1 Tomoteo 6:6 - Northern Tepehuan Bible

⁶ Dïï gia odami ix makïdï xadutudai Diuxi dai bhai gïn ïrhidiña gobaikïdï ix makïdï bia ïgai xioma kïïga ïr gïn bipidakami ix bhai ix makïdï mui bia tuminxi.

Tepehuan Northern: Diuusi ñiooquidʌ utuducami oodamicʌdʌ

⁶ Vaavuava issioorʌ tʌtʌgitoda duudatai Diuusi, dai apiacʌʌga vaavoitudai Diuusi, dai oigʌada Diuusi poduucai gia ivueeyi istumaasi Diuusi ipʌlidi, dai gomaasi ʌrsoiñi gaibʌdaga vʌʌtarʌ. Dai sioorʌ povuaadagi ʌgai gia sʌʌlicʌdʌ baigʌʌlidi.

1 Tomoteo 6:6 ပူးပေါင်းရင်းမြစ်များ

Exodo 2:21

Daidi aagidi ïgai go Moises saidi ami gï urhiñana dai go Moises bhai aa daidi ami gï urhi. Daidi go Reuél maa ïmoko maradï ix makïdï Sefora tïgidu dai go Moises ka ïma bii.

Lukas 12:15

Daidi bhodïrï potïtïdai Suxi go gaa, —Gïn nukadabïrai dai mai koimudadï tutiaka tomarhi ïmo ixtumaxikïdï. Daiñi— itïtïdai. —Tomaxi kïïga gï bidakagi ïmo odami gobai mai itïiya ïrhidi sai kïïgakïrï oidaka agai— itïtïdai.

Lukas 3:14

Daidi chïki sandadaru tïkakai ïpï dai potïtïdai, —¿Dai aatïmï ix tuma duna?— itïtïdai. Daidi go Juan potïtïdai, —Aapimï abïr mai gubukadakïdï popiada buxtuidadï odami. Dai bhaiyoma abïr bhai gïn ïrhiada gïn maitïkikïdï xïïxi gamaitïkïi aapimï. Dai abïr mai gïpiïrï bupada odami yaatagikïdï ïpï— itïtïdai.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

2 Korintios 4:17

Go soi ïrhiaragai ix makïdï taatamai aatïmï xibi mai xii kabami bïïtï tudu daidi otoma daibuskïi. Dai gokiïrï gïr buapidamu gobai go bhai ïrhiaragai ix makïdï bïïxi adaama bhai ïrhiaraga dai bïïxkïrï bïïtarïka agai gobai.

Filipenses 1:21

Gïn aagidamu aanï ix dukatai nïidi aanï gin oidakaraga ïmadï Suxi Kristo. Daiñi, kïïga bïïnaka oidaga aanï ïmadï ïgai dai ïgai bïïtarï oidaga aanï. Kaxkïdï xi duñada apia bamioma oidakagi aanï tami oidigi daama gobai itïiya ïrhidi sai apia oijadamu aanï Suxi Kristo aaduindadï. Dai gobai gïïpi ibuayi soiñi. Dïï gia xi mukiagi aanï gobai bamioma kïïgadu in bïïtarï. Ix mukiagi aanï aidï gia Suxi Kristo ïmadï dakamu aanï di. Ka mai tïtïgai aanï ix makïdï bamioma gï agai.

1 Tomoteo 6:8

Kaxkïdï gï agai aatïmï ix bhai gïr ïrhiada biakatai ix tuma ugiagi dai yukuxi ix tumaxi gïr aadagi.

Hebreos 13:5

Dai maiti abïr adaimuada go tuminxi ïpï poïrhiditai sai gobai ïr gïn bhai ïrhiaraga. Gï agai bhaiyoma xi bhai gïn ïrhiadagi ixtumaxikïdï ka bia aapimï. Daiñi, ka ojixi Diuxi ojadïrï sai, Aanï Diuxi maiti gïn dagitomu tomarhi ïmo imidagai, ikaiti Diuxi ojadïrï.