1 Korintios 7:10 - Northern Tepehuan Bible

¹⁰ Xibi bia aanï ïmo ñoki bïïtarï ix makïdï ka kukuna. Aapimï oki, gïn tïanïi aanï gubukadadïkïdï gïr Bhaitï Kïakamiga sai mai dagitona aapimï gïn kukuna.

Tepehuan Northern: Diuusi ñiooquidʌ utuducami oodamicʌdʌ

¹⁰ Dʌmos ismaacʌdʌ caooñigai dai ismaacʌdʌ cacuucuna aanʌ gʌntʌaanʌi sai ooqui maidadagitoiña gʌncuucuna. Idi ñiooqui aagaiña gʌrtʌaanʌdamiga Suusi Cristo ʌʌpʌ.

1 Korintios 7:10 ပူးပေါင်းရင်းမြစ်များ

Mataibo 5:32

Dïï gia aanï ïma dukai aagai. Daiñi, aanï aagai sai mosïkaxi xi go oki ïmadï daibuñagi ïmai aidï gia kunadï bia oigaragai ix dagitoagi. Dïï gia xi go oñigadï mai ïmadï daibuñagi ïmai aidï gia go kunadï ïr duñidï sai gïpiïrï daitudai ïgai oñigadï dagitokai ïgai. Go oñibarudï ïmadï bii antaada ïmai gokiïrï dai gobai ïr soimaaxi tudu. Dai go kïïrhi ix makïdï ïmadï biiyagi go oki soimaaxi ibuayi ïpï ïmadï biïkai ïgai go oki oñibarudï ïmai— itïtïdai Suxi go odami.

Markos 10:2

Dai ami dada ïïmadutai go Fariseos agaikïdï dai naana tïkakaimi go Suxi sai bhai tïïgana ixtukïdï gïpiïrï buajagi. Daidi ikaitimi ïgai, —¿Bhai ix ïr sïïrhi xi ïmo kïïrhi dagitoagi oñigadï?— astïkakai.

Lukas 16:18

Dukami sïïrhikamigadïrï Diuxi po kaiti sai kabami ïr soimaaxi xi ïmo kïïrhi dagitoagi oñigadï dai ïmadï biïyi ïmai. Dai podukai ïpï xorai ïmadï biyagi oñibarudï ïmai soimaaxi ibuayi ïpï. Gobai ïr ïmo sïïrhikamigadï Diuxi dai kia namïga xibi dai mai ugitimu gobai tomarhi ïmo imidagai— itïtïdai.

1 Korintios 7:11

Dai xïduñada dagitoagi ïmoko kunadï aidï gia gï agai ïgai ix ïïgi biiyagi dai mai gaagagi ïmai. Dai ix ïmadï biiya ïrhiada gï aagai ix ïïgi kunadï ïmadï biyagi ïpamu. Dai pomaaxi kïkïïrhi ïpï. Ïgai maiti gï agai ïpï ix dagitoagi aduñdï.

1 Korintios 7:12

Xibi bia aanï ïmo ñoki ix makïdï mai aagaiña Gïr Nukadakami ïkioma. Dai idi ñoki ïr go gaa buaboitudadami bïïtarï ix makïdï gaïmadï daraka dai aduñdï mai kia buaboitudai. Daiñi, aanï ïr otosadï Suxi Kristo dai aanï aagai sai ix bhai aagagi gï aduñi ix makïdï mai buaboitudai ix gï ïmadï dakagi aidï gia aapi maiti gï agai ix dagitoagi. Dai mai xudu xi ïr okikagi aapi xi ïr kïïrhikagi ïpï. Gï agai ix ïmadï dakagi aapi gï aduñi ix bhai aagagi ïgai.

1 Korintios 7:15

Dïï tomax dukai ix ïmoko ix makïdï mai buaboitudai dagito ïrhiada aduñdï ix makïdï gia buaboitudai maiti gï agai xi sobhidagi. Gï agai xi dagitoagi sai ïko imiagi ïgai. Go buaboitudadami maiti gï agai ix gubukadakïdï aagiadagi sai ïmadï dakana. Ix gubukadakïdï aagidagi ïgai sai ïmadï dakana kïïga kokoada antaada ïgai tudu dai Diuxi ipïrhidi sai kïïgakïrï xioma óídakagi buaboitudadami maiti gïn kokodatai.

1 Korintios 7:25

Xibi maakimu aanï ñoki ix makïdï mai kia kukuna. Dai tomaxi Gïr Nukadakami maiti gïr maa ñoki idikïdï dïï gia kïï tuiga ïgai gin bïïtarï dai gin maakaiña gubukarhigai ix kïï sïïrhi ñokada aanï kaxkïdï gï aagai ix buaboitudada aapimï gin ñoki.

1 Korintios 7:40

Dïï gia bïïxkïrï po in ïrhidi aanï sai bamioma bhai gï ïldamu go oki ix ïïgi biyagi bhaiyoma. Dai kïïga buaboitudai aanï sai Diuxi Ibhïadï ïgai dai gin maa tïgibudagai ix podukai gïn aagidagi aanï.

1 Korintios 7:6

Gïn aagidi aanï go ñoki gobai aagaitai odami ix makïdï ka kukuna sai maatïkana aapimï sai bia oigaragai odami ix kukuntagi. Dïï gia ipïrhidi aanï sai maatïkana aapimï sai maiti ïr gubuakïdï ix gïn kukuntagi. Bia oigaragai ix ïjïgi óídakagi ïpï.