1 Tomoteo 6:21 - Northern Tepehuan Bible

²¹ Mui odami ka dagito ixtumaxi ïr buaboi ïïgiditai pomaaxkami aatagi. Dai maiti gï agai xi pobuadagi aapi. Ami ukami kugaidamu aanï idi ojai aapi Timoteo. Ipïrhidi aanï sai Diuxi kïïgakïrï gï nïijadagi ïmadï modukai bïïxi go gaa buaboitudadami amïka ïpï. Mosïkaxi.

Tepehuan Northern: Diuusi ñiooquidʌ utuducami oodamicʌdʌ

²¹ Ʌʌmoco ismaacʌdʌ ʌʌgidi ʌgai cagajiaadʌrʌ viaa gʌnvaavoidaraga. Aanʌ ipʌlidi sai Diuusi cʌʌgacʌrʌ gʌnʌidiña. Mosʌcaasi.

1 Tomoteo 6:21 ပူးပေါင်းရင်းမြစ်များ

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Romanos 16:20

Diuxi ïgai dai gïr maakai xi ibhïxtakan taadakagi aatïmï. Dai otoma naato popokimu ïgai gubukarhigadï go diabora dai dumaltuda agai xi aapimï mos kïixoramu kaxi gamaitïkai aapimï ïgai bui. Diuxi gubukarhigadïkïdï gamaitïmu aapimï aidï. Dai xibi ipïrhidi aanï xi taatagi aapimï xïï kïï tuiga Suxi Kristo gïn bïïtarï.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

Kolosenses 4:18

Xibi tami gïn ojidi aanï ïpï ïmo biatuldaragai ïïgi gin nobikïdï. Aanï ïr Pabora dai gïn ojidi tudu. Daanïdabïrai Diuxi gin bïïtarï maixapikatai aanï tanai. Gin aaduñi, ipïrhidi aanï sai kïïga maatï taatana aapimï xïï kïï tuiga Diuxi gïn bïïtarï. Mosïkaxi

1 Tomoteo 1:19

Mos sai oijada aapi gï buaboidaraga tudu dai maiti ibuada ixtumaxi aapi mai kïïgadu ïrhidi. Jaa gia ibuadana naana maaxi tomaxi maatï ix mai kïïgadu dai podukai gïpiïrï surhi ïgai dai xia dodai ïïgi buaboidaradï.

1 Tomoteo 1:6

Ga tïtïgidiña aatïmï aatagi aagaitai ixtumaxi ïr buaboi tudu maatïkatai sai oidaga jaa ix makïdï ka dagito ix tumaxi ïr buaboi dai gatïtïïgidiña ñoki ix makïdï maiti ïr soiñi.

1 Tomoteo 6:10

Odami ix makïdï go ïï tuminxi adaimïi naana dukai gïpiïrï surhigïi tudu. Ïïmoko ka dagito go kïïgadukïdï buaboidaragai ïpï adaimïitai go tuminxi dai podukai ïïgi gïn abhana darai gïïpi soi ïrhiaragai.

2 Timoteo 2:18

Ïgai ka kuga iji dai ka dagito ixtumaxi ïr buaboi tudu. Pokaiti ïgai sai ka daibusai duakaragai koidadï bïïtarï dai sai ka mai tipukamu gobai bamioma. Soi maaxi aatagi gobai. Dai ïgaikïdï xia dodai ïgai buaboidaradï ïïmo buaboitudadami.

2 Timoteo 4:22

Daanïi aanï Gïr Nukadakami sai gï soiñana gï ibhïdagïrï aapi Timoteo. Dai daanïi aanï ïpï sai maatï taatana aapimï bïïxkatai xïï kïï tuiga Suxi Kristo gïn bïïtarï. Mosïkaxi.

Tito 3:15

Diuxkïdï gï biaturhi bïïxkatai ix makïdï gin ïmadï daraka. Dai Diuxkïdï biatulda aapi gïr aaduñi amïka ïpï ix makïdï buaboitudai. Daanïi aanï Diuxi sai kïï tuigakana ïgai bïïxkatai aapimï gïn bïïtarï. Mosïkaxi.

Hebreos 13:25

Gin aaduñi, ipïrhidi aanï sai Diuxi gïn tïïgidagi xïïxi kïï tuiga ïgai gïn bïïtarï. Mosïkaxi