1 Tomoteo 2:1 - Northern Tepehuan Bible

¹ Xibi bia aanï ïmo ñoki namïakami gï bïïtarï aapi Timoteo. Daiñi, aanï aagai sai sïïrhikïdï gï agai xi aapi ïmadï bïïxi buaboitudadami daanïdagi Diuxi bïïxi ixtumaxi biïgakagi bïïtarï. Dai sai daanturhiña aapimï bïïxi óídakami bïïtarï ïpï sai Diuxi soi gïlda nïidana. Daidi abïr maakada ïmo Diuxi aatanamïidaragai Diuxi daanïitai ïpï.

Tepehuan Northern: Diuusi ñiooquidʌ utuducami oodamicʌdʌ

¹ Gʌaagida iñʌlidi aanʌ isducatai gʌaagai mʌsivuaadagi mʌsiʌʌscadʌ gʌnʌmpaidiadagi dai siaa duutuadagi Diuusi. Aliʌsi gʌaagai isdaanʌdagi aapimʌ Diuusi issoicʌdagi ʌgai oodami vʌʌsiaʌcataicʌdʌ, dai sai baigʌnʌlidiña aapimʌ Diuusi vui nuucadatai ʌgai oodami.

1 Tomoteo 2:1 ပူးပေါင်းရင်းမြစ်များ

Hechos 17:30

Ïïkioma óídakami mai maatïkatai buaboidaiña pomaaxi. Kaxkïdï aidïpïrï Diuxi maiti ipïrhiditadai xi bui bhamukagi. Dïï xibi gia Diuxi kaxi gatïjai sai ïmadukai gïn tïtïgitoagi bïïxi odami aipako óídakami.

Romanos 1:8

Ïpïgioma gïn aagida in ïrhidi ansai kïïga bhai gin ïrhidi Diuxi ïmadï kaïkatai ix óídakami aipako aagai xïï kïïga buaboitudai aapimï Suxi Kristo. Dai aagidimi aanï Diuxi ansai bhai gin ïrhidi ïpï. Suxi Kristo ïgai dai bhai dui gin bïïtarï xi bhaigakagi aanï xi podukai aatagidagi Diuxi.

Romanos 6:17

Ïkioma aapimï ïr pipioñigadïkana go soimaaxkami. Dïï xibi aanï aagai ansai bhai gin ïrhidi Diuxikïdï. Xibi aapimï bïïxi gïn bhai ïrhiarakïdï ïïgidi go ñoki ix makïdï gïn maatïturhi aanï kaxkïdï.

1 Korintios 15:3

Daiñi, gïn aagidi aanï go bamioma namïakïdï ñoki ix makïdï gin maatïturhi Suxi Kristo. Gïn aagidi aanï tudu sai Suxi Kristo muu ix dukai ojixi Diuxi ñokidïrï. Dai sai podukai bhai dui ïgai sai oigïrhikan biïna aatïmï gïr soimaaxkamigakïdï.

2 Korintios 8:6

Go Tito ïgai ix makïdï tukamïrï soi go buaboitudadami Masedoniïrï óídakami saidi ïmpaidiña ïgai soiñi. Dai kaxkïdï abïnaki aatïmï sai gamo Korintoamu imïna ïgai ïpamu dai sai aapimï gïn soiñana ïgai ïpï saidi gï naato ïmpaidagi go soiñi ix makïdï gïn aaga ïmpagi aapimï baasïkioma. Saidi naato ïmpaidana aapimï go soiñi go buaboitudadami amïka Judea munisipioana bïïtarï tudu.

Efesios 3:13

Kaxkïdï tudu gïn daanïi aanï xi maiti gïn dagitoagi aapimï ix soi gïn ïrhiadagi gin maixatudakai aanï tanai. Daiñi, gï agai xi kïïga xadutuadan taadakagi aapimï bhaiyoma xi gïn soikïitai gin maixatu aanï.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Filipenses 1:3

Gin aaduñi Diuxi amadïrï, sïïrhikïdï bhai gin ïrhidiña aanï Diuxikïdï gïn tïtïitoitai.

Filipenses 4:6

Maiti abïr buamï gïn ïrhiada tomax tuma daibuñagi dai bhaiyoma abïr bïïxkïrï daanïda Diuxi sai gïn soiñana. Dai bïïxkïrï xïïxkadï aatagada aapimï Diuxi ïmadï dai gadaanïdagi abïr bïïxkïrï bhai gï ïrhiada Diuxikïdï ïpï.

1Tesalonicenses 3:12

Daanïiña aatïmï ïpï sai gïn soiñana Suxi Kristo sai apia kïïgioma gïn oigïdada aapimï aipakoga dai sai kïïgioma oigïdada aapimï jaa ïpï. Sai ix xïïxi gïn oigïdai aatïmï sai pokaxi oigïdada aapimï jaa.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

1 Tomoteo 2:4

Ipïrhidi ïgai sai bïïxi odami kïïgakïrï bubuakïna dai sai maatïkana ix tumaxi ïr buaboi kaxkïdï.

1 Tomoteo 5:5

Daiñi, bipiudu ix makïdï mai bia xorai soikïdagi dai ix makïdï daanïi Diuxi bïïx tasai nïnïrakatai sai Diuxi soiñana ïgai gia kïïgakïrï ïr bipiudu. Ïgai gï agai xi soikïdagi aapimï.

2 Timoteo 2:24

Daiñi, aapi ïr aatabuadami Diuxi bïïtarï. Dai odami ix makïdï ibuayi Diuxi aaduindadï maiti gï agai ix kokoadagi dai bhaiyoma gï agai ix kïï tutiakagi buidïrï jaa. Gï agai xi maatïkagi ïgai ix dukatai tïtïïgiadagi ñoki jaa dai gï aagai ix mai oton bhamuakagi xïïxkadï soi buidadagi jaa ïpï.

Tito 2:11

Diuxi otoi Suxi Kristo tudu dai bhai dui kïïgakïrï bubaidaragai bïïxi óídakami bïïtarï. Podukai gïr tïtïïgidi ïgai xïï kïï tuiga Diuxi.

Tito 3:2

Maiti gï agai ïmo buaboitudadami xi galnaaxi ñoki aagiadagi tomarhi ïmadutai tomarhi xi gabupui ñokidaragakagi. Gï agai bhaiyoma xi kïï tuigakagi ïgai bïïxi óídakami bïïtarï dai mai xu xi ïmo gïdukami gï ïrhiadagi ïïgi.

Hebreos 6:11

Ipïrhidi aatïmï sai apia kabami gïn aajagïda aapimï tudu oigïdaitai aapimï jaa dai kïïga oigïdaitai Diuxi ïpï asta xïïxkadï ukami óídakagi aapimï tami oidigi daama. Podukai abïr ibuada maatïkatai sai buimu aapimï gobai ix makïdï nïnïraka aapimï xi gïn maakiagi Diuxi.

Santiago 5:16

Gï agai aapimï ix gïn aaduñi Diuxi amadïrï buitapi maaxi aagagi ixtuma soimaaxkami idui aapimï tudu. Daidi gïn daanturhiadabïrai aipakoga ïpï xïïxkadï kokokoñikagi aapimï saidi duduadïna aapimï. Xïïxkadï kïïga buañixikagi ïmo odami ibhïadï dai kïïga buaboitudaitai daanïdagi ïgai Diuxi gobai kïïga ibuayi soiñi tudu.