1 Tomoteo 5:6 - Northern Tepehuan Bible

⁶ Dïï gia maiti gï agai xi soikïdagi aapimï bipiudu ix makïdï adaimïiña ïïgi bhai ïrhiaradï. Ïgai ïr koidadï dukai ibhïgadï tomaxi tukugadï kia duakaka maaxi.

Tepehuan Northern: Diuusi ñiooquidʌ utuducami oodamicʌdʌ

⁶ Dʌmos isʌmo viuudu gogoosi gʌducamicagi maitʌaagai issoicʌdagi ʌgai. Ʌgai gia maiimimu Diuusi ʌʌmadu.

1 Tomoteo 5:6 ပူးပေါင်းရင်းမြစ်များ

Genesis 2:17

Mosïkaxi ïmo uxi ïgai dai mai maigarxi ix kukumiagi, go ix makïdï ïgaikïdï bïïxi aïkatai aajïi tïgibudagai modukai kïïgadukami ïmadï ix makïdï mai kïïgadu. Gokïdï gia aagidi ïgai sai mai ugana. Potïtïdai ïgai aidï sai, —Ix ugiagi aapi gobai aidï gia gïgïbituldamu aanï xi mukia aapi— itïtïdai.

Mataibo 8:22

Daidi Suxi potïtïdai, —Cho— itïtïdai. —Daiñi, gï oga kia ïr mukiadï duu ibhïadï. Kaxkïdï dagitoñi go aaduñdï ix makïdï koidadï duu ibhïadï ïpï sai yaasana. Dai aapi mos sai gin oijada— itïtïdai.

Lukas 12:19

Dai ka podui ïgai. Dai bhodïrï gï ïrhidi ïgai sai, —Xibi gia kïïga biakamu aanï bïïxi ixtumaxi tïgitomu aanï mui umigi bïïtarï. Xibi gia mos dakatai gakuadamu aanï dai gayïdamu dai kïïga bhai gin ïrhiadamu— gï ïrhidi ïgai.

Lukas 15:13

Dai chïki tasaikïdï sai go ix makïdï bamioma ïr gïïrhitadai gagara buxtuidadï ix makïdï buitadai ïgai dai no xibhï mïkaxi jii dai amïka naato xia dodai go tuminxi buirudagïrï.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 16:19

Dai Suxi aagidi go fariseos ïmo maaxidaragai aatagi daidi potïtïdai sai, —Ïmo imidagai oidakatadai ïmo kïïrhi kïïga gï bidakami. Gï aadaiña ïgai yukuxi moraduakami kïï namïakami ïpïan dukai ïmo rey. Ïmo bagimiïrï dukai oidakana ïgai bïïx tasai kïï xioma oidakatai ami kiidïrï.

Lukas 7:25

¿Mïx nïnïidi ïmo kïïrhi gï aadatikami yukuxi kïï namïakami? Cho ïpï. Daiñi, odami biakami yukuxi kïï namïakami mosïkaxi xigiamaaxkami kiikiïrï óídaga dai asta kiidïrï ïmo rey dai mai xu xi oidigana óídaga xako ajiopatadai aapimï.

Efesios 2:1

Ïkioma ïr koidadïkana gïn iibhïdaga soimaaxi buadatai aapimï. Mai ïïgidiña aapimï Diuxi kaxkïdï.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

2 Timoteo 3:6

Oidaga ïïmoko po maaxi tutiakami ix makïdï aipako kiikiïrï ajiopai gaagaitai ïïmadaragai óídakami ïmadï dai ka ïïmadatai sai bhodïrï yaatagikïdï gamamaakaiña ñoki dai bupuirumadaiña ïgai odami. Dai oki ix makïdï mai kapaka tïgibudadï ïïgidiña. Ïgai ïr oki ix makïdï naana maaxi soimaaxkami ibuadana dai soigakoñikana. Kaxkïdï oton ïïgidiña ïgai go bupuirumadami.

Santiago 5:5

Kïï xioma óídakaiña aapimï tami oidigi daama tudu, kïïga biakatai aapimï naana maaxi ixtumaxi namïakami. Adaimïiña aapimï naana maaxi bhai ïrhiaragai tami oidigi daama tudu. Dïï gia aanï aagai sai ïpïamaaxi aapimï buxtaki ix makïdï gïgïpi gakuayiña mai maatïkatai sai miadaimi ixtuigako koda agai go sosiakami. Maatigan dukai gïn ayimu gïgïbidaragai tudu.

Apokalipsis 18:7

—Daiñi— ikaiti. —Go Babiloniïrï óídakami ikaitiña sai, —Aatïmï bhai gïr ïrhidi tïtïanïdami dukai darakatai. Maiti ïr bipiudu aatïmï dai tomarhi ïmo imidagai maiti gïr ayimu xi soi gïr ïrhiadagi ix dukai soi gïn ïrhidiña bipiudu,— ikaitiña. Dïï gia ix xïïxi pokaitiña ïgai sai bhai gïn ïrhidiña dai saidi ïr gïgïrdukami pokaxi kabami gï agai xi soi gïn ïrhiadagi tudu.

Apokalipsis 3:1

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Sardixiïrï ïpï. Dai adukai ojida aapi, Aanï gin ïmadï daja bïïxi gubukarhigadï Diuxi Ibhïadï gin ïmadï dajatai ïgai. Dai aanï ïgai dai dagïka go kubarakami xixabugai ïpï. Dai pokaiti aanï sai maatï aanï bïïxi ixtumaxi ibuayi aapimï. Maatï aanï sai jaa pobïnïrhidi sai kïïgakïrï gin oijadaimi aapimï. Dïï tomaxi ïr buaboi saidi ïr buaboitudadami aapimï bïïxkïrï mai kïïga gin oijadaimï aapimï. Mai kïïgakïrï duduakakami duu óídaga aapimï tudu.