1 Korintios 15:54 - Northern Tepehuan Bible

⁵⁴ Xïïxkadï ka biakagi aatïmï gïr tukuga utudui aidï ka buaboi busaimu go ojai xakoga ikaiti sai, Diuxi ka maitï go mukigami bui.

Tepehuan Northern: Diuusi ñiooquidʌ utuducami oodamicʌdʌ

⁵⁴ Siʌʌscadʌ ʌpʌduñiagi gomaasi amaasi casi ʌpʌduuñimu istumaasi aagai Diuusi ñiooquidʌrʌ. Dai aidʌ abiaadʌrʌ camaicoodamu oodami.

1 Korintios 15:54 ပူးပေါင်းရင်းမြစ်များ

Lukas 20:36

Ka duduaka ïgai ïpamu dai kaxkïdï ïpïan dukamikamu ïgai Diuxi tïtïañikarudï. Ka mai koimu ïgai tudu maamaradïkatai ïgai Diuxi.

Romanos 1:23

Daiñi, Diuxi sïïrhikïdï ïr gïdukïdï dai kïï tiodi. Odami mai tïbïpi kapakarïi dïï Diuxi gia tomarhi ïmo imidagai mai mukimu. Dïï bïïxkïrï odami xadutudai uubixi bhaiyoma ix makïdï odami maaxi tomaxi odami mai tïbïpi kapakarïi. Odami maaxi uubixi xadutudai ïgai ïmadï ujurugi dai buxtaki dai kïkïixi maaxi ïpï, maiti ipïrhiditai ix xadutuadagi Diuxi.

Romanos 2:7

Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

2 Korintios 4:11

Mai biïga ixdukatai gïr aiyagi mukigami oiditai aatïmï Suxi tudu. Dai ïkobïrakoga kïkïrhiokorïi aatïmï ïpï. Pomaaxi gïr oidakaraga tami oidigi daama. Dïï gia gobai gïr maakai oigaragai saidi Suxi gubukarhigadïkïdï óídakagi aatïmï, mai gupukatai aatïmï tudu. Dai podukai mui óídakami nïijadamu sai Suxi gubukarhigadïkïdï óídaga aatïmï dai maatïkamu ïgai sai kia oidaga Suxi, ïgai gubukarhigadïkïdï óídakatai aatïmï tudu.

2 Korintios 5:4

Maiti ipïrhidi aatïmï ix mai tukugakatai óídakagi aatïmï dïï gia aijiïgïitai óídaga aatïmï xibi mos ïï bïïtïkatai gïr oidakaraga tami oidigi daama. Ka otoma biaka rïrhidi gïr utudui tukugai tudu saidi ka mai tipukagi go mukigami ka kïïgakïrï óídakatai aatïmï bïïxkïrï bïïtarï.

2 Tesalonicenses 1:10

Gobai ïr gïgïbidaradï ix makïdï Suxi maakimu go ix makïdï mai buaboitudai dibiakai ïgai. Dai amaxi bïïxi go buaboitudadami xadutulda ñokadamu Suxi bïïtarï. Dai aapimï ami darakamu dai xadutulda ñokadamu ïgai bïïtarï ïpï. Aapimï kïïga buaboitu gïr aatagi di.

Apokalipsis 20:14

Dai bhodïrï go gïï taiyïrï daitu Diuxi go mukigami ïmadï koidadï kiidï xako darakatadai ïgai. Go koidadï kiidï Hades tïgidu. Dai bia Diuxi ïmo libro xako ojixi odami ix makïdï kïïgakïrï ïr duduakakami dai bïïxkïrï bïïtarï óídaka agai. Dai taiyïrï surhigi agai ïgai bïïxi odami ix makïdï mai ojixi ami. Gobai ïr go kugatïrï mukigami agaikïdï.

Apokalipsis 21:4

Xibi Diuxi buana agai bïïxi odami suañibharudï. Xibi ka mai tipukamu mukigami tomarhi soigamudagai tomarhi suanïdagai tomarhi kokodagai. Bïïxi ixtumaxi ïkidadï ugiti agai tudu— ikaiti go ñoki.