1 Korintios 14:31 - Northern Tepehuan Bible

³¹ Kïï bhaiga aapimï bïïxkatai ix gamaakadagi ñoki ix makïdï ïr Diuxiañdïrï tudu. Dïï gia gï agai xi ïpïgioma ñokada ïmoko dai gokiïrï ïmai dai mai xu ix ïmo buidakïdï ïmapi ñokada ïgai. Podukai bïïxkatai bhaigakamu ix maatï kaïkagi ñokidï dai bamioma bhïiyagi abïnakidaragai kaïkatai.

1 Korintios 14:31 ပူးပေါင်းရင်းမြစ်များ

Romanos 1:12

Podukai aipako gïr abïnakidamu aatïmï aanï ïmadï aapimï kïïga buaboidaitai aatïmï Suxi Kristo.

1 Korintios 14:19

Dïï gia bïïxkïrï xïïxkadï gïr ïmpaiñdadagi aatïmï buaboitudadami xioma ipïrhidi aanï ix aagagi mosïkaxi lïïchi aatagi ix makïdï kïïga maatï kaïkagi jaa dai mai xu ix gïïpi aagagi aanï ïma maaxi ñokikïdï ix makïdï mai maatï kajiagi ïgai. Kaxkïdï tudu ñoki ix makïdï maatigian kaiti ïgai dai soiñamu jaa.

1 Korintios 14:3

Dïï gia ix makïdï aagagi ñoki ix makïdï Diuxiañdïrï imïi ix makïdï jaa maatï kaïkagi aidï gia soikïi ïgai go gaa buaboitudadami. Kïïga gupurtudai ïgai buaboidaradï dai kïïga abïnakidi dai kïïga bhai ïrhiatudai ïpï.

1 Korintios 14:30

Dïï gia ix kia ñokadagi ïmoko dai Diuxi tïïgidagi ñoki ïmai ix makïdï ami daraka aidï gia go ix makïdï ka ñokaitadai gï agai ix dodorhi biyagi bai ñokaiña go gïmai.

1 Korintios 14:32

Go ix makïdï aagagi ïmo ñoki Diuxiañdïrï kïïga bhaiga ix nïnïrakagi asta xïïxkadï kugaitu go gaa aatagidï. Kïïga tïanïi ïgai ïïgi ibhïgadï tudu.

1 Korintios 14:35

Ix ïmo oki biakagi ïmo tïkakaragai gï agai xi amïï kiiyïrï tïkakagi kunadï. Maiti ïr kïïga ix ñokadagi oki ami buaboitudadami ïmpaiñdaradïrï tudu.

2 Korintios 1:4

Daiñi, Diuxi ïgai dai gïr bhai ïrhiatudai xïïxkadï taatagi aatïmï tomax makïdï soi ïrhiaragai. Dai kaxkïdï bhaiga aatïmï xi soikïdagi jaa xïïxkadï soimaaxi taatagi ïgai sai bhai gïn ïrhiadagi ïgai ïpï go galbaaxi bhai ïrhiaragaikïdï ix makïdï gïr mamaakai Diuxi xïïxkadï soimaaxi taatagi aatïmï.

Kolosenses 2:2

Kabami ipïrhidi aanï tudu sai aapimï ïmadï bïïxkatai ïgai kïïga abïnakian taadakagi dai sai kïïga gïn urabakagi gïn oigïdaitai aipakoga. Kabami ipïrhidi aanï sai biakana aapimï ïmo ixtumaxi kïïga namïakami. Ipïrhidi aanï sai gïn ibhïxtakan taadakagi aapimï kïïga maatïkatai aapimï Suxi Kristo tudu. Daiñi, go óídakami ïïki mai maatïkatadai sai oidaka agai ïmo kïïgakïrï bubiadami ix makïdï odami ïrana oidaka agai. Diuxi mai maaxiturhi ïgai kaxkïdï. Dïï gia ipïrhidi aanï sai aapimï gia kïïga maatïkana.

1Tesalonicenses 4:18

Gï agai tudu xi gïn abïnakidada aapimï aipakoga aagaitai idi aatagi.

1Tesalonicenses 5:11

Kaxkïdï apia abïr gïn abïnakiada aipakoga idi aatagikïdï dai abïr gïn soikïda ïpï sai bamioma gïrana gïn buaboidaragai. Kaxi pobuadana aapimï tudu dai gï agai xi apia pobuadagi.

1Tesalonicenses 5:14

Gïr susukurhi, ix makïdï gïn urapïkïi dai paparïga abïr maakada ñoki. Daidi ix makïdï duduadikui abïr abïnakidada. Dai ix makïdï mai gupuka buaboidaradï abïr soikïda. Ïgai bïïxkatai gï agai xi mai dagitokai soiñagi aapimï dai mai ojodadagi.

1Tesalonicenses 5:20

Dukami xïïxkadï po kaitiadagi ïmadutai sai Diuxi tïïgi ïmo ñoki abïr mai otoma gajiadïrï bia ñokidï.