kristo kuruxiana. Kaxkïdï tudu ipïrhidi aanï xi kïïga gïn tïgito nïijadagi odami xïï kïïgadu ixtumaxi idui Suxi Kristo kuruxiana dai mai xu ix mosïkaxi gïn tïgito nïijadagi ix bhai kïïga ñokai aanï. Kaxkïdï mai aagaiña aanï ñoki ix makïdï odami saitudakami ñoki dukai kaïkagi.

1 Korintios 1:21

Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.

2 Korintios 10:1

Gin aaduñi, pokaitiña ïïmo odami sai xïïxkadï gïn ïmadï dakagi aanï sai kïï tuigakami dukai gïn mamaakaiña aanï ñoki maiti gïn bhagaiditai. Dai pokaitiña ïgai sai mosïkaxi xïïxkadï mïkaxi dakagi aanï dai gïn ojidagi sai aidï gia bhagaidadan kaitiña gin oja. Pokaitiña ïgai gin aagaitai aanï Pabora tudu ix makïdï ibuayi idi ojai. Dïï gia gïn aagidamu aanï ïmo ñoki dai gï agai sai maatïka aapimï sai ñokiturhimi aanï Suxi Kristo aagaitai idi ñoki. Daiñi, kïï tuiga Suxi dai kaxkïdï kïï bhai maaxkami dukai gïn maakimu aanï ñoki. Kïï bhai dukai gïn aagidimi aanï mïsai gin ïïgiada aapimï tudu ñokiturhitai aanï go Suxi Kristo.

2 Korintios 10:11

Dïï gia gï agai sai maatïkagi ïgai sai motuigakamu aanï ix mïkaxdïrï gïn otosdagi aanï ojai ix gïn ïmadï dakagi aanï ïpï.

2 Korintios 10:9

Gï agai sai maatïkagi aapimï ïpï sai maiti ipïrhidi aanï ix duduadikudagi aapimï gin ojakïdï.

2 Korintios 11:21

¿Ipïrhidi mïxi ix podukai kabami gïn tïanïdagi aatïmï ïpï? ¿Po gïn ïrhidi mïxi ïpï sai mai kïïga ibuayi aatïmï mai kabami gïn tïanïitai ix dukai ibuayi go gaa? Daiñi, ïgai ix makïdï gin bui ñokaiña mai xaïraitai gïgïrdukïdï gïn aagaiña ïïgi. Naana maaxi aagaiña ïgai maaxituda ïrhiditai saidi bia ïmo kabami namïakami sïïrhikami tudu. Dïï gia aanï aagai sai kïïga ixtutuidi aanï xi naana maaxi aagagi podukai ïpï mai xaïraitai.

2 Korintios 11:6

Tomaxi mai xii saitudaga aanï gatïtïïgiditai ñoki ïmpaiñdaragiana dïï gia kïïga maatï aanï go aatagi ix makïdï gïr biturhi Diuxi. Kïïga maatï aapimï saidi ïr buaboi gobai. Kïïga máí aapimï sai gia maatï aanï ixtumaxi ïr buaboi tudu nïiditai aapimï gin aaduindagai dai kaïkatai gin aatagi ïpï.

2 Korintios 13:3

Aapimï ikaitiña saidi maatïka ïrhidi ix bhai buaboikïdï ïr otosadï aanï Suxi Kristo. Dai xïïxkadï amïka gïn dibidagi aanï ïpamu aidï gia nïijadamu aapimï saidi buaboikïdï ïr ñokituldiadamigadï aanï Suxi Kristo. Daiñi, Suxi ka kïïga gï maaxiturhi ix kabami gubuka ibuadatai ïgai aaduindadï aapimïrï. Kaxkïdï gï maatï sai kabami gïgïbituldamu ïgai ix makïdï ïr soimaaxi ibuadamikagi ïpï mos ïi kabami gubuakatai ïgai.