1 Korintios 6:19 - Northern Tepehuan Bible

¹⁹ Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï.

Tepehuan Northern: Diuusi ñiooquidʌ utuducami oodamicʌdʌ

¹⁹ ¿Maitamʌs tʌgito aapimʌ sai Diuusi ootoi gʌIbʌdaga sai gʌnʌʌmadu daacana? Poduucai aapimʌ camaiʌʌgi gʌntʌaanʌi.

1 Korintios 6:19 ပူးပေါင်းရင်းမြစ်များ

VUAANA 2:21

Dïï aidïxi aagaitadai Suxi sai bañigida agai Diuxi baakidï, mai aagaitadai ïgai go gïï Jerusalenana kïakïdï kiupai. Bhaiyoma agaitadai ïïgi tukugadï saidi ïr Diuxi bakidï gï dukami dai sai gï muatuda agaitadai dai bhodïrï baika tasaikïdï gï bañida agaitadai ïpamu.

Romanos 8:9

Dïï gia ix gïn ïmadï daja Diuxi Ibhïadï aidï gia ka maiti gïn tïanïi gïn tïgibudaga ïkidadï. Bhaiyoma xibi Diuxi Ibhïadï ïgai dai gïn tïanïi. Xorai mai biakagi Diuxi Ibhïadï ix makïdï Suxi Kristo gïr otoxi, ïgai gia maiti ïr aaduñdï Suxi Kristo.

1 Korintios 3:16

Gin aaduñi, kïïga maatï aapimï sai aapimï ïr Diuxi bakidï dukai xako oidakami ïgai. Kaxkïdï tudu Diuxi Ibhïadï aapimïrï daja.

1 Korintios 6:13

Dai jaa ikaiti ïpï sai bhaiga odami ix ibuadagi ixtumaxi ipïrhiadagi gïr tukugakïdï. Ikaitiña ïgai sai mai tïbïpi kabaka agai gïr tukuga ix kaxkïdï Diuxi mai buamï ïrhidi gïr tukugakïdï. Ïgai ikaitiña sai, —Ixtumaxi ugiagi ïmoko mos gïr bokïrï bapakïi. Pomaaxi bïïtarï gïr boka— ikaitiña. —Dai tomax dukai gokiïrï Diuxi xia duada agai go kuadagai ïmadï modukai gïr boka ix ka mai tipukamu gobai. Kaxkïdï mai xudu tomax tuma ugia ïrhiada aatïmï. Tomax dukai mai tïbïpi kabaka agai tomarhi gïr boka tomarhi go kuadagai di— ikaitiña. —Dai gïr tukuga pomaaxi ïpï— ikaitiña. —Tomax dukai xia gï duadamu gobai kaxkïdï mai buamï ïrhidi Diuxi tomaxi ïmadï boiyagi aatïmï xorai ipïrhiadagi aatïmï. Tomax dukai mai tïbïpi kabaka agai gïr tukuga di— ikaitiña ïïmoko. Dïï mai pomaaxi bïitarï idui Diuxi gïr tukuga sai soimaaxi ibuada aatïmï ïgaikïdï. Gïr idui saidi ibuadana aatïmï ixtumaxi bhai ïrhidi Gïr Nukadakami bhaiyoma. Dai Gïr Nukadakami ipïrhidi sai ibuada aatïmï ixtumaxi ïr soiñi gïr tukuga bïïtarï. Kïïga buamï ïrhidi Diuxi gïr tukugakïdï tudu.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.

Santiago 4:5

Gobai tudu aagaiña Diuxi ñokidïrï xako ikaiti ïgai sai, Diuxi gïr maa Ibhïadï saidi gïr ïmadï dakana dai bïïx tasai gïr tïtïitoiña ïgai ipïrhiditai saidi Diuxi bïïtarï óídakagi aatïmï dai mai xu xi ïmai bïïtarï. Sïïrhikïdï maiti ipïrhidi ïgai sai oijadagi aatïmï ïmai tudu. Po tudu ikaiti Diuxi ñokidïrï dai kïïga ïr buaboi gobai.