1 Pedro 2:15 - Northern Tepehuan Bible

¹⁵ Gin aaduñi, Diuxi ipïrhidi sai kïïga xadutudaitai óídakagi aapimï. Ipïrhidi ïgai sai go óídakami ix makïdï ïr buidïrï bïïtïkamigadï Diuxi ka mai biakagi ixtukïdï ñokadagi tudu. Podukai dodorhituda ïrhidi ïgai go ix makïdï gïn ñokidiña aagaitai naana maaxi buirudagai.

Tepehuan Northern: Diuusi ñiooquidʌ utuducami oodamicʌdʌ

¹⁵ Diuusi ipʌlidi iscʌʌgacʌrʌ oidaca aapimʌ vai poduucai ʌgai ismaacʌdʌ vupuiiruga dai maivaavoituda ʌlidi Diuusi ñiooquidʌ maitʌnñiooquiadagi.

1 Pedro 2:15 ပူးပေါင်းရင်းမြစ်များ

Mataibo 25:2

Dai taamatai go aarhi oki mai kïïga gïn tïgito dai mai bhïkai asaiti kukudakarudï bïïtarï.

Mataibo 7:26

—Dïï gia odami ix makïdï mosïkaxi kaïkagi gin ñoki dai mai ïïgiadagi gobai, ïgai gia ïr ïpïan dukami ïmo kïsadami baaki ïpï dïï ïgai gia buiruga. Ïïpïan dukami ïgai ïmoko ix makïdï oratana kïi baakidï

Romanos 1:21

Tomaxi odami kïï maatïkana ix tuiga Diuxi bïïxkïrï mai xadutudai ïgai tomarhi mai bhai gïn ïrhidi Diuxikïdï. Bhaiyoma mos apia soimaaxi ibuayi ïgai dai sïïrhikïdï mai kïïgadukana tïgibudadï.

Galatas 3:1

Aapimï gin aaduñi Galasiïrï óídakami, sïïrhikïdï mai kïïgadu gïn tïgibudaga. Gïn bupuirumagi ïrhi aanï ixtumaxi. ¿Xorai ïgai dai gïn bupuirumagi tudu? ¿Mai ix kïïga gïn tïtïgidi aatïmï ix tuma bïïtarï muu Suxi Kristo kuruxiana?

1Tesalonicenses 4:3

Ipïrhidi Diuxi sai mosïkaxi ïgai bïïtarï óídakana aapimï ïko darakatai soimaaxkamiañdïrï. Maiti ipïrhidi ïgai sai abhana bopodagi aapimï jaa ix makïdï maiti ïr sïïrhi tudu.

1Tesalonicenses 5:18

Bïïna daraka aapimï Suxi Kristo xi kaxkïdï Diuxi ipïrhidi xi bïïxi aïkatïrï aagada aapimï xïï bhai gïn ïrhidi Diuxikïdï.

Tito 2:8

Tïïgidañi ñoki ix makïdï ïr buaboi tudu sai podukai mai tipukagi ixdukatai ñokadagi jaa. Podukai ibuadatai aapi gïn xaïrogidamu gïr buidïrï bïïtïkamiga mai tïtïgaitai ïgai soimaaxi ixtukïdï gïpiïrï gïr buapadagi.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.

1 Pedro 3:16

Gïn nukadabïrai dai maiti ibuada tomarhi ïmo ixtumaxi ix makïdï soimaaxkami ïrhidi aapimï sai podukai mai gïpiïrï gïn bupadan buadagi ïïgi gïn tïgibudaga gokiïrï. Dai podukai ïpï xi gïpiïrï gïn bupada ïrhiadagi jaa xaïradamu ïgai nïiditai xïï sïïrhi ibuayi aapimï oiditai Suxi Kristo.

1 Pedro 3:17

Daiñi, xioma ïr kïïga ix soimaaxi taatamadagi aapimï ibuadatai ixtumaxi ïr sïïrhi, ix podukai gï tïgitoagi Diuxi dai gïn dagitoagi ix soimaaxi taatamadagi aapimï tudu. Dïï gia maiti gï agai ix soimaaxi taatamadagi aapimï soimaaxi ibuadatai. Gobai gia mai kïïgadu.

1 Pedro 4:2

Ix bhai gïn dukagi ix soimaaxi taatamadagi aapimï ïpïan dukai Suxi Kristo aidï gia ka maiti ibuadamu aapimï go soimaaxkami ix makïdï gïn tanïdagi odami tïgibudadï tudu. Aidï gia bhaiyoma ibuadamu aapimï ixtumaxi Diuxi ipïrhidi asta xako ukami óídakagi aapimï tami oidigi daama.

2 Pedro 2:12

Daiñi, go tïtïïgiadami yaatagi ïgai parunaiña ixtumaxi mai maatï mai kïïga biakatai tïgibudagai. Naana maaxi soimaaxi buirudagai ibuayi ïgai mai kïïga gïn tïgitokatai ïpïan dukai go oidigana kïkïixi ix makïdï go óídakami buyiña dai kodaiña. Dai gïn kodituda agai ïgai ïpïan dukai kïkïixi ïpï.

Udaxi 1:10

Dïï gia go tïtïïgiadami yaatagi ix makïdï gïn saagida bapai ïgai mos parunaiña ixtumaxi mai maatï kaïkagi ïgai. Tïgibudadï ïpïan maaxi buxtaki tïgibudadï. Buxtaki dukai ïïgidiña ïgai bïïxi ixtumaxi tañiagi tukugadï daidi ibuayi naana maaxi soimaaxkami tudu. Dai mos ugiti agai ïgai pobuadatai. Pokaitiña ïgai sai kïïga maatï ïgai ixtumaxi dïï pupuiruga ïgai bhaiyoma.