1 Korintios 15:17 - Northern Tepehuan Bible

¹⁷ Dai ix maiti gï duakatumudai go Suxi ¿Dukatai ïr soiñikamudai ix buaboitudada aapimï? Ix ïr podukaikamudai aidï gia ka mai biakamudai aapimï oigïldaragai gïn soimaaxkamiga bïïtarï

1 Korintios 15:17 ပူးပေါင်းရင်းမြစ်များ

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Romanos 4:25

Diuxi otoi Suxi sai ïgai aa namïidana gïr soimaaxkamiga mukukai. Dai bhodïrï duakaturhi Diuxi go Suxi bai podukai kïïgakïrï gïr nïijadana ïgai.

Romanos 5:10

Ïkioma gïr bupuidïrï bïïtïkana aatïmï ïmadï Diuxi dïï gia Suxi Kristo, Diuxi maradï, muu dai podukai bhai dui sai ïpamu biakana aatïmï urabaragai Diuxi ïmadï. Suxi Kristo ïpamu duakatu aidïxi ka mutadai. Kaxkïdï xioma maatiga maaxi xibi sai kïïgakïrï bubuakimu aatïmï, ïpamu oidakatai ïgai tudu.

1 Korintios 15:14

Dai ix mai duakatumudai go Suxi aidï gia ka maiti ïr soiñikamudai go aatagi ix makïdï gïn aagidi aatïmï. Dai tomarhi maitï ïr soiñikamudai ïpï buaboidada aapimï. Dïï gia kïïga duakatu go Suxi.

1 Korintios 15:16

Kïïga ïr buaboi gobai ix gïn aagidi aanï xibiki tudu. Daiñi, ix ïr buaboikamudai sai mai tipu duakaragai aidï gia mai duakamudai Suxi.

1 Korintios 15:2

dai kïïgakïrï bubuakïi aapimï buaboidaitai. Kïïgakïrï bubuaka aapimï tudu dai mosïkaxi ix buaboitudamudai ïmai aatagi ix makïdï maiti gïn aagidi aanï, aidï gia maiti ïr soiñikamudai gïn buaboidaraga dai mai kïïgakïrï bubuakimudai aapimï.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.