1 Korintios 15:58 - Northern Tepehuan Bible

⁵⁸ Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Tepehuan Northern: Diuusi ñiooquidʌ utuducami oodamicʌdʌ

⁵⁸ Cascʌdʌ giñaaduñi apiavʌr cʌʌga vaavoitudada dai apiacʌʌga ivuaada Diuusi aa duiñdadʌ. Aapimʌ cʌʌga maatʌ sai aa duiñdagai mʌsmaacʌdʌ ivueeyi Diuusi vʌʌtarʌ maitʌrmosʌʌgicʌdʌ.

1 Korintios 15:58 ပူးပေါင်းရင်းမြစ်များ

Markos 3:3

Daidi Suxi potïtïdai go kïïrhi ix makïdï gakixapi ïkadï, —Gimi dai kïkiba tami xako gï nïijadagi go gaa— itïtïdai.

Lukas 19:19

—Daidi go rey potïtïdai, —Kïï dui aapi. Gï maakimu aanï sïïrhikami sai tïanïda aapi taama gïgïr kiiki— itïtïdai.

1 Korintios 16:10

Gin susukurhi, go Timoteo imi agai gamoko dai kïïga gïn ïbhiada antaada ïgai mïï dibiakai. Kïï po ïrhiada antaada ïgai sai aapimï soi dukai nïidi. Kaxkïdï abïr kïïga miadïgida kïïga xadutudaitai sai mai duadimukagi ïgai. Gin ïpïan dukai ibuayi ïgai Diuxi aaduindadï tudu.

1 Korintios 3:8

Aanï ix makïdï ïr gaïsadami dukai dai ïgai ix makïdï ïr gabaagadami dukai ïpï aagaitai Diuxi ñokidï mos ïr pipioñigadï Diuxi dai ïmapi gaatabuayi aatïmï. Dai kïïga gï maatï sai Diuxi maakimu bïïxi pipioñigadï maitïkidï xïïxi ajïga ïïmoko aaduindadï bïïtarï.

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Galatas 4:11

Daiñi, gobai ïr go buaboidaragai ix makïdï biakana aapimï ïkioma dai pipioñi dukai gïn aaduinturhiña gobai. Kaxkïdï duadikui aanï ix gïn daibuñagi oiditai aapimï gïn ïïkidadï buaboidaragai ïpamu. Xïduñada ka maiti gïn soi go aaduindagai ix makïdï idui aanï gïn saagida tudu.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Filipenses 1:11

Daiñi, Suxi Kristo ka kïïga buañixikami gïn bia. Dai aanï kabami daanïi Diuxi saidi gï ibuadagi naana maaxi ixtumaxi kïïgadukami aapimïkïdï ka buañixikatai aapimï. Aidï gia gïn tïgito nïijadamu jaa dai aagadamu xïïxi ïr gïdukami Diuxi dai xadutuadamu ïgai nïiditai ix makïdï ibuayi Diuxi aapimïkïdï.

Filipenses 1:9

Gïn daanturhiña aanï tudu sai apia bamioma gïn oigïdada aapimï aipakoga dai sai kïïgioma maatïkana aapimï ixtumaxi ïr buaboi dai sai bïïxi aïkatïrï kïïga gïn tïgito nïijadagi aapimï ixtumaxi ïr sïïrhi dai ixtumaxi maiti ïr sïïrhi.

Filipenses 2:30

Aapimï mai bhaigakatadai xi gin soikïdagi mïkaxi darakatai aapimï. Dïï ïgai gia kïïgakïrï gin soikïiña naana maaxiïrï. Dai bhaitoma muu ïgai gin soikïitai. Kaxkïdï abïr kïïga oigïdada dai xadutuada ïgai.

Filipenses 4:17

Gin aaduñi, mai xu xi ipïrhidi aanï xi gin maakiagi aapimï ïmo oidaragai dai gïn ojidi. Bhaiyoma ipïrhidi aanï sai gïn maakana Diuxi gïïpi bamioma maitïki mos ïï kïï tutiakatai aapimï gin bïïtarï.

Kolosenses 1:23

Dïï gia tomaxi ïr buaboi sai Suxi Kristo ka bhai dui gïn bïïtarï bïïxkïrï gï agai xi apia buaboitudada aapimï ixtumaxi ïr buaboi. Kabami abïr gugukada tudu kïïga buaboidaitai ixtumaxi ïr buaboi. Daiñi, aidï abhiadïrï xi tukamïrï kaï aapimï go bhai ïrhiaragai aatagi kïïga bhai gïn ïrhidiña aapimï. Bhai gïn ïrhidiña nïnïrakatai go naana maaxi kïkïïgadukami ix makïdï bia Diuxi gïn bïïtarï. Apia abïr buaboidaitai nïnïraka gobai tudu. Dai maiti abïr gïn dagito xi gin maitiagi ïma maaxi tïgibudagai. Maiti abïr gïn dagito xi tomarhi ïmo ixtumaxi gïn popoidagi gïn bhai ïrhiaraga tudu ix makïdï bhïiyi aapimï xudu tukamidïrï buaboitu aapimï. Daiñi, ix makïdï buaboitu aapimï ïr go galbaaxi bhai ïrhiaragai aatagi ix makïdï gï aiturhi bïïxi go gaa oidigi daama óídakami. Dai Diuxi gin maa sïïrhikami saidi aipakoga aagaiña aanï go galbaaxi bhai ïrhiaragai aatagi ïpï.

Kolosenses 2:5

Daiñi, tomaxi maiti gïn ïmadï daja aanï bïïxkïrï gïn tïtïitoi aanï. Dai bhai gin ïrhidi maatïkatai sai kïï buañixikami dukai óídaga aapimï dai sai kïï gubuakami kïïka gïn buaboidaraga buaboitudaitai aapimï Suxi Kristo.

Kolosenses 2:7

Daiñi, ïpïan dukami ïmo uxi ix makïdï kïïga kabakami kïïka kïï tukabi ukami bia tatakadï podukai abïr gubukan gukada aapimï ïpï kïïga gïn daagïkan dukai aapimï Suxi Kristo ïmadï. Gï agai xi ïmo simiento gï dukamikagi Suxi Kristo gïn bïïtarï tudu sai aapimï daama kaban gukakagi ïgai gïn buaboidaragakïdï. Aidï gia kïïga gïïrhimu dai gubukan kïakamu gïn buaboidaraga ix makïdï gïn tïtïgidi aatïmï. Dai aidï ïpï kïïga maaxkamu jaa bïïtarï xïï kabami bhai gïn ïrhidi aapimï Diuxikïdï.

1Tesalonicenses 3:12

Daanïiña aatïmï ïpï sai gïn soiñana Suxi Kristo sai apia kïïgioma gïn oigïdada aapimï aipakoga dai sai kïïgioma oigïdada aapimï jaa ïpï. Sai ix xïïxi gïn oigïdai aatïmï sai pokaxi oigïdada aapimï jaa.

1Tesalonicenses 3:3

Kïï maatï aatïmï sai soi gïn buididiña jaa tudu. Dai maiti ipïrhidi aatïmï ix gokïdï ipïrhiadagi tomarhi ïmadutai aapimï ix dagitoagi gïn buaboidaraga. Kaxkïdï gïn otoxi aatïmï go Timoteo. Kïï maatï aapimï tudu sai podukai dáí Diuxi sai soimaaxi taatagi aatïmï soi gïr buididitai jaa.

1Tesalonicenses 3:5

Dai pobai gin ïrhidiña aanï sai maiti gï agai xi gokïdï gïpiïrï gïn surhigidagi go Diabora gïn aagiditai ix dagitoagi aapimï gïn buaboidaraga. Daiñi,ix dagitomudai aapimï gïn buaboidaragai aidï gia mos ïr ïïgikïdïkamudai gïr aaduindaga ix makïdï idui aatïmï gïn aagiditai go bhai ïrhiaragai aatagi. Gobai gin tïgitokatadai aanï tudu. Dai ka maiti ixtui aanï ix bamioma nïnïrakagi dai kaxkïdï otoi aanï go Timoteo sai nïidana sa maaxi daraka aapimï gïn buaboidaragakïdï.

1Tesalonicenses 4:1

Gïr susukurhi, gïn aagida ïragai ïpï ïmo ñoki ix dukatai gï agai ix oidakagi buaboitudadami. Kaxi gïn aagidi aatïmï tudu ixdukatai ipïrhidi Diuxi ix óídakagi aapimï. Dai kïï maatï aapimï sai Suxi Kristo gïr maa ïmo sïïrhikami ix kaxkïdï sïïrhikïdï gïn abïnakida rïrhidi sai kïïga óídakagi aapimï ixdukatai Diuxi ipïrhidi. Dai ka podukai óídaga aapimï dïï bïïxkïrï gïn abïnakidimi aatïmï sai apia kïïgioma óídakagi aapimï ix dukatai ipïrhidi Diuxi.

2 Tesalonicenses 1:3

Gïr susukurhi, dudatai aagidiña aatïmï Diuxi sai bhai gïr ïrhidi aatïmï ïgaikïdï maatïkatai sai kïïga buaboitudai aapimï. Kïïga ïr sïïrhi ix aagiada aatïmï Diuxi sai bhai gïr ïrhidi ïgaikïdï tudu. Kïï maatï aatïmï sai bamioma kabakami dukai buaboitudai aapimï xibi dai sai bïïxkïrï bamioma gïn oigïdai aapimï aipakoga ïpï. Kaxkïdï bia aatïmï sïïrhikami ix potïdagi aatïmï Diuxi sai bhai gïr ïrhidi ïgaikïdï.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.

Hebreos 13:21

Daanïi aanï Diuxi tudu sai gïn maakana ïgai bïïxi aïkatai ixtumaxi aapimï tïgito ixtukïdï ibuadana aapimï ixtumaxi ïgai ipïrhidi. Daanïi aanï saidi gïn soikïiña ïgai saidi Suxi Kristo gubukarhigadïkïdï ibuadana aapimï bïïxi ixtumaxi bhai ïrhidi ïgai. Gï agai sai bïïxi óídakami kïïga ñokadagi Suxi Kristo bïïtarï dai bïïxkïrï bïïtarï aagada xïïxi ïr gïdukami dai namïakami ïgai. Sai pogïduna gobai tudu.

Hebreos 3:14

Gï agai xi gïr mamaakadagi aatïmï ñoki aipakoga dai xi gïr abïnakiadagi ix apia buaboitudada aatïmï tudu. Kaxkïdï tudu kïïga maatï aatïmï sai gï agai xi apia kïïga buaboitudada aatïmï asta xïïxkadï ukami óídakagi aatïmï. Gï agai xi mo ïxi buaboitudada aatïmï ix duu buaboitu aatïmï tukamïrï tudu sai podukai kïïga biakana aatïmï ïmo urabaragai Suxi Kristo ïmadï.

Hebreos 6:10

Kaxkïdï tudu Diuxi bïïxkïrï sïïrhi ibuayi. Dai ïgai kïïga gï tïgitoka agai xïï kabami gaatabuadana aapimï Diuxi bïïtarï dai xïï kïïga soikïi aapimï go gaa buaboitudadami ïpï. Xibi ukami kia pomaaxi ibuayi aapimï tudu dai gobai ïr ïmo maaxidaragai sai kïïga oigïdai aapimï Diuxi. Bïïxi gobai gï tïgitokamu Diuxi tudu daidi gïn maakimu go bhai ïrhiaragai ix makïdï ïr sïïrhi gïn bïïtarï kïïga ibuadatai aapimï.

2 Pedro 3:14

Gobai nïnïraka aapimï tudu gin aaduñi. Dai kaxkïdï abïr kabami gïn aga dai buañixikami dukai óídaka sai mai tipukagi ixtukïdï gïpiïrï gïn bupadagi jaa. Podukai abïr ibuada saidi kïïga xioma uraban dukai óídakana aapimï buitapi Diuxi.

Rut 1:18

Dai aidï gia ka dodorhi bii go Noemi dai ka mai ñokidi ïgai go Rut nïiditai sai mai dagito aagai tomax dukai.