1 Korintios 13:9 - Northern Tepehuan Bible

⁹ Daiñi, xibi gïr maakai Diuxi gubukarhigai sai maatïkana aatïmï naana maaxi dïï bïïxkïrï gïr biïga kia ix maatïkagi aatïmï bamioma ixtumaxi. Dai gïr maakai Diuxi gubukarhigai sai aagaiña aatïmï ñoki ix makïdï Diuxiañdïrï imïi ïpï dïï gïr biïga kia ix aagiadagi aatïmï bamioma ixtumaxi gïr tïtïgiadagi ïgai kia.

Tepehuan Northern: Diuusi ñiooquidʌ utuducami oodamicʌdʌ

⁹ Dʌmos sivi palʌpi maatʌ aatʌmʌ Diuusi ñiooquidʌ dai maicʌʌga maatʌ aagai aatʌmʌ Diuusi ñiooquidʌ.

1 Korintios 13:9 ပူးပေါင်းရင်းမြစ်များ

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Romanos 11:34

Tipu xorai maatïkagi ix tuma tïïtïitoi Diuxi dai tipu ïpï xorai maakiagi ñoki.

1 Korintios 13:10

Kaxkïdï tudu tomaxi bia aatïmï naana maaxi gubukarhigai Diuxiañdïrï bïïxkïrï gïr biïga naana maaxi. Dïï gia gï kugaidakai Diuxi aaduindadï aidï gia ka maiti gïr biïgakamu tomarhi ïmo ixtumaxi dai aidïpïrï ka maiti gï agadamu go gubukarhigai ix makïdï bia aatïmï xibi. Ugitimu gobai amaxi.

1 Korintios 13:12

Dai pomaaxi aatïmï buaboitudadami ïpï. Xibi kia komaikami maaxi Diuxi gïr bïïtarï ïpïan dukami xi ïmo nïidakaru komaikamiïrï nïijadamudai aatïmï ïgai. Mai maatï aatïmï naana maaxi kia kaxkïdï. Dïï gia kugaidakai Diuxi aaduindadï aidï gia kïïga buijako nïijadamu aatïmï Diuxi. Xibi palïpi maatï aatïmï Diuxi dïï ka kugaidakai ïgai aaduindadï kïïga maatïkamu aatïmï. Aidï gia ix xïï kïïga gïr maatï ïgai po kaxi kïïga maatïkamu aatïmï ïpï ïgai.

1 Korintios 2:9

Dïï aatïmï buaboitudadami gïr bïïtarï gia ïr buaboi ix dukatai ojixi ïïki Diuxi ñokidïrï. Ami ikaiti sai, Ka bhai darasakami bia Diuxi naana maaxi ixtumaxi bïïtarï odami ix makïdï oigïdai Diuxi. Bhai darasakami bia ïgai naana maaxi ix makïdï tomarhi ïmo odami mai nïidiña dai mai kajioma dai mai tïgitokana ïpï, po tudu kaiti Diuxi ñokidï.

1 Korintios 8:2

Daiñi, pupuiruga odami ix makïdï ka kïï maatï ïrhidi bïïxi aïkatai.

Efesios 3:8

Daiñi, tomaxi aanï ïr ïmo buaboitudadami bamioma mai namïakïdï, bïïxkïrï Diuxi gin maakai idi gïdukami bhai ïrhiaragai. Gin maa ïgai xi aagidagi aanï go ix makïdï maiti ïr judidiu xïï kïï tuiga Suxi Kristo gïr bïïtarï bïïnakai aatïmï ïgai. Odami tïgibudadï mai ajïi ix maatiagi xïïxi ïr namïakami Suxi Kristo gïr bïïtarï tudu.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.