1 Korintios 14:12 - Northern Tepehuan Bible

¹² Kïïga maatï aanï tudu sai biaka ïrhidi aapimï go naana maaxi gubukarhigai ix makïdï gïr maakai Diuxi Ibhïadï. Dïï gia gï agai ix bamioma biaka ïrhiadagi aapimï gubukarhigai saidi ibuadana ixtumaxi bamioma soikïdagi buaboidaradï go gaa buaboitudadami.

Tepehuan Northern: Diuusi ñiooquidʌ utuducami oodamicʌdʌ

¹² Cascʌdʌ aapimʌ ismaacʌdʌ ipʌlidi isDiuusi Ibʌadʌ gʌnmaaquiagi guvucadagai isiduñiagi ʌmo istumaasi ismaacadʌ ivueeyi aa vaavoitudadami, aagiadavurai Diuusi sai ʌgai gʌnmaacana guvucadagai maidʌ ivuaada aapimʌ istumaasi ʌrsoiñi vaavoitudami vʌʌtarʌ.

1 Korintios 14:12 ပူးပေါင်းရင်းမြစ်များ

Romanos 14:19

Kaxkïdï xibi tï gïr aaga iduñi ïïgi ixtumaxi gïr soiñana bai xioma óídakagi aatïmï gïr oigïdaitai aipakoga. Tï duñi ïïgi ix makïdï ïr soiñikagi ïpï xi bamioma gupurtudagi gïr buaboidaraga.

1 Korintios 12:31

Kïïga gï maatï tudu sai mai bïïxi go buaboitudadami bia ï galbaaxi aaduindagai. Dïï gia oidaga ïïmo gubukarhigai ix makïdï bamioma ïr soiñi. Gobai tudu gï agai ix biaka ïrhiada aapimï. Dïï xibi gïn aagidamu aanï ix dukatai ibuadagi aapimï ix makïdï gïïpi bamioma namïga ix bhai go gubukarhigai ix makïdï aagai aatïmï xibiki.

1 Korintios 12:7

Ïjïkobai gïr maakai Diuxi naana maaxi gubukarhigai saidi gïr soikïiña aatïmï aipakoga dai sai podukai gï maatïkana ix gïr ïmadï daja Diuxi Ibhïadï.

1 Korintios 14:1

Kïïga abïr gaaga ixdukatai oigïdada jaa dai soikïdagi. Dai biaka abïr ïrhiada naana maaxi gubukarhigai ix makïdï gïn maakai Diuxi Ibhïadï. Dïï gia bamioma abïr biaka ïrhiada gubukarhigai sai aagaiña aapimï ñoki ix makïdï Diuxiañdïrï imïi.

1 Korintios 14:13

Daiñi, xorai biakagi gubukarhigai ix todian dukai ñokadagi ïma maaxi ñokikïdï gï agai ix daanïdagi Diuxi sai maakana gubukarhigai ïpï ix maaxi aagagi ix tïiya ïrhidi.

1 Korintios 14:26

Ipïrhidi aanï tudu ix maatïkagi aapimï sai gï agai ix ïr soiñikagi jaa bïïtarï bïïxi ixtumaxi ibuadagi aapimï ïmpaiñdaragïrï. Gï agai ix ïr soiñikagi gobai bïïxkatai bïïtarï sai bamioma gïrana buaboidaradï. Daiñi, xïïxkadï gïn ïmpaidadagi aapimï ïïmoko ganïyi ïrhidiña ïmo nïidagai dai ïïmoko biakana ïmo maatïtuldaragai bïïxkatai bïïtarï dai jaa aaga ïrhidiña ixtumaxi maatïturhi Diuxi dai jaa todian dukai ñokaiña ïma maaxi ñokikïdï. Dai jaa maaxi aagaiña ix tïiya ïrhidi. Dai bïïxi gobai gï agai ix ibuadagi aapimï sai podukai bamioma gïrana buaboidaradï bïïxkatai.

1 Korintios 14:5

Xïïxi ïr kïïgaikamudai ix maakimudai Diuxi gubukarhigai bïïxkatai aapimï buaboitudadami ix todian dukai ñokadagi ïma maaxi ñokadami ñokidïkïdï ix makïdï tomarhi ïmadutai mai maatï kaï. Sïïrhikïdï ïr kïïgaikamudai gobai dïï gia gï aagai ix oidakagi xorai biakagi gubukarhigai Diuxiañdïrï xi maaxi aagagi go ñoki ïpï. Ïma dukai ¿Tumaxi ïr soiñikana go ñoki bïïxi go gaa buaboitudadami bïïtarï mai maatï kaïkatai tomarhi ïmadutai? Kaxkïdï bamioma gï agai ix bhaiyoma aagiadagi aapimï ñoki Diuxiañdïrï dai ix makïdï maatï kaïkagi go gaa. Gobai gia ïr soiñi bïïxkatai bïïtarï maatï kaïkatai ïgai.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.