1 Korintios 9:5 - Northern Tepehuan Bible

⁵ Dai bia aatïmï go arhi baaxi sïïrhikami ix makïdï bia go gaa ojotosadï Suxi ïpï. Daiñi, go Piduru ïmadï go Suxi susukurhidï dai ïmadï go gaa ojotosadï Suxi bïïxkatai ooñiga buaboitudadami dai baida ajiopaiña ïgai aagaitai Diuxi ñokidï aipakoga. ¿Dai aanï ïmadï go Bernabé bhai ix mai bia sïïrhikami ix pobuadagi ïpï?

Tepehuan Northern: Diuusi ñiooquidʌ utuducami oodamicʌdʌ

⁵ Dai viaa aanʌ sʌʌlicami isooñtagi ʌmo ooqui vaavoitudadami poduucai isduucai ivueeyi ʌgaa Suusi Cristo ojootosadʌ, dai Suusi Cristo susuuculidʌ dai Piiduru.

1 Korintios 9:5 ပူးပေါင်းရင်းမြစ်များ

Mataibo 13:55

—¿Mai ix ïr maradï gobai go bakitadami? ¿Dai mai ix Maria tïgidu dïïdï dai susukurhidï kïkïïrhi Jakobo dai Jose dai Ximuñi dai Udaxi tïtïgidu?— ikaitiña.

Mataibo 8:14

Dai bhodïrï jii Suxi kiidïrï Piduru. Ami tïï ïgai tumudï Piduru xi ami kaatïkatadai kabami oiditai toiñdagai.

Markos 1:30

Dai ami kaatïkatadai tumudï Ximuñi. Oiditadai toiñdagai. Mïtai otoma aagidi go Suxi.

Markos 6:3

—Gobai mos ïr ibiixumadami uxi dai dïïdï Maria tïgidu— ikaitimi. ¿Maiti ix gïr saagida óídaga susukurhidï? Daja go Jakobo dai go Jose dai go Udaxi ïmadï go Ximuñi, dai susukurhi oki bïïxi gïr saagida óídaga ïpï— ikaitimi odami dai bhaakoi bui.

Lukas 6:15

dai ïmai Mataibo, dai ïmai Tomás, dai ïmai Jakobo. Ïgai ïr Alfeo maradï. Dai ïmai Ximuñi tïgidu. Ïgai ïr ix makïdï politiko aagaiña odami.

Lukas 8:20

Dai ïmadutai ix makïdï ami dakatadai potïtïdai go Suxi, —Gï daada ïmadï gï susukurhi kiidïañdïrï guka dai gï nïida ïrhidi— itïtïdai.

VUAANA 1:42

Dai otoma baidaja ïgai go Ximuñi sai nïidana go Suxi. Daidi Suxi mos tïïgakai go Ximuñi potïtïdai, —Aapi ïr Ximuñi dai gï oga Juan tïgidu dai aapi Cefas gï aagamu odami xibi bhaitiakoga— itïtïdai Suxi. Piduru busakïi go Cefas tïtiaradï tudu dai itïiya ïrhidi aiti.

VUAANA 2:12

Bhodïrï jii Suxi abhiadïrï ïmadï dïïdï dai susukurhidï dai go mamaatïrdamigadï ïpï. Iji ïgai ïmo ciudadana xako Kapernaum tïgidu dai ami bii ïgai chïki tasai.

Hechos 1:14

Bïïxkatai ïgai mos apia daanïiña Diuxi bïïx tasai. Suxi susukurhidï ïmadï ïmpaidiña ïgai dai Maria, Suxi dïïdï ïmadï dai jaa oki ïmadï ïpï dai gadaanïiña ïgai Diuxi. Dai mos ïmo tïgibudagai biakana ïgai.

Romanos 16:1

Aanï Pabora ipïrhidi mïxi oigïda nïïjadagi aapimï go oki Febe tïgidukïdï. Gïr sukurhi ïgai Diuxiïrï tudu dai kïïga soikïiña ïgai go gaa buaboitudadami ix makïdï gïn ïmpaidiña Cenkreïrï.

1 Korintios 1:12

Ïïmoko aapimï as pokaitiña sai aanï gin urabaka dai jaa saidi as urabaka go Apolos, dai jaa go Piduru dai sai jaa Kristo amakoga urabakan kaiti ïpï.

1 Korintios 7:15

Dïï tomax dukai ix ïmoko ix makïdï mai buaboitudai dagito ïrhiada aduñdï ix makïdï gia buaboitudai maiti gï agai xi sobhidagi. Gï agai xi dagitoagi sai ïko imiagi ïgai. Go buaboitudadami maiti gï agai ix gubukadakïdï aagiadagi sai ïmadï dakana. Ix gubukadakïdï aagidagi ïgai sai ïmadï dakana kïïga kokoada antaada ïgai tudu dai Diuxi ipïrhidi sai kïïgakïrï xioma óídakagi buaboitudadami maiti gïn kokodatai.

1 Korintios 7:39

Ïmo oki kunakami bia ix ïmadï oidakagi asta xïxkadï ukami oidakagi kunadï. Dïï gia ix mukiagi kunadï aidï gia bia ïgai oigaragai ix ïmadï biyagi tomax makïdï kïïrhi ix ïr buaboitudadami go kïïrhi tudu.

1 Korintios 7:7

Daiñi, aanï ïïgi daja gin maakaitai gubukarhigai Diuxi xi ïïgi biyagi aanï dai po in ïrhidi aanï sai kïïgadukatadai ix ïjïgi bimudai bïïxi buaboitudadami. Dïï mai ïmadugan dukai maa Diuxi gubukarhigai bïïxi óídakami. Ïïmoko maa ïgai gubukarhigai ix gïn kukuntagi dai jaa maa ïgai gubukarhigai ix ïjïgi oidakagi.

1 Korintios 7:8

Xibi idi ñoki ïr bïïtarï aapimï ix makïdï mai kia gaïmadï bii dai ïmadï ix makïdï kukunatadai dai ka muu aduñdï. Aapimï ïr kïïga ix ïjïgi biiyagi ïpïan dukai aanï.

Galatas 1:19

Aidï mosïkaxi go Piduru tïï aanï ïmadï go Santiago go sukurhidï Suxi. Mosïkaxi ïgai tïï aanï tudu dai maigobakoga mai tïï aanï go gaa ojotosadï Suxi.

1 Tomoteo 3:2

Kaxkïdï ïmo nukadakami buaboitudadami gï agai xi kïï buañixikami dukai oidakagi sai mai tipukagi ixtukïdï gïpiïrï bupadagi jaa. Maiti gï agai tudu xi mui oki biakagi. Gï agai bhaiyoma xi ïmadugakagi oñigadï. Dai gï agai xi kïï gï tïgito nïijada ïgai bïïxi aïkatïrï ixtuma buadagi sai kïï bhai maaxkagi. Dukami, gï agai xi kïïga miadaidarakagi ïgai xïïxkadï daibidagi jaa. Dai gï agai xi maatïtai tïtïgiadagi ïgai ñoki ïpï.

1 Tomoteo 4:3

Daidamu ïgai odami xi gaïmadï bipiïdagi dai mai kuadamu ïgai mui kuadagai ïpï pokaititai saidi ïr daidarxikami sai podukai bupuirumadamu ïgai odami. Dïï gia kïï maatï aatïmï sai maiti ïr buaboi aatagidï. Kïï maatï aatïmï bhaiyoma sai Diuxi idui bïïxi kuadagai sai aatïmï ix makïdï buaboitudai bhai gïr ïrhiada ïgaikïdï gakuadatai.

1 Tomoteo 5:2

Dai gï agai xi xadutuada aapi rhiokodami ïpï gï dïïdï dukai. Dai xadutuadañi go utu iimïdami oki ïpï gï susukurhi dukai.

Tito 1:6

Dai go bhaitï gukakami ix makïdï darasagi aapi gï agai xi ïr kïkïïrhikagi ix makïdï kïï buañixikami dukai óídaga. Podukai mai biakamu jaa ixtukïdï gïpiïrï bupadagi. Gï agai xi ïmadugakagi oñigadï tudu. Dai gï agai xi maamaradï ïr buaboitudadamikagi. Dai gï agai xi mai oidakagi ix tukïdï jaa pokaitadagi sai maamaradï ïr pupuirugami. Dai gï agai ix mai tipukagi ïpï ixtukïdï pokaitadagi jaa sai mai ïïgidi dïïdïdï.

Hebreos 13:4

Aapimï ix makïdï ka gaïmadï bii abïr xadutuada gïn aduñi dai kïïga abïr gïn tïtïgitoka dai mai ïmadï boopodagi ïmai. Kaxkïdï tudu Diuxi gïgïbitulda agai xorai ïmadï boopodagi ix makïdï maiti ïr aduñdï. Dai go ix makïdï mai kia gaïmadï bii, ïgai maiti gï agai ix gaïmadï boopodagi ïpï.