1 Korintios 15:20 - Northern Tepehuan Bible

²⁰ Dïï gia kïïga ïr buaboi sai duakatu go Suxi. Dai kaxkïdï kïïga gï maatï sai Diuxi gïr duakatulda agai bïïxkatai aatïmï ix makïdï bïïna daraka Suxi Kristo.

Tepehuan Northern: Diuusi ñiooquidʌ utuducami oodamicʌdʌ

²⁰ Dʌmos ʌrvaavoi isSuusi Cristo duaaca coidadʌ saagidaiñdʌrʌ. Poduucai cʌʌ maatʌ aatʌmʌ isDiuusi gʌrduduaacalda agai aatʌmʌ ʌʌpʌ.

1 Korintios 15:20 ပူးပေါင်းရင်းမြစ်များ

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

1 Korintios 15:23

Suxi Kristo ïgai dai ïpïgioma duakatu tudu dai gokiïrï ïpamu dibiakai duduakaturhi agai ïgai bïïxi aaduñdï.

1 Korintios 15:6

Gokiïrï bhaibitukami taama ciento buaboitudadami nïidi ïpï go Suxi. Dai bhaiton bïïxkatai ïgai kia óídaga xibi dïï mos ïïmoko ka koi.

Kolosenses 1:18

Aatïmï buaboitudadami ïr tukugadï duki Suxi Kristo dai ïgai ïr gïr moo. Ïgaiñdïrï tudu bhïjïi aatïmï gubukarhigai ixtukïdï óídaga aatïmï. Kaxkïdï tudu ïgai ïr Maradï Diuxi dai ïr ïpïgadï ix makïdï gï duakatu gokiïrï xi muu dai ka mai mukia agai ïpamu tomarhi ïmo imidagai. Ïgai tudu bïïxi adaama gatïanïda agai.

1Tesalonicenses 4:16

Aidï gïïgïr iñakidamu Suxi Kristo tïbanïkai tïbagiañdïrï tudu. Dai aidï gï kaidatudamu ïpï Diuxi tïtïañikarudï bhaitï kïakamigadï. Dai ganïjida agai ïgai Diuxi trompetagadïkïdï ïpï. Daidi duakatuldamu Diuxi go buaboitudadami ix makïdï ka koi.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Apokalipsis 14:13

Daidi kaï aanï xi ño ixtumaxi tïbagiañdïrï daidi pobai in tïtïdai, —Iduindañi ïmo ojai dai adukai oja, —Xibi bhaitiakoga kïïga bhai gïn ïrhiadamu odami ix makïdï koiyagi bïïna darakatai Suxi Kristo, podukai oja aapi— antïtïdai. Dai Diuxi Ibhïadï ikaiti, —Ïjï kïïga ïr buaboi gobai. Ix makïdï koiyagi bïïna darakatai Suxi Kristo kaxi gïn iibhïxta agai. Ka mai tipukamu bïïtïkami aaduindagai ïgai bïïtarï. Kaxi aatadui ïgai tudu dai buimu ïgai go aaduindagai maitïkidï. Ka maiti gï agadamu bamioma aaduindagai tudu— ikaiti Diuxi Ibhïadï.