1 Korintios 15:57 - Northern Tepehuan Bible

⁵⁷ Dïï gia Suxi Kristo ïgai daidi ïr Gïr Nukadakami dai kaxi gamaitï ïgai go mukigami. Dai aatïmï kaxi gamaitïkami bii ïpï go soimaaxi ïmadï go mukigami bui ka bïïna darakatai aatïmï Suxi Kristo. Gï agai tudu ix aagidagi aatïmï Diuxi xïï bhai gïr ïrhidi aatïmï ïgai bui kïïgakïrï gïr bubaidakai ïgai.

Tepehuan Northern: Diuusi ñiooquidʌ utuducami oodamicʌdʌ

⁵⁷ Dʌmos baigiñʌlidi aanʌ Diuusicʌdʌ. Ʌgai gʌroigʌldi gʌrsoimaascamiga vaavoitudaitai aatʌmʌ Suusi Cristo cascʌdʌ camaisoimaasi taatamu aatʌmʌ siʌʌscadʌ coiyagi.

1 Korintios 15:57 ပူးပေါင်းရင်းမြစ်များ

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

Hechos 27:35

Mos potïi ïgai dai bhodïrï bhïiyi ïmo tïrhigi pan dai bïïxi go gaa buitapi aagidi ïgai Diuxi ix xïï bhai gï ïrhidi ïgaikïdï daidi bhodïrï saasarai ïgai go pan daidi gauu.

Romanos 7:25

Suxi Kristo Gïr Nukadakami aba ïgai dai kïïgakïrï gin busaitu tudu. Kaxkïdï bhai gin ïrhidi aanï Diuxikïdï. Pomaaxi tudu gin oidakaraga. Gin ibhïdagakïdï gia ïïgidi aanï Diuxi sïïrhikamigadï. Dïï bïïxkïrï go soimaaxkami mos apia gin tïanïi ansai soimaaxi ibuadagi.

Romanos 8:37

Dïï gia tomax pobï buadagi gobai aatïmï tomax dukai gamaitïkami gïr oigïdaitai Suxi Kristo.

1 Korintios 15:51

Dïï gia gïn aagidamu aanï ïmo ixtumaxi ix makïdï mai maatïkana odami ïkioma. Daiñi, ïïmadutai aatïmï buaboitudadami mai koiyagi ragai. Dïï gia bïïxkatai aatïmï ïmapïduñimu todian dukai.

2 Korintios 1:11

Dai aapimï gïr soiñamu ïpï gïr daanturhiditai aapimï. Dai podukai mui óídakami nïijadamu xïï kïïga gïr soi Diuxi gïr daanturhiditai aapimï dai bhai gïn ïrhiadamu ïgai Diuxi bïïtarï nïiditai gobai.

2 Korintios 2:14

Kïïga ïr buaboi tudu sai mai ibhïxtakan taadakana aanï mos ïï buamï in ïrhiditai gïn bïïtarï. Dïï gia gï agai sai maatïkagi aapimï sai mai soi gin ïrhidi aanï dai bhaiyoma bhai gin ïrhidi Diuxikïdï maatïkatai sai ka urabaka aatïmï Suxi Kristo dai maatïkatai ïpï sai xibi Diuxi gïr bhaitï imïi toma xako ajiopadagi aatïmï ka maitïkai ïgai go buidïrï bïïtïkamigadï. Dai xibi aatïmïkïdï aatabuayi Diuxi saidi óídakami aipakoga maatïna xorai go Suxi Kristo. Dai gobai kïïga bhai ïrhiaraga, xïïxkadï óídakami ka kïïga maatïkagi Suxi Kristo tudu. Ïpïan bhai ïrhiaraga gobai xïïxkadï po gï buadagi ïmo daxdaragai kïï xigian ubadami Diuxi bïïtarï. Kïïga bhai ïrhiaraga gobai.

2 Korintios 9:15

Kïïga gï maatï tudu sai Diuxi otoi go Suxi Kristo dai bhai dui go kïïgakïrï bubaidaragai gïr bïïtarï dai gobai ïr ïmo gïdukami oidaragai bïïxkatai aatïmï buaboitudadami gïr bïïtarï. Gïr tïgibudaga mai ajïi ix gïr tïgitokagi xïï kïï tuiga Diuxi tudu dai mai tïtïgai aatïmï ñoki ixdukatai aagada aatïmï xïï kïï tuiga ïgai ïpï.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Hebreos 2:14

Aatïmï tudu ïr maamaradï Diuxi ix makïdï aagai ïgai. Dai bia aatïmï gïr tukugadï dai mumukui aatïmï. Kaxkïdï gïr ïpïamaaxi tukuga bhïiyi Suxi. Biatu Suxi tukugadï ïpïan dukai aatïmï sai bhodïrï mukuna ïgai dai podukai popoidan dui ïgai gubukarhigadï go diabora ixtukïdï gïr buapidi ïgai go mukigami.

Apokalipsis 12:11

Dai go buaboitudadami maitï go diabora mukukai go Arhi Kañiru agaikïdï dai aaxtakai ïgai ïradï ïmo daaxdaragai dukai. Ga maitï ïgai buaboidaitai go bhai ïrhiaragai aatagi. Gobai ïr ï galbaaxi aatagi ix makïdï bïïxi aipakoga aagaiña ïgai tudu. Dai mai buamï ïrhidiña ïgai tomaxi jaa kodaiña buaboidaradïkïdï.

Apokalipsis 21:4

Xibi Diuxi buana agai bïïxi odami suañibharudï. Xibi ka mai tipukamu mukigami tomarhi soigamudagai tomarhi suanïdagai tomarhi kokodagai. Bïïxi ixtumaxi ïkidadï ugiti agai tudu— ikaiti go ñoki.