1 Korintios 4:7 - Northern Tepehuan Bible

⁷ Maiti gï aagai ix gïgïrdukïdï gïn ïrhiada aapimï tudu. Daiñi, bïïxi ix tumaxi ix makïdï ixtutuidikïi aapimï ix ibuadagi Diuxi ïgai dai gïn maa gubukarhigai ix ibuadagi. Kaxkïdï ¿Ix tuixi gïgïrdukïdï gïn ïrhidi aapimï? ¡Mai ïïgi bia aapimï gubukarhigai ix ibuadagi tomarhi ïmo ixtumaxi di!

Tepehuan Northern: Diuusi ñiooquidʌ utuducami oodamicʌdʌ

⁷ Aapimʌ maitʌaagai isgʌgʌrducʌdʌ gʌnʌliadagi. Vʌʌsi istumaasi istutuidi aapimʌ isivuaadagi Diuusi gʌnmaa guvucadagai cascʌdʌ istutuidi aapimʌ isivuaadagi. ¿Tuimʌsi gʌgʌrducʌdʌ gʌnʌlidi aapimʌ ducami isʌʌgi aapimʌ viaacagi guvucadagai isivuaadagi?

1 Korintios 4:7 ပူးပေါင်းရင်းမြစ်များ

Lukas 19:13

Dai mai kia imïkai sai báí ïgai bhaibuxtama pipioñigadï dai nukaturhi ïïmo oro tuminxi ïïmoko. Daidi potïtïdai, —Aaduintuldabïrai idi tuminxi asta xïxkadï dibiagi aanï ïpamu— itïtïdai. —Dai bhodïrï jii ïgai dai mïï bhïiyi agai sïïrhikamigadï—.

VUAANA 1:16

Dai go Diuxi Ñokidï tïgidukïdï kïïga bia bïïxi aïkatai ixtumaxi gïr biïgakana. Sïïrhikïdï kïï tuiga ïgai gïr bïïtarï dai dudatai gïr urhiñdi naana maaxi soiñi.

VUAANA 3:27

Dai Juan itïtïdai, —Diuxi ïgai dai podukai maa gubukadagai go Suxi ix kaxkïdï mui odami uurapïkïi. Xadïrï bhïna gubukadagai podukai ïmo odami ix Diuxi maiti ipïldagi di— itïtïdai.

Romanos 1:5

Suxi Kristo kïï tuiga aatïmï ojotosadï gïr bïïtarï kaxkïdï gïr dáí ïgai saidi ïr ojotosadïkana aatïmï bai jaa mui odami ix makïdï maiti ïr judidiu buaboitudaiña dai ïïgidiña ïgai. Podukai gïr otoi Suxi Kristo baidi mui odami ix makïdï maiti ïr judidiu kïï xadutuadana ïgai.

Romanos 12:3

Diuxi gin maa ïmo gubukadagai mos kïï tuigakatai ïgai gin bïïtarï. Kaxkïdï xibi aanï aagai sai mai gïgïrdukïdï gïn ïrhiadagi ïïgi aapimï. Bhaiyoma xudu gïn tïgitoagi aapimï abïr tïgito ixtumaxi ïr buaboi. Diuxi ïgai dai gïr maa gubukadagai bïïxkatai aatïmï tudu xi kaxkïdï buaboitudai aatïmï.

Romanos 12:6

Diuxi gïr oigïdaitai gïr maa bïïxkatai aatïmï gubukarhigai xi buadagi aatïmï ïgai aaduindadï. Gï agai xi aatabuadagi aatïmï go gubukarhigaikïdï ix makïdï ïgai gïr maa. Ïïmadutai gïr maa ïgai gubukarhigai xi aagada aatïmï Diuxi ñokidï. Kaxkïdï ix makïdï aagadagi Diuxi ñokidï gï agai xi Diuxi gubukarhigakïdï agadagi ïgai kïïga buaboidaitai Diuxi.

1 Korintios 15:10

Sïïrhikïdï kïï tuiga Diuxi gin bïïtarï tudu ix kaxkïdï otosadï gin dáí ïgai. Dai kïïga ibuayi soiñi xi otosadï gin dáí Diuxi kaxkïdï tudu gin maakai ïgai gubukarhigai sai ibuadana aanï naana maaxi aaduindagai. Dai asta kabamioma gin aaga aanï ix bhai go gaa ojotosadï Suxi. Dïï mai xu ix ïïgi gin gubukarhigakïdï ibuayi aanï go aaduindagai. Diuxi ïgai dai aatabuayi aanïkïdï bhaiyoma kïï tuigakatai ïgai gin bïïtarï.

1 Korintios 3:5

¿Tumaxiïrï ïr gïdukami go Apolos tudu ix urabakagi aapimï ïgai? ¿Dai tumaxiïrï ïr gïdukami aanï ix gin urabakagi aapimï ïpï? Daiñi, aatïmï mos ïr pipioñigadï Diuxi. Dai mos ibuadatadai aatïmï go aaduindagai ix makïdï gïr maa Diuxi dai gïn aagidi Diuxi ñokidï bai aapimï buaboitu.

1 Korintios 5:6

Maiti gï agaitadai ix gïgïrdukïdï gïn ïrhiadagi dai pokaitadagi ix kïïga ibuayi aapimï tudu kia gïn urabakatai go soimaaxi buadami. Tadu daibusai aapimïkïdï ixdukai ibuayi go kopodakarui. Daiñi, ix dukai lïïchi kopodakaruikïdï ka bïï sudakami kopodarïi ïmo tui dai mai xu mosïkaxi laalachi kopodarïi gobai podukai ïpï ibuayi go soimaaxi saagida buaboitudadami. Ïmo soimaaxi buadami bïïxi sarabiadan buayi bïïxi go gaa buaboitudadami ix makïdï urabagi ïgai tudu.

1 Korintios 7:7

Daiñi, aanï ïïgi daja gin maakaitai gubukarhigai Diuxi xi ïïgi biyagi aanï dai po in ïrhidi aanï sai kïïgadukatadai ix ïjïgi bimudai bïïxi buaboitudadami. Dïï mai ïmadugan dukai maa Diuxi gubukarhigai bïïxi óídakami. Ïïmoko maa ïgai gubukarhigai ix gïn kukuntagi dai jaa maa ïgai gubukarhigai ix ïjïgi oidakagi.

Santiago 1:17

Mosïkaxi Diuxi gïr Oga ix makïdï idui go xixabugai dai go tasai dai go masadai ïgai dai tïbagiañdïrï gïr oidi bïïxi ixtumaxi ix makïdï buaboikïdï ïr kïkïïgadukami tudu. Dai kïïga gï maatï sai Diuxi tomarhi ïmo imidagai gïr maakimu soimaaxkami ixtumaxi. Daiñi, tomaxi go xixabugai ïmadï go tasai dai masadai gia ïmapïbuadana dai tutukuiña ïïmo imidagai dïï gia Diuxi apia mo maaxkana dai mai ïmapïbuayi toma lïïchi. Kaxkïdï bhaiga aatïmï xi kïïga buaboitudada ïgai.

1 Pedro 4:10

Daiñi, ïjïkobai gïn maa gubukarhigai Diuxi go ïjïkobai aaduindagai bïïtarï ix makïdï ipïrhidi ïgai saidi ibuada aapimï. Kïï tuiga ïgai gïn bïïtarï dai kaxkïdï gïn maa ïgai gubukarhigai podukai ïmo oidaragai dukai. Dai gï agai sai kïïga gïn soikïdagi aapimï aipakoga go gubukarhigaikïdï ix makïdï gïn maa Diuxi. Gï agai saidi kïïga ibuada aapimï aaduindagai go gubukarhigaikïdï ix makïdï gïn maa Diuxi tudu.