1 Tomoteo 5:19 - Northern Tepehuan Bible

¹⁹ Dai xi ïmoko pokaitadagi sai ïmo buaboitudadami bhaitï kïakamigadï mai kïïga ibuayi maiti gï agai xi ïïgiadagi go gïpiïrï bupadami. Mosïkaxi ix oidakagi goka xiïpï muiyoma nïijadami sai soimaaxi idui go bhaitï kïakami aidï gia.

Tepehuan Northern: Diuusi ñiooquidʌ utuducami oodamicʌdʌ

¹⁹ Isʌmaadutai gʌpiʌr vuupadagi ʌmo cʌliodami tʌaanʌdami maitiʌʌgiada asta siʌʌscadʌ oidacagi gooca siʌpʌ vaica nʌijadami.

1 Tomoteo 5:19 ပူးပေါင်းရင်းမြစ်များ

Mataibo 18:16

Dïï gia xi maiti ipïrhiadagi ïgai xi gï ïïgiadagi aidï gia baidañi ïpï ïmoko xiïpï goka buaboitudadami daidi abïr maakada ïpamu ñoki sai podukai oidakana goka xiïpï baika nïijadami ix tumaxi aagidagi aapimï.

VUAANA 18:29

Daidi go kaigi bhaiyoma busai kidigana dai aataga ïmadï go judidiu daidi potïtïdai. —¿Tumaxikïdï gïpiïrï bupai aapimï go Suxi?— itïtïdai.

VUAANA 8:17

—Daiñi, ïïgi gïn ojiïrï xakoga ojixi go sïïrhikami ikaiti sai ix goka kïkïïrhi ïmadugan dukai ñokadagi saidi gï maatïkana sai buaboi ñokai ïgai.

Hechos 11:30

Dai bhodïrï tïïgi ïgai go soiñi go Bernabe ïmadï Saulo sai ïgai bhïidakaiña Judeamu dai mïï tïïgidana go bhaitï gukamigadï buaboitudadami ami.

Hechos 25:16

Dïï aanï itïtïdai aidï saidi aatïmï dudunukamigadï romanos mai mos ïgikïdï gatïanïi gïgïbituldagi odami podukai— itïtïdai. —Aagidi aanï sai ïpïgioma gï agaitadai xi gïn bui tutusagi go ix makïdï ïr gïpiïrï bupadami ïmadï ix makïdï gï gïpiïrï bupaitudai bai ïïgi gï soiñagi ïgai— itïtïdai.

2 Korintios 13:1

Gin aaduñi, ka gokoako gïn dibiji aanï dai otoma gïn dibidamu aanï ïpamu. Dai xibi gïn aagidamu aanï ïpï ïmo ñoki. Daiñi, Diuxi ojadïrï ikaiti sai, Xi oidakagi ïmoko xorai gïpiïrï bupada ïrhiada ïmai dai pokaitadagi ïgai sai nïidi ix soimaaxi idui ïgai, aidï gia gï agai sai oidakagi ïpï ïmoko xiïpï goka nïijadami ix makïdï podukai aagagi ïpï. Ïbogiami podukai namïga ñokidï, ikaiti Diuxi ñokidïrï.

1 Tomoteo 4:14

Daiñi, baasïkioma go bhaitï gukakami darai ïkadï aapi gï daama dai aidï gï aagidi ïgai ïmo ñoki Diuxiañdïrï gï aagaitai aapi. Podukai gï maa Diuxi ïmo gubukarhigai. Kaxkïdï maiti gï agai xi dodorhi dakagi aapi xibi gï maakakai Diuxi go gubukarhigai.

1 Tomoteo 5:17

Gï agai xi kïïga xadutuadagi dai aa namïidadagi go buaboitudadami bhaitï gukamigadï ix makïdï kïïga ibuayi aaduindadï dai kïïgioma ix makïdï gamaakai ñoki dai gatïtïïgidi aatagi.

Tito 1:6

Dai go bhaitï gukakami ix makïdï darasagi aapi gï agai xi ïr kïkïïrhikagi ix makïdï kïï buañixikami dukai óídaga. Podukai mai biakamu jaa ixtukïdï gïpiïrï bupadagi. Gï agai xi ïmadugakagi oñigadï tudu. Dai gï agai xi maamaradï ïr buaboitudadamikagi. Dai gï agai xi mai oidakagi ix tukïdï jaa pokaitadagi sai maamaradï ïr pupuirugami. Dai gï agai ix mai tipukagi ïpï ixtukïdï pokaitadagi jaa sai mai ïïgidi dïïdïdï.

Hebreos 10:28

Daiñi, kïïga maatï aapimï xïï kabami taata gïgïbidaragai go Israelitas ïïki xïïxkadï mai ïïgiditadai ïgai go sïïrhikamigadï go Moises. Dai idi utudui sïïrhikami ix makïdï gïr maa Diuxi gïïpi bamioma namïga xi bhai go Moises sïïrhikamigadï. Dïï tomaxi dumarhioma namïga go Moises sïïrhikamigadï tomax dukai kabami bïïtïkana gïgïbidaragai ix ïmo odami mai ïïgiditadai gobai. Kaxkïdï tudu ix oidakatadai goka xiïpï baika nïijadami sai ïmo odami mai ïïgidi go sïïrhikami aidï gia go dudunukami mai soi gïlda gatïanïna muaragai.