1 Korintios 7:38 - Northern Tepehuan Bible

³⁸ Ïmo kïïrhi marakami oki ix gamaakiagi ïgai maradï kïïga ibuayi tudu dai ix mai maakiagi bamioma kïïga ibuayi. Tomax dukai kïïga ibuayi ïgai di. Kïïga ibuayi ïgai ix dukatai ïgai buaboitudai saidi ïr sïïrhi tudu.

Tepehuan Northern: Diuusi ñiooquidʌ utuducami oodamicʌdʌ

³⁸ Dʌmos sioorʌ dagituagi gʌmara sai cunatana cʌʌga ivueeyi dai sioorʌ maidagituagi gʌmara sai cunatana vaamioma cʌʌga ivueeyi.

1 Korintios 7:38 ပူးပေါင်းရင်းမြစ်များ

Mataibo 5:32

Dïï gia aanï ïma dukai aagai. Daiñi, aanï aagai sai mosïkaxi xi go oki ïmadï daibuñagi ïmai aidï gia kunadï bia oigaragai ix dagitoagi. Dïï gia xi go oñigadï mai ïmadï daibuñagi ïmai aidï gia go kunadï ïr duñidï sai gïpiïrï daitudai ïgai oñigadï dagitokai ïgai. Go oñibarudï ïmadï bii antaada ïmai gokiïrï dai gobai ïr soimaaxi tudu. Dai go kïïrhi ix makïdï ïmadï biiyagi go oki soimaaxi ibuayi ïpï ïmadï biïkai ïgai go oki oñibarudï ïmai— itïtïdai Suxi go odami.

1 Korintios 7:26

Daiñi, nïidiña aanï sai xibi tuigako kabami soi gïr buididiña jaa. Gïr kïïdai ïgai buaboitudadamikatai aatïmï tudu dai xijaiga gïr oidakaragai. Dai kaxkïdï aanï pokaiti sai maiti gï agai xi aatïmï buaboitudadami ibuadagi ixtumaxi ixtukïdï bamioma xijiakagi gïr oidakaragai. Kaxkïdï ix ka oñiakagi ïmo kïïrhi xioma ïr kïïga ix mai dagitoagi dai podukai ïpï ix mai oñiakagi kia xioma ïr kïïga ix mai oñtagi sai mai bamioma xijiakagi oidakaradï.

1 Korintios 7:37

Dïï gia ix kïïga buaboitudai ïmo kïïrhi sai bamioma ïr kïïga ix mai kunatagi maradï aidï gia kïï ibuayi ïgai mai dagitokai ix kunatagi. Ix mai tipukagi tudu xorai pokaitadagi sai gubuakïdï bia ix kunatagi ïgai.

1 Korintios 7:39

Ïmo oki kunakami bia ix ïmadï oidakagi asta xïxkadï ukami oidakagi kunadï. Dïï gia ix mukiagi kunadï aidï gia bia ïgai oigaragai ix ïmadï biyagi tomax makïdï kïïrhi ix ïr buaboitudadami go kïïrhi tudu.

1 Korintios 7:8

Xibi idi ñoki ïr bïïtarï aapimï ix makïdï mai kia gaïmadï bii dai ïmadï ix makïdï kukunatadai dai ka muu aduñdï. Aapimï ïr kïïga ix ïjïgi biiyagi ïpïan dukai aanï.

Hebreos 13:4

Aapimï ix makïdï ka gaïmadï bii abïr xadutuada gïn aduñi dai kïïga abïr gïn tïtïgitoka dai mai ïmadï boopodagi ïmai. Kaxkïdï tudu Diuxi gïgïbitulda agai xorai ïmadï boopodagi ix makïdï maiti ïr aduñdï. Dai go ix makïdï mai kia gaïmadï bii, ïgai maiti gï agai ix gaïmadï boopodagi ïpï.