1 Korintios 7:34 - Northern Tepehuan Bible

³⁴ Go kïïrhi oñiakami gokapadïrï bia ix tïgito aimïradagi, Diuxi apadïrï dai oñigadï apadïrï ïpï. Dai pomaaxi go oki ïpï. Oki ix makïdï ka mai kukuna ïmadï oki ix makïdï mai abhana boi kïïrhi kia bïï goka kïïga tïgito aimïraiña Diuxi ïpï ibuadatai ixtumaxi bhai ïrhidi ïgai. Mosïkaxi Diuxi bïïtarïkana ïgai tukugadï ïmadï tïgibudadï ïpï. Dïï gia kunatakai go oki ibuada ïrhidiña ixtumaxi bhai ïrhidi kunadï dai kaxkïdï tïgito aimïraiña ixtumaxi oidaga tami idi oidigi daama.

Tepehuan Northern: Diuusi ñiooquidʌ utuducami oodamicʌdʌ

³⁴ Poduucai ʌʌpʌ ʌmo ooqui maicunacami vaamioma tʌtʌgitoi Diuusi aa duiñdadʌ daidʌ ivuaada ʌlidiña istumaasi Diuusi ipʌlidi vai poduucai vaamioma cʌʌga ivuaadagi istumaasi Diuusi ipʌlidi siʌʌsi tuucugadʌ ʌcaasi ibʌadʌ. Dʌmos siʌʌscadʌ cacunata ʌgai vaamioma tʌtʌgitoiña istumaasi gʌaagai quiiyʌrʌ daidʌ ivuaada ʌlidiña istumaasi ipʌlidi cunadʌ.

1 Korintios 7:34 ပူးပေါင်းရင်းမြစ်များ

VUAANA 10:13

Ïmo gapioñiga go ïï tuminxikïdï gaatabuayi nukadatai kañiñiru dai kaxkïdï mai buamï ïrhidi ix gïn duñagi go kañiñiru. Dai pomaaxi aatabuayi gïn bhaitï gukamiga ïpï. Mai buamï gïn ïrhidi ïgai tomax xïï dui Diuxi maamaradï.

Romanos 6:13

Maiti abïr gatïïgida gïn tukuga xi ïr aaduinkarudï go soimaaxkami tudu. Bhaiyoma abïr gïn tïïgida xi ïr Diuxi aaduinkarudïkana aapimï xi ibuadagi aapimï ixtumaxi ïr kïïga. Aapimï ka gokiamako bia go mukigami aidï dai kaxi ïr duduakakami kïïgakïrï. Kaxkïdï abïr gatïïgida gïn tukuga bai podukai ïïgiadagi aapimï ixtumaxi ïr sïïrhi.

1 Korintios 6:20

Dai bhaiyoma xibi Suxi aa namïki ixtumaxi gï agaitadai dai gïn sabïrhi ix kaxkïdï xibi ïgai tuidadï aapimï. Kaxkïdï gïn tukugakïdï abïr maaxitudagi xïïxi ïr gïdukami Diuxi xibi. Podukai abïr ibuada ïmo xadutudaragai dukai ïgai bïïtarï.

1 Korintios 7:33

Dïï gia kïïrhi ix makïdï oñiga mai podukai ibuayi. Ïgai tïgito aimïraiña oñigadï ibuadatai ixtumaxi bhai ïrhidi ïgai bhaiyoma.

1 Korintios 7:35

Gïn aagidi aanï go ñoki aagaitai go kukuntaragai mai xu ix gïn daidadagi aanï ix gïn kukuntagi dai bhaiyoma gïn aagidi aanï gïn soiña in ïrhiditai. Ipïrhidi aanï sai kïï bhai maaxkami dukai óídakagi aapimï tudu dai sai mai tipukagi tomarhi ïmo sobhidaragai ix ibuadagi aapimï ixtumaxi bhai ïrhidi Diuxi.

2 Korintios 11:28

Bïïxi gobai taatamaiña aanï tudu. Dai ïkobïrakoga bïïx tasai buamï in ïrhidiña tïtïitoitai go buaboitudadami ix makïdï gïn ïmpaidiña aipako. Kïïga bïïtï gobai tudu.

2 Korintios 8:16

Gin aaduñi, gïn dibida rïrhidi aatïmï amïka Korintoana. Dïï gia aagidi aatïmï go Tito saidi gïr bhaitï imïna sai gïn ïmadï dakana amïka. Dai kïïga bhai gin ïrhidi Diuxikïdï maatïkatai sai podukai tïgitoturhi ïgai go Tito saidi gïn oigïadagi ïgai ïpïan ïxi xi dukai aanï gïn oigïdai. Dai kaxkïdï bïïxi bhai ïrhiaradïkïdï bhai aa go Tito dai gamo imi agai.

Filipenses 1:20

Kïïga buaboitudai aanï tudu sai maiti ibuada iñagai tomarhi ïmo ixtumaxi ix makïdï ïr ïmo xaïraragai gin bïïtarï. Buaboitudai aanï bhaiyoma sai mai duadikuitai maaxitudamu aanï xïïxi ïr gïdukami Suxi Kristo kia tami oidigi daama dakatai aanï. Buaboitudai aanï sai maaxitudamu aanï xïïxi ïr gïdukami Suxi tomaxi muu gin tukuga xiïpï xi kia tïbïpi kabakagi gobai. Gobai buaboitudai aanï tudu dai kïïga ibhïxtakan taadaga aanï buaboitudaitai podukai.

1Tesalonicenses 5:23

Gïr susukurhi, daanïi aatïmï Diuxi sai gïn soiñana sai go ïïgi Diuxi bïïtarï óídakaiña aapimï. Diuxi tudu ïgai dai gïr maakai ibhïxtaragai. Daanïi aatïmï ïgai sai gïn nukadakana sai maiti gïn sarabidana soimaaxkami tomarhi gïn ibhïdagïrï tomarhi gïn tïgibudagïrï tomarhi gïn tukugïrï. Daanïi aatïmï sai kïï buañixikami gïn biakana ïgai tudu asta xïïxkadï ïpamu dibiagi Suxi Kristo Gïr Nukadakami. Podukai mai tipukamu ixtukïdï gïpiïrï gïn bupadagi ixtumaxi dibiakai ïgai.

1 Tomoteo 3:5

Kaxkïdï tudu xi ïmo kïïrhi maiti ixtuidikïdagi xi kïïga tïanïdagi dai nukadakagi ïïgi maamaradï xadïrï ixtuidïna xi kïïga nukadakagi Diuxi maamaradï ïpï. Xadïrï ixtutuidïna xi kïïga nukadakagi go buaboitudadami tudu.

1 Tomoteo 5:5

Daiñi, bipiudu ix makïdï mai bia xorai soikïdagi dai ix makïdï daanïi Diuxi bïïx tasai nïnïrakatai sai Diuxi soiñana ïgai gia kïïgakïrï ïr bipiudu. Ïgai gï agai xi soikïdagi aapimï.

Tito 3:8

Idi ñoki ix makïdï gï ojidi aanï kïïga ïr buaboi. Kaxkïdï gï agai xi mai duadikuitai gamaakada aapi aatagi aagaitai gobai. Podukai soiñamu aapi go ix makïdï buaboitudai Diuxi sai tïgito ajiopada ïgai ix dukatai kïïga ibuadagi. Idi ñoki ix makïdï gï ojidi aanï kïïga ïr soiñi bïïxi óídakami bïïtarï tudu.