1 Pedro 2:10 - Northern Tepehuan Bible

¹⁰ Kïïga ïr buaboi ixtumaxi oja go ñokituldiadamigadï Diuxi ïïki tudu. Ïgai ikaiti sai, ïkiomai maiti ïr ïmo aadunumïkana aapimï. Dïï gia xibi kaxi ïr aaduñdï aapimï Diuxi. Ïkiomai mai tipukatadai xorai buamï ïrhiadagi gïn bïïtarï. Dai xibi gia Diuxi kïïga buamï ïrhidi gïn bïïtarï, ikaiti go ñokituldiadamigadï Diuxi ïïki gïn aagaitai ïgai aapimï.

Tepehuan Northern: Diuusi ñiooquidʌ utuducami oodamicʌdʌ

¹⁰ Ʌʌquioma aapimʌ maitʌrmaamaradʌcatadai Diuusi dai sivi casi ʌrmaamaradʌ aapimʌ Diuusi. Ʌʌquioma tomali ʌmaadutai maisoigʌʌlidiña aapimʌcʌdʌ dʌmos sivi Diuusi soigʌʌlidi aapimʌcʌdʌ.

1 Pedro 2:10 ပူးပေါင်းရင်းမြစ်များ

Romanos 10:19

¿Go judidiu ix mai maatï kaï Suxi Kristo aatagidï aidï? Kïïga maatï kaï ïgai tudu, ikaiti gobai. Go Moiseskaru oja ïki tudu sai Diuxi ikaiti, Aanï Diuxi oigïdamu odami ix makïdï maiti ïr judidiu. Oigïdamu aanï odami tudu ix makïdï aapimï judidiu mai namïakami dukai nïidi. ¡Aidï gia ïgamukan taadakamu aapimï judidiu! Bhakoikamu aapimï nïiditai sai aanï oigïdai odami ix makïdï aapimï mos pupuirugami aagai, ikaiti Diuxi.

Romanos 11:30

Ïkioma aapimï ix makïdï maiti ïr judidiu maiti ipïrhidiña xi ïïgiadagi Diuxi. Dai xibi go judidiu ïgai dai mai ïïgidimi. Kaxkïdï xibi Diuxi kïï tuiga aapimï gïn bïitarï.

1 Korintios 7:25

Xibi maakimu aanï ñoki ix makïdï mai kia kukuna. Dai tomaxi Gïr Nukadakami maiti gïr maa ñoki idikïdï dïï gia kïï tuiga ïgai gin bïïtarï dai gin maakaiña gubukarhigai ix kïï sïïrhi ñokada aanï kaxkïdï gï aagai ix buaboitudada aapimï gin ñoki.

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.