1 Pedro 5:14 - Northern Tepehuan Bible

¹⁴ Kïïga gïn oigïdaitai abïr gïn biatuldada aipakoga buaboidaitai aapimï Suxi Kristo. Xibi ipïrhidi aanï sai ibhïxtakan taadakagi gïn ibhïdaga bïïxkatai aapimï buaboitudaitai aapimï Suxi Kristo. Mosïkaxi.

Tepehuan Northern: Diuusi ñiooquidʌ utuducami oodamicʌdʌ

¹⁴ Baigʌnʌliaragacʌdʌ gʌnviaatuldiada dai apiavʌr gʌnoigʌada aipacoga. Aanʌ ipʌlidi isvʌʌscatai aapimʌ ismaacʌdʌ vaavoitudai Suusi Cristo baigʌnʌliadagi. Mosʌcaasi.

1 Pedro 5:14 ပူးပေါင်းရင်းမြစ်များ

Mataibo 5:47

—Dai ix mosïkaxi bïïtarï kïï tutiakagi aapimï gïn aaduñi ix makïdï kïïga gïn oigïdai dai mai oigïdada aapimï go gaa, aidï gia mai bamioma kïï tutuiga aapimï xi go ix makïdï mai buaboitudai Diuxi. Ïgai kïïga oigïdai aaduñdï ïpï tudu— itïtïdai.

VUAANA 14:27

Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

VUAANA 20:19

Dai aidï tumiñoko mos baakïkïrï ïkarhi go mamaatïrdamigadï gïn ïmpagi ïmo kiiyïrï dai kïïga kuu kuuparadï ïbhïiditai go judidiu. Dai todian dukai baa go Suxi dai ami gasaagida kïkiba dai biaturhi. —Gin aaduñi, bhïibïrai ibhïxtaragai gïn iibhïdagïrï— itïtïdai.

VUAANA 20:26

Dai bhodïrï ïpï mamaako tasaikïdï ïpamu gïn ïmpagi go mamaatïrdami. Dai aidï gia gaïmadï dajatadai go Tomás. Dai kïïga kandadumagikatadai kuuparagai daidi bïïxkïrï todian dukai ami gasaagida kïkiba go Suxi daidi itïtïdai, —Gin aaduñi, bhïibïrai ibhïxtaragai gïn iibhïdagïrï— itïtïdai.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Romanos 16:16

Kïïga abïr gïn bipiaturhiada aipako aapimï ix makïdï ïr buaboitudadami. Diuxkïdï gïn biaturhi bïïxi go gaa buaboitudadami ix makïdï gïn ïmpaidiña kikiupiana aipakoga ïpï.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

1 Korintios 1:30

Daiñi, mos ïïgi Diuxi gubukarhigadïkïdï bïïna daraja aatïmï Suxi Kristo. Aatïmï maiti idui tomarhi ïmo ixtumaxi. Suxi Kristokïdï tudu gïr maa Diuxi ïïgi tïgibudadï dai Suxi Kristokïdï ïpï bhai dui Diuxi sai kïïgakïrï gïr nïidiña ïgai ïpï. Suxi Kristo ïgai ix makïdï ïkobai gïr bubaitu sai mos ïïgi Diuxi bïïtarïkana aatïmï dai ïgai aa namïki gïr buatuldaraga ïpï sai kïïgakïrï bubuakïna aatïmï.

1 Korintios 16:20

Diuxkïdï gïn biaturhi bïïxi go buaboitudadami tanaidïrï. Dai ipïrhidi aanï xi kïïgakïrï gïn biaturhiada aapimï aipakoga ïpï.

2 Korintios 13:12

Kïïga abïr gïn bipiaturhiada aipakoga aaduñdïkatai aapimï Suxi Kristo.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

Efesios 6:23

Xibi gin susukurhi Diuxiïrï, ipïrhidi aanï xi kïïga buaboitudada aapimï bai kïïga gïn urabakan taadakana aapimï aipakoga. Sai Diuxi Gïr Oga ïmadï Suxi Kristo Gïr Nukadakami gïn soiñana bai kïïgakïrï gïn oigïadagi aapimï aipakoga.

1Tesalonicenses 5:26

Dai kïïga abïr gïn biaturhiada gïn oigïdatai aipakoga.

1 Pedro 1:2

Diuxi gïr oga ka ïkiaxdïrï maatï bïïxi aïkatai ixtumaxi daibuña agai dai kaxkïdï podukai gï tïgito ïgai dai ïïki abhiadïrï ka ïkobai gïn bubaitutadai ïgai saidi ïr aaduñdïkana aapimï. Ka ïkobai gïn buaboitu Diuxi Ibhïadï tudu saidi Suxi Kristo ïradï ix makïdï aaxi ïgai namïakana gïn bïïtarï saidi oigïldana Diuxi gïn soimaaxkamiga dai sai kïïga ïïgidiña aapimï ïgai. Gin aaduñi, ipïrhidi aanï ix Diuxi bamioma gïn tïïgidana xïï kïï tuiga ïgai gïn bïïtarï dai sai gïn maakana ibhïxtaragai gïn ibhïdagïrï.

3 Juan 1:14

Bhaiyoma mïï gï dibida in ïrhidi otoma daidi aataga in ïrhidi gï ïmadï.