2 Korintios 1:5 - Northern Tepehuan Bible

⁵ Daiñi, toma xïï kabami soimaaxi taata aatïmï oiditai Suxi Kristo, pokaxi gïr mamaakai Diuxi gubukarhigai dai bhai ïrhiaragai ïpï. Ka bïïna daraka aatïmï Suxi Kristo kaxkïdï. Dai kaxkïdï maiti gïr maitiña go soi ïrhiaragai xïïxkadï soimaaxi taatagi aatïmï.

Tepehuan Northern: Diuusi ñiooquidʌ utuducami oodamicʌdʌ

⁵ Aatʌmʌ aliʌ soimaa taatamai vaavoitudaitai Suusi Cristo poduucai isduucai soimaasi taata Suusi Cristo. Dai ʌgai vaa Suusi Cristo sʌʌlicʌdʌ baigʌrʌʌliatudai.

2 Korintios 1:5 ပူးပေါင်းရင်းမြစ်များ

Lukas 2:25

Dai ami Jerusalenïrï oidakatadai ïmo kïrhiodami Ximuñi tïgidukami. Kïï tuiga ïgai dai kïïga ïïgidiña ïgai Diuxi. Dai nïnïrakatadai ïgai sai dibiana Diuxi Otosadï dai sai kïïgakïrï bubaidana ïgai go Israelitas. Dai Diuxi Ibhïadï ïmadï dakatadai go Ximuñi

Hechos 9:4

Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki.

Romanos 8:17

Maamaradï aatïmï Diuxi tudu. Kaxkïdï xibi bïïxi go bhai ïrhiaraga ix makïdï Diuxi bhai darasakami bia Suxi Kristo bïïtarï ïr aatïmï gïr bïïtarï ïpï. Dïï gia gï agai xi soimaaxi taatagi aatïmï ïpïan dukai ix dukatai taata Suxi bai podukai gïr aiyagi ïmo xadutudaragai ïgai ïmadï ïpï.

Filipenses 1:20

Kïïga buaboitudai aanï tudu sai maiti ibuada iñagai tomarhi ïmo ixtumaxi ix makïdï ïr ïmo xaïraragai gin bïïtarï. Buaboitudai aanï bhaiyoma sai mai duadikuitai maaxitudamu aanï xïïxi ïr gïdukami Suxi Kristo kia tami oidigi daama dakatai aanï. Buaboitudai aanï sai maaxitudamu aanï xïïxi ïr gïdukami Suxi tomaxi muu gin tukuga xiïpï xi kia tïbïpi kabakagi gobai. Gobai buaboitudai aanï tudu dai kïïga ibhïxtakan taadaga aanï buaboitudaitai podukai.

Filipenses 2:1

Daiñi gin aaduñi Diuxi amadïrï, kïïga ïr buaboi sai gïr abïnakidiña Suxi Kristo bïïna darakatai aatïmï ïgai. Dai ïr buaboi ïpï sai tomaxi soimaaxi taatakagi aatïmï bïïxkïrï biakana aatïmï bhai ïrhiaragai gïr oigïdaitai Suxi dai gïr oigïdaitai aatïmï aipakoga ïpï. Dai Diuxi Ibhïadï kïïga gïr soikïi sai biakana aatïmï ïmo kïïgadukami urabaragai ïpï. Dai kïïga gïr oigïdai aatïmï bïïna darakatai aatïmï Suxi Kristo ¿aba? ¿Dai soi gïr ïrhidiña aatïmï nïiditai ix makïdï soimaaxi taatakagi ïpï aba? Dai bïïxi gobai ïr Suxi Kristo aaduindadï kaxkïdï potadakana aatïmï bïïnakatai aatïmï ïgai.

Filipenses 3:10

Gin aaduñi, kïïga biaka in ïrhidi bamioma urabaragai Suxi Kristo ïmadï. Taata in ïrhidi sai kïïga gubuakami dukai gaatabuadagi ïgai gin ïmadï ïpïan dukai ix dukatai gubuakami aatadui Diuxi go Suxi ïmadï aidïxi duakaturhi ïgai. Biaka in ïrhidi urabaragai Suxi ïmadï soimaaxi taatakai aanï ïpïan dukai xi taata ïgai. Ïpïan tuigaka in ïrhidi aanï Suxi Kristo asta xako ukami bhai gin dukagi ix mukiagi ïpïan dukai ïgai.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

2 Timoteo 3:11

Kïï maatï aapi sai mui imidagai soi gin buididiña jaa. Soi gin buididi óídakami Antiokiana tudu dai Ikoniana dai Listrana. Dïï gia Diuxi kïïgakïrï gin busaitu abhiadïrï.

1 Pedro 4:13

Bhai gïn ïrhiadabïrai bhaiyoma. Gobai ix makïdï taatamaimi aapimï ïr ïmo urabaragai Suxi Kristo ïmadï kaxkïdï. Ïgai podukai soimaaxi taata ïpï tudu. Dai gobai itïiya ïrhidi sai gia kabami bhai gïn ïrhiadamu aapimï xïxkadï dibiagi ïgai ïpamu xïïxkadï gï maaxitudagi xïï xigiamaaxi ïgai dai xïï kabami ïr gubuakami ïpï.