1 Korintios 14:27 - Northern Tepehuan Bible

²⁷ Kïïgadu tudu ix oidakagi parï goka ix makïdï todian dukai ñokadagi ïma maaxi ñokikïdï dïï gia gï agai ix mos arhi ïmoko ñokada ïpïga dai mai xu ix bïï goka ïmo buidakïdï ñokadagi. Dai maiti gï agai ix bhaibitukagi baika pomaaxi ñokadami ïpï. Dai gï agai xi oidakagi xorai maaxi aagagi ix tïiya ïrhidi go ñoki ïpï.

Tepehuan Northern: Diuusi ñiooquidʌ utuducami oodamicʌdʌ

²⁷ Siʌʌscadʌ ʌʌmadutai ñioocadagi ʌma maasi ñiooqui ali googocatai gʌaagai isñioocadagi siʌʌpʌ vaavaicatai dʌmos vaamioma gia cho. Dʌmos ʌʌmadutai gʌaagai isñioocadagi maisiu vʌʌscatai ʌʌpana. Dʌmos gʌaagai isoidacagi sioorʌ aagadagi istʌiya ʌlidi ʌoodami ʌñiooquicʌdʌ.

1 Korintios 14:27 ပူးပေါင်းရင်းမြစ်များ

1 Korintios 12:10

Ïïmoko mamaakai ïgai gubukarhigai saidi ibuadana maaxidaragai ix makïdï odami maiti ixtutuidikïi xi ibuadagi. Dai jaa saidi ïr Diuxi ñokituldiadamikagi. Dai jaa maakai ïgai gubukarhigai sai maatï kaïkana ix bhai Diuxi Ibhïadïkïdï ñokai ïmo aatagadami. Dai jaa mamaakai ïgai gubukarhigai sai todian dukai bhaigakana ix ñokadagi ïmamaaxi ñokadami ñokidïkïdï ix makïdï tomarhi ïgai dai tomarhi go gaa ix makïdï ami daraka mai maatï kaï. Dai jaa mamaakai ïgai gubukarhigai sai aagaiña ix tïiya ïrhidi ñokidï go ïma maaxi ñokadami.

1 Korintios 14:13

Daiñi, xorai biakagi gubukarhigai ix todian dukai ñokadagi ïma maaxi ñokikïdï gï agai ix daanïdagi Diuxi sai maakana gubukarhigai ïpï ix maaxi aagagi ix tïiya ïrhidi.

1 Korintios 14:2

Gobai ïr go gubukarhigai ixtukïdï bamioma soiña antaada aapimï jaa. Daiñi, ïïmo imidagai ïmo buaboitudadami todian dukai ñokaiña Diuxi Ibhïadï gubukarhigadïkïdï ïma maaxi ñokikïdï ix makïdï tomarhi ïmadutai mai maatï kaï. Xïïxkadï podukai ñokadagi ïgai mosïkaxi Diuxi maatï kaï. Mosïkaxi ïgai bïïtarï ñokai ïgai tudu dai mai soikïi ïgai jaa. Go gaa mai maatï kaïkana ñokidï kaxkïdï. Kïïga ñokai ïgai Diuxi Ibhïadï gubukarhigadïkïdï dïï go gaa mai maatï ix kaiti.

1 Korintios 14:26

Ipïrhidi aanï tudu ix maatïkagi aapimï sai gï agai ix ïr soiñikagi jaa bïïtarï bïïxi ixtumaxi ibuadagi aapimï ïmpaiñdaragïrï. Gï agai ix ïr soiñikagi gobai bïïxkatai bïïtarï sai bamioma gïrana buaboidaradï. Daiñi, xïïxkadï gïn ïmpaidadagi aapimï ïïmoko ganïyi ïrhidiña ïmo nïidagai dai ïïmoko biakana ïmo maatïtuldaragai bïïxkatai bïïtarï dai jaa aaga ïrhidiña ixtumaxi maatïturhi Diuxi dai jaa todian dukai ñokaiña ïma maaxi ñokikïdï. Dai jaa maaxi aagaiña ix tïiya ïrhidi. Dai bïïxi gobai gï agai ix ibuadagi aapimï sai podukai bamioma gïrana buaboidaradï bïïxkatai.

1 Korintios 14:28

Ix oidakagi ïmoko ix makïdï todian dukai ñokada ïrhiadagi ïmpaiñdaragïrï ïma maaxi ñokikïdï dai ix mai tipukagi xorai maaxi aagagi ix tïiya ïrhidi go ñoki bhaiyoma gï agai ix dodorhi biyagi ïgai ix makïdï ñokada ïrhiditadai. Ix ñokada ïrhiada ïgai Diuxi bïïtarï podukai sai mosïkaxi ibhïgadïrï ñokada ïgai bhaiyoma dai mai xu ix kaïkagi go gaa.

1 Korintios 14:5

Xïïxi ïr kïïgaikamudai ix maakimudai Diuxi gubukarhigai bïïxkatai aapimï buaboitudadami ix todian dukai ñokadagi ïma maaxi ñokadami ñokidïkïdï ix makïdï tomarhi ïmadutai mai maatï kaï. Sïïrhikïdï ïr kïïgaikamudai gobai dïï gia gï aagai ix oidakagi xorai biakagi gubukarhigai Diuxiañdïrï xi maaxi aagagi go ñoki ïpï. Ïma dukai ¿Tumaxi ïr soiñikana go ñoki bïïxi go gaa buaboitudadami bïïtarï mai maatï kaïkatai tomarhi ïmadutai? Kaxkïdï bamioma gï agai ix bhaiyoma aagiadagi aapimï ñoki Diuxiañdïrï dai ix makïdï maatï kaïkagi go gaa. Gobai gia ïr soiñi bïïxkatai bïïtarï maatï kaïkatai ïgai.