1 Korintios 4:8 - Northern Tepehuan Bible

⁸ Gin susukurhi, sïïrhikïdï mai kïïgadu ix dukatai gïn tïtïitoi aapimï. Pobïnïrhidi aapimï ix ka maiti gïr tïgito aatïmï ix makïdï ïr Suxi Kristo ojotosadï. Pobïnïrhidi aapimï sai ka bïïxi bia ixtumaxi gïn iibhïdaga bïïtarï. Gïn bipidakami dukai gïn ïrhidi aapimï tudu gïn iibhïdagïrï. Dai asta gatïanïdan buayi aapimï ïpïan dukai ix kaxi gïn tïïgiditadai Suxi go sïïrhikami ix gatïanïdagi aapimï ïgai ïmadï. Reyes dukai gatïanïdan buayi aapimï tudu. Dïï maiti gïn maa Suxi sïïrhikami ix gatïanïda aapimï ïgai ïmadï kia. ¡Xïïxi ïr kïïgaikamudai ix kaxi gatïanïdamudai aapimï xibi Suxi Kristo ïmadï! ¡Ix ïr buaboikamudai ix kaxi gïn tïïgidamudai Suxi sïïrhikami ix gatïanïdagi aapimï aidï gia aatïmï ix makïdï ïr Suxi ojotosadï ka buimudai sïïrhikami ix gatïanïdagi gïn ïmadï ïpï!

Tepehuan Northern: Diuusi ñiooquidʌ utuducami oodamicʌdʌ

⁸ Aapimʌ poʌlidi iscamaatʌ vʌʌsiaʌcatai istumaasi aagai Diuusi ñiooquidʌrʌ. Dai aapimʌ tʌtʌaanʌdami duucai oidaga. Dai gajiaadʌrʌ gʌrviaa aapimʌ. Siʌʌsi ʌrcʌʌgaicamudai issʌʌlicʌdʌ ʌrtʌtʌaanʌdamicamudai aapimʌ siaatʌmʌ ojootosicami ʌʌpʌ gʌnsoiñacai gatʌaanʌdamudai.

1 Korintios 4:8 ပူးပေါင်းရင်းမြစ်များ

Mataibo 5:1

Kïïga mui óídakami oiditadai go Suxi aipakoga tudu. Dai tïïgakai Suxi mosïïki odami sai tïsai ïgai ïmo gidana dai ami daiba. Dai ami dada go mamaatïrdamigadï Suxi ïpï.

Lukas 6:25

—Sogigi aapimï ix makïdï kïïga tataxkoñikan duu xibi tudu. Gokiïrï taatamu aapimï bhiugigai kaxkïdï. Dai sogigi aapimï ix makïdï asïiña bhai ïrhiarakïdï xibi. Gokiïrï suanïdamu aapimï soi ïrhiarakïdï— itïtïdai.

Hechos 26:29

Daidi Pabora itïtïdai aidï, —Aanï mos ipïrhidi xi buaboitudagi aapi tomaxi gï aagadagi ix gï aagida aanï mui ñoki xi chïki ïpï. Tomax dukai daanïi aanï Diuxi aapi bïïtarï dai go gaa bïïtarï ïpï ix makïdï kaï gin aatagai xibi. Daanïi aanï xi aapimï gin ïpïan dukamikagi buaboitudakai Suxi Kristo. Dïï gia mai daanïi aanï Diuxi xi gïn maixatudagi aapimï ix duu daja aanï— ikaiti Pabora.

Romanos 12:3

Diuxi gin maa ïmo gubukadagai mos kïï tuigakatai ïgai gin bïïtarï. Kaxkïdï xibi aanï aagai sai mai gïgïrdukïdï gïn ïrhiadagi ïïgi aapimï. Bhaiyoma xudu gïn tïgitoagi aapimï abïr tïgito ixtumaxi ïr buaboi. Diuxi ïgai dai gïr maa gubukadagai bïïxkatai aatïmï tudu xi kaxkïdï buaboitudai aatïmï.

1 Korintios 4:18

Gin susukurhi, kïïga maatï aanï sai ïïmadutai aapimï gïgïrdukïdï dukai ibuayi dai tomarhi mai duadikoi pobïnïrhiditai ix ka mai imimu aanï gamoko.

1 Korintios 5:6

Maiti gï agaitadai ix gïgïrdukïdï gïn ïrhiadagi dai pokaitadagi ix kïïga ibuayi aapimï tudu kia gïn urabakatai go soimaaxi buadami. Tadu daibusai aapimïkïdï ixdukai ibuayi go kopodakarui. Daiñi, ix dukai lïïchi kopodakaruikïdï ka bïï sudakami kopodarïi ïmo tui dai mai xu mosïkaxi laalachi kopodarïi gobai podukai ïpï ibuayi go soimaaxi saagida buaboitudadami. Ïmo soimaaxi buadami bïïxi sarabiadan buayi bïïxi go gaa buaboitudadami ix makïdï urabagi ïgai tudu.

2 Korintios 11:1

Gin aaduñi, gïn aagidamu aanï xibi ïpï jaa aatagi dai maatï xi buirudagai dukai kaïka antaada aapimï dïï gia maiti abïr ojodatai kaïka gobai tomax dukai.

2 Korintios 13:9

Kaxkïdï bhai gïr ïrhidiña aatïmï xïïxkadï kïïga gubuakan dukai buaboitudagi aapimï. Bhai gïr ïrhidi aatïmï gokïdï tomaxi mai gupukami dukai gïr nïijadagi jaa. Aatïmï ïgai dai gïn tïtïïgidiña ñoki tudu. Dai kaxkïdï gïn daanturhiña aatïmï saidi bïïx tasai apia bamioma kabakatuna gïn buaboidaraga asta xako ukami maiti gïn biïgakagi ixtumaxi. Gobai tudu ïr gïr bhai ïrhiaraga ix makïdï gaagai aatïmï dai aatabuayi.

Galatas 6:3

Daiñi, aanï aagai sai ïïgi gï buirumadai ïmoko ix pokaitadagi sai mai bia xi soikïdagi jaa xïïxkadï mai kïï ibuadagi ïgai. Ix mai soiña ïrhiada ïmoko jaa gobai itïiya ïrhidi sai ïmo gïdukïdï gï ïrhidi ïïgi dai gobai maiti ïr buaboi xi ïr gïdukïdï. Xorai mai soiña ïrhiada jaa maiti ïr ïmo gïdukïdï toma lïïchi tudu mos ïïgi po gï ïrhidi ïgai.

Filipenses 1:27

Dïï gia gïn aagidamu aanï ixtumaxi bamioma gï agai. Bamioma gï agai xi kïïga bhai dukai óídakagi aapimï ixdukatai aagai go bhai ïrhiaragai aatagi. Go aatagi aagaitai Suxi Kristo tudu. Ix apia ïïgiada aapimï go bhai ïrhiaragai aatagi aidï gia kïïgakïrï óídakamu aapimï. Dai aidï gia tomax dukai ix gïn dibidagi aanï xiïpï ix mos kajiomakagi aanï ix maaxi daraka aapimï mïkaxi dakatai aanï tomax dukai maatïkamu aanï sai mo ïxi kïïgakïrï óídaga aapimï mos ïmo tïgibudagai biakatai aapimï bïïxkatai. Dai maatïkamu aanï sai mai duadikoi aapimï ix makïdï gïn buidïrï bïïtï ïpï. Dai maatïkamu aanï ïpï sai maiti gïn daadagitoi aapimï xi gïn maitiagi go naana maaxi aatagi ix makïdï maiti ïr go bhai ïrhiaragai aatagi kïïgakïrï. Podukai mai duduadikuitai maaxituldamu aapimï ïgai ix makïdï gïn buidïrï bïïtï sai ïgai mai kïïgakïrï bubuaki agai dai aapimï gia. Diuxi tudu ïgai dai ibuayi bïïxi ixtumaxi gïn aagidimi aanï.

Filipenses 2:12

Daiñi, aapimï gin aaduñi ix makïdï oigïdai aanï, gï agai xi ïïgiadagi aapimï Diuxi. Kïïga ïïgidiña aapimï tudu aidïxi gïn ïmadï dakatadai aanï. Dai xibi bamioma gï agai xi ïïgiadagi aapimï mïkaxi dakatai aanï. Kïïga xadutudaitai abïr gïn aaga dai kïïgakïrï óídaka ixdukatai óídaga odami ix makïdï ka kïïgakïrï bubuaka. Kabami abïr gïn aaga tudu

Apokalipsis 3:17

Aapimï po kaitiña sai ka bia aapimï bïïxi ixtumaxi gï agai gïn ibhïdaga bïïtarï. Kaxkïdï gïn bipidakami gïn ïrhidi aapi ïïgi gïn ibhïdagakïdï po gïn ïrhiditai sai maiti gïn biïga ixtumaxi gïn ibhïdaga bïïtarï. Dïï mai maatï nïidi aapimï ixtumaxi ïr buaboi. Gï agaitadai bhaiyoma xi maatï nïijada aapimï xïï soi dukai óídaga aapimï gïn ibhïdagakïdï. Soititigami aapimï gïn ibhïdagakïdï tudu. Mai nïñiadami dai mai yukusukami duu aapimï di.

Apokalipsis 5:10

Aapi bhai dui ïgai bïïtarï sai Diuxi ïgai dai gatïanïna aaduñdïkatai ïgai Diuxi. Dai bhai dui aapi sai ïr dadaxdadamikana ïgai ïpï ibuadatai daxdaragai gïr Diuxiga. Dai gokiïrioma go odami ix makïdï sabïrhi aapi gatïanïda agai bïïxi go oidigi— ikaiti go maakoba duduakakami ixtumaxi ïmadï go ïmokobhai dan maakoba bhaitï gukakami.