1 Pedro 2:23 - Northern Tepehuan Bible

²³ Xïïxkadï odami galnaaxi ñoki aagidi, Suxi apia bhai maaxi ñoki aa noraidiña. Tomaxi soi buididiña jaa bïïxkïrï Suxi mai pokaitiña sai aa noraida agai soimaaxi gï sïïrhiñda agaitai ïgai ïmadï. Dai bhaiyoma nïnïrakana Suxi sai aagana Diuxi xorai kïï idui dai xorai mai kïï idui dai sai Diuxi maakana gïgïbidaragai xorai ajïakagi.

1 Pedro 2:23 ပူးပေါင်းရင်းမြစ်များ

Isa 53:7

Odami soi buididi otosadï Gïr Nukadakami dai gïikarai bïïxi. Dïï ïgai mai taadaga. Gï muatu ïgai ïpïan dukai kañiru dai ïgai mai ñokai. Mos dodorhi bii. Ix maaxi kaatïkana kañiru xudu odami ikidagi popodï podukai dodorhi bii otosadï Gïr Nukadakami.

Lukas 23:41

Dai aanï ïmadï aapi gia gïr ajïakatadai idi gïgïbidaragai. Soimaaxi ibuadami aatïmï kaxkïdï. Dïï gia idi kïïrhi gia maiti ïr soimaaxi ibuadami. Gï agaitadai xi ïbhiadagi aapi Diuxi dai mai podukai ñokadagi— itïtïdai.

Lukas 23:46

Dai gïgïr iiña go Suxi dai gokiïrï potïtïdai ïgai Diuxi, Gin Oga, itïtïdai. Gï nukaturhi aanï gin ibhïdaga, itïtïdai. Mos potïi ïgai dai muu.

Lukas 23:9

Dai naana maaxi tïkakai ïgai go Suxi dïï gia Suxi mai aa noragi tomarhi ïmo ñoki.

Hechos 17:31

Daiñi, Diuxi ka dáí ïmo kïïrhi xi ïgai nïijadamu oidigi daama óídakami dai ïgai aagadamu ix makïdï ïr kïïga ibuadami dai ix makïdï ïr soimaaxi ibuadami. Kïï nïijadamu ïgai dai sïïrhi aagadamu. Dai Diuxi ka dáí ix tuma tasïrï pobï gï duñagai gobai ïpï. Kïï maatï aatïmï xi ïr buaboi ka agai gobai, Diuxi duakaturhi go kïïrhi ïgai aidïxi mutadai ïgai kaxkïdï— itïtïdai Pabora.

Hechos 4:29

Dai aapi Diuxi kïïga nïidi ix gïr bui bhakokorïi go dudunukami. Aatïmï ïr gï pipioñi kaxkïdï gïr maakañi gubukadagai xi mai duadimudagaikïdï aatagada gï ñoki— ikaiti go buaboitudadami gadaanïitai Diuxi.

Hechos 7:59

Kia maixaitadai go odami baidi go Tibañi daanïgi go Suxi daidi ikaiti, —Aapi Suxi gin Nukadakami, bhïkañi gin ibhïdaga— ikaiti.

Hechos 9:1

Dai aidïpïrï go Saulo bui ñokaitadai go buaboitudadami kïïdaitai ïgai dai asta kodadan kaititadai. Gaagaimi ïgai ixdukatai naato ugititudagi go buaboitudadami dai mïï dibiji go bhaitï kïakamigadï dadaxdadami judidiu.

Romanos 2:5

Dïï sïïrhikïdï mai tïtïkaidaga aapimï dai ïïgi gïn abhana dadasai aapimï gïïpioma gïgïbidaragai. Ayimu tudu ixtuigako Diuxi gatïtïïgida agai xïï kabami bhamu ïgai soimaaxi iibhïdakami bui. Aidïpïrï Diuxi aagada agai xorai biaka agai gïgïbidaragai dai xorai mai biaka agai. Sïïrhi aagada agai aidï.

Efesios 6:9

Dai aapimï ix makïdï ïr ga amu ïpï, kïï sïïrhi dukai abïr ibuada gïn pipioñi bïïtarï. Maiti abïr gubudakïdï aaduintulda gïn pipioñiga aagiditai sai gïgïbitulda antaada aapimï. Tïgitobïrai aapimï aidï saidi aapimï ïmadï gïn pipioñiga bia ïpï ïmai gïn Amu ix makïdï tïbagiana daja dai ïgai mos ïmadugan dukai nïidi bïïxi óídakami.

2 Tesalonicenses 1:5

Soimaaxi gïn taataturhi jaa tudu dïï ïgaikïdï maaxitudamu Diuxi xïï sïïrhi aatabuayi ïgai. Kaxkïdï tudu Diuxi gïgïbitulda aagai xorai ajïakagi gïgïbidaragai dai xorai mai ajïakagi gia cho. Podukai nïijadamu odami sai sïïrhi aatabuayi Diuxi. Daiñi, Diuxi ïgai daidi gïn tïanïi ix kaxkïdï gïn kïïdai go gaa dai soimaaxi gïn taatamiturhiña. Dai Diuxi ïgai daidi gïn darai sai biakana aapimï oigaragai ix gïn tïanïna ïgai.

2 Timoteo 1:12

Dai xibi maixapi aanï ibuadatai go aaduindagai ix makïdï gin maa ïgai dïï mai xaïrai aanï gokïdï. Kaxkïdï tudu kïïga maatï aanï ix tuiga Suxi Kristo ix makïdï buaboitudai aanï dai gobai ïr ïmo abïnakidaragai gin ibhïdaga bïïtarï. Kïïga buaboitudai aanï tudu dai asta nukaturhi aanï gin ibhïdaga. Kaxkïdï tudu kïï maatï aanï sai ïgai bia gubukarhigai ix gin nukadakagi asta xïïxkadï dibiagi ïgai ïpamu.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

Hebreos 12:3

Gin aaduñi, kïï maatï aapimï sai go Suxi kabami soimaaxi taata. Go óídakami soimaaxi ibuadami kabami kïïdaiña dai kabami soimaaxi buididiña tudu. Gïn tïgitobïrai gobai sai podukai mai ojodatai oijada aapimï gïn buaboidaraga dai sai mai ugitïna gïn gubukarhiga xïïxkadï soi gïn buidadagi óídakami ïpïan dukai xi duñi ïgai Suxi.

1 Pedro 3:9

Xïxkadï soimaaxi gïn buidadagi jaa maiti abïr aadïrï soimaaxi ibuada ïpï. Ix soimaaxi ñoki gïn aagidagi ïmai maiti abïr aa noraida soimaaxi ñoki dai bhaiyoma abïr aagiada ïmo bhai ïrhiaragai ñoki. Pomaaxi bïïtarï kïïgakïrï gïn bubaitu Diuxi tudu saidi kïïga buidadagi aapimï jaa. Dai Diuxi gïn maakimu naana maaxi bhai ïrhiaragai ix pobuadagi aapimï.

1 Pedro 4:19

Gin aaduñi, Diuxi gïr idui dai bïïxkïrï ibuayi ïgai ixtumaxi aagadagi ïgai dai mai yaatagïi. Kaxkïdï gï agai sai apia buaboitudada aatïmï sai ïgai kïïga gïr nukadamu tomaxi soimaaxi taatamadagi aatïmï ibuadatai ixtumaxi Diuxi ipïrhidi.

Apokalipsis 19:11

Dai bhodïrï nïidi aanï ix gï kupiokatadai go tïbagi dai ami kïakatadai ïmo kabayo tojakami. Dai go kabayo daama daitugai ïgai ix makïdï bïïxkïrï ibuayi ixtumaxi aagagi dai bïïxkïrï aagai ixtumaxi ïr buaboi. Dai ïgai bïïxkïrï sïïrhi aatabuayi xïïxkadï gamaakadagi gïgïbidaragai dai xïïxkadï ibuadagi kokodi.