1 Korintios 3:15 - Northern Tepehuan Bible

¹⁵ Dïï gia go gaa tïtïgiadami ñoki ix makïdï mïi aaduindadï, ïgai gia mai buimu toma lïïchi maitïki. Ïbogian dukai kïïgakïrï bubuakimu ïgai taiyañdïrï tudu ïpïan dukami ïmo odami ix makïdï mïiyagi bakidï dai ïbogian dukai busiagi ïgai dïï ka bïïxi mïïkai buxtuidadï.

Tepehuan Northern: Diuusi ñiooquidʌ utuducami oodamicʌdʌ

¹⁵ Dʌmos ʌgai ismaacʌdʌ gamamaatʌtuldi istumaasi maitʌrvaavoi ʌgai gia maiaa namʌquidamu Diuusi, tomasi ʌgai cʌʌgacʌrʌ vuusai.

1 Korintios 3:15 ပူးပေါင်းရင်းမြစ်များ

Hechos 27:21

Mui tasai maiti gauu aatïmï mosïï xigarhi buadatai go ïbïrhi. Dai bhodïrï go Pabora ñokidi go gaa daidi itïtïdai aidï, —Gin kaïkabïrai aapimï kïkïïrhi, xioma ïr kïïgaikamudai xi gin ïïgiadamudai aapimï baasïki. Aidï gia mai iimimudai aatïmï Kretañdïrï dai mai soi maaxi taatamudai aatïmï podukai xibi. Daidi mai xia gï duñimudai mos ïïki ixtumaxi ïbïrhikïdï ïpï— itïtïdai.

Hechos 27:44

Dai go kapitañi tïjai ïpï saidi go gaa bhïiyiña tabla dai go barko omikigadï ïpï xi ami daama iimia ïgai sudaïrï ïpï. Dai podukai bïïxkatai aatïmï kïïgakïrï ayi dïbïrai daama gakikïrï.

1 Pedro 4:18

Daiñi, Diuxi ojadïrï ikaiti sai, Odami ix makïdï ïïgidi Diuxi bïïxkïrï soimaaxi taatamai tomaxi kïïgakïrï bubuakïi ïgai. Dai kaxkïdï gï maatï sai go soimaaxi ibuadami ix makïdï mai ïïgidi Diuxi bamioma soimaaxi taatamada agai, ikaiti Diuxi ojadïrï.

2 Juan 1:8

Maiti abïr gïn dagito sai gïn bupuirumadagi ïgai tudu. Daiñi, kabami gïr aajagïiña aatïmï gïn soiña ïrhiditai saidi bïï sudakami bhïiyagi aapimï gïn maitïki ix makïdï gïn maaki ïrhidi Diuxi oiditai aapimï ixtumaxi ïr buaboi. Dïï gia xi gïn dagitoagi aapimï xi gïn bupuirumadagi go yaatabogami ïgai aidï gia ka mai bïï sudakami bhïiyi antaada aapimï gïn maitïki. Gïn nukadabïrai tudu saidi bïï sudakami bhïna aapimï gïn maitïki.

Udaxi 1:23

Dai ix makïdï oijada antaadaga go tïtïïgiadami yaatagi, ïgai abïr soikïda dai kïïgakïrï bubiada sai ka mai oijada ïgai ïpïan dukai xïïxkadï bhïiyagi ïmoko ïmo odami ix makïdï karhioga taiyïrï gïxia agadagi. Kïïga abïr tutiaka ïgai bïïtarï dai kïïga abïr maakada ñoki sai mai gïpiïrï surhigiagi ïgai. Dai abïr kïï tutiaka jaa bïïtarï ïpï ix makïdï adaimïi go soimaaxkami. Dïï gia abïr dïïdaidan duu nïijada go soimaaxkamigadï ix makïdï ibuayi ïgai dai gïn nukadabïrai aapimï soikïitai xïduñada gïn sarabidagi go soimaaxkamigadï ïpï.

Apokalipsis 3:18

Kaxkïdï gïn daanïi aanï mïsai gin sabïdana ixtumaxi biïga gïn ibhïdaga bïïtarï. Gin sabïdabïrai ixtumaxi namïakami ix makïdï ïr oro dukai kïï buañixikami dai ixtumaxi ïr yukuxi dukai ïpï kïï totoakami. Aidï gia ïr buaboikamu xi gïn bidakami dukaikamu aapimï dai kïïga biakamu ixtumaxi gïn aadagi sai ka mai xaïradagi aapimï mai yukusukan dukaikatai gïn ibhïdagakïdï. Aidï gia ïr ïpïan dukaikamu xi gïn duadi gïn bupuji dai bhaigakamu aapimï xi maatï nïijadagi ixtumaxi ïr buaboi.