1 Korintios 15:9 - Northern Tepehuan Bible

⁹ Bhaitoma podukai pogïdui gin ïmadï aidïxi todian dukai otosadï gin dáí Suxi. Aidïpïrï tomarhi ïmadutai poïrhiditadai ix aanï otosadïka iñagaitadai Suxi. Kabami soi buididitadai aanï go buaboitudadami aidï di. Dai kaxkïdï bïïxi go gaa ojotosadï Suxi bamioma bia sïïrhikami ix tïanïdagi ix aanï dai aanï mai bia sïïrhikami tomarhi ix ïmo otosadï Suxi gin aagagi odami. Kabami soi buididiña aanï go buaboitudadami ïkioma kaxkïdï.

Tepehuan Northern: Diuusi ñiooquidʌ utuducami oodamicʌdʌ

⁹ ʌgaa ojootosicami vaamioma gatʌaanʌi iñsaanʌ dai aanʌ maitʌaagai mʌsootosicami giñaagadagi. Aanʌ soimaa taatatuli ʌvaavoitudadami cascʌdʌ.

1 Korintios 15:9 ပူးပေါင်းရင်းမြစ်များ

Hechos 8:3

Dïï go Saulo apia soi buadatadai go buaboitudadami tomaxi aipako ijitadai ïgai. Kiikidïrï bapaakïiña ïgai dai tïrhiusumaitai bubaidiña kïkïïrhi ïmadï oki daidi gamaamaixaiña.

1 Korintios 10:32

Maiti gï agai tudu ix ibuadagi ixtumaxi sobhikïdagi jaa ix buaboitudagi tomaxi ïr judidiukagi ïgai ix jaa ïpï, ix ka uraba daraka ïgai Diuxi buaboitudakai ix cho ïpï.

2 Korintios 11:5

Daiñi gin aaduñi, ïgai ix makïdï ïma maaxi gatïtïïgidiña ñoki pokaitiña sai ïgai ïr go adaama namïakami ojotosadï Suxi Kristo. Dïï gia aanï aagai sai aanï toma lïïchi mai otïrhioma namïga xi ïgai.

2 Korintios 12:11

Gin aaduñi, ka bhaitoma ïmo buirugami dukai ñokai aanï mos ïï dudatai aagaitai aanï ixtumaxi ibuadana aanï. Dïï aapimï ïr gïn duñi ix podukai ñokai aanï. Ix kïïga ñokadamudai aapimï gin bïïtarï aidï gia maiti gï aagadamudai xi kïïga ñokadagi aanï ïïgi gin bïïtarï. Bia aanï xi ïïgi ñokadagi gin bïïtarï sai podukai maatïkagi aapimï sai buaboikïdï ïr otosadï aanï Suxi Kristo tudu. Go odami ix makïdï gïn tïtïïgidiña ñoki pokaitiña saidi kïïgioma ïr ojotosadï ïgai Suxi xi bhai aanï dai ix bhai tomax makïdï ïmai ïpï. Daiñi, kïïga ïr buaboi sai aanï maiti ïr ïmo gïdukami ixtumaxi namïakami. Dïï gia bïïxkïrï mai otïrhioma namïga aanï xi bhai ïgai ix makïdï gïn tïtïïgidiña ñoki.

Galatas 1:13

Gïn aagidamu aanï ix dukatai gin ayi go aatagi sai maatïkana aapimï sai Diuxiañdïrï dibia gobai. Daiñi, kïï maatï aapimï ixdukatai oidakana aanï ïkioma oiditai go judidiu buaboidaradï. Kïï maatï aapimï sai kïïdaiña aanï go buaboitudadamigadï Suxi Kristo. Kïïdaiña aanï Diuxi maamaradï tudu dai sïïrhikïdï omarhigakana buidïrï ïgai. Kabami gin aajagïiña aanï gaagaitai ixdukatai naato ugitotudagi ïgai tudu.

Galatas 1:23

Mos kajiomakana ïgai sai gin aagaiña odami aipakoga. Dai ikaitiña odami sai, —Go Pabora ïgai dai kabami soi buididiña go buaboitudadami ïkioma sai mai aagada ïgai go bhai ïrhiaragai aatagi. Dai xibi ka mai soi buayi gobai go buaboitudadami dai bhaiyoma xibi aipakoga aagai ïgai go galbaaxi aatagi ix makïdï go buaboitudadami aagai ïpï— ikaitiña odami gin aagaitai aanï.

Filipenses 3:6

Kabami gin aajagïiña aanï ipïrhiditai ix ibuadagi ixtumaxi bhai ïrhidi Diuxi. Dai asta soi buididiña aanï go buaboitudadami aipakoga ïmpaidadami po iñïrhiditai sai gobai bhai ïrhidi Diuxi ïpï. Kïïga ïïgidiña aanï bïïxi ixtumaxi gïr biturhi go Moiseskaru dai podukai mai tipukana ixtukïdï gïpiïrï gin bupadagi jaa. Kaxkïdï aanï bamioma biakatadai ixtukïdï buaboitudagi ixtumaxi ibuadana aanï xi bhai xi toma xorai. Dïï bïïxkïrï maiti gï agai xi buaboitudada aanï gobai.