1 Korintios 13:12 - Northern Tepehuan Bible

¹² Dai pomaaxi aatïmï buaboitudadami ïpï. Xibi kia komaikami maaxi Diuxi gïr bïïtarï ïpïan dukami xi ïmo nïidakaru komaikamiïrï nïijadamudai aatïmï ïgai. Mai maatï aatïmï naana maaxi kia kaxkïdï. Dïï gia kugaidakai Diuxi aaduindadï aidï gia kïïga buijako nïijadamu aatïmï Diuxi. Xibi palïpi maatï aatïmï Diuxi dïï ka kugaidakai ïgai aaduindadï kïïga maatïkamu aatïmï. Aidï gia ix xïï kïïga gïr maatï ïgai po kaxi kïïga maatïkamu aatïmï ïpï ïgai.

1 Korintios 13:12 ပူးပေါင်းရင်းမြစ်များ

Mataibo 18:10

—Maiti abïr soi dukai nïijada tomarhi ïmo aarhi tudu. Daiñi, oidaga tïtïañikarudï Diuxi ix makïdï nukadai dai ñokiturhiña go aarhi amïka tïbagiana buidïrï Diuxi gin Oga. Kaxkïdï kïïga abïr gïn tïgitoka dai mai soi dukai nïijada go aarhi— itïtïdai.

Mataibo 5:8

—Dai aapimï ix makïdï kïïga buañixi tïgibudadï kïïga bia bhai ïrhiaragai ïpï. Nïijadamu ïgai Diuxi kaxkïdï— itïtïdai.

Romanos 8:18

Kïïga maatï aanï sai bïïxi go soi ïrhiaragai ix makïdï taataimi aatïmï xibi maiti ïr ixtumaxi bhaitoma maatïkatai sai Diuxi gïr maaki agai ïmo bhai ïrhiaraga ix makïdï mai bhaiga xi aiyagi gïr tïgibudagai xi maatiagi.

1 Korintios 13:11

Gïn aagidamu aanï ix maaxi gobai. Daiñi, ïkioma ïmo arhi odamikana aanï dai ïmo arhi odami dukai ñokaiña dai biakana aanï ïmo arhi odami tïgibudadï. Aidï mai kïïga maatïkatadai aanï naana maaxi kia. Dïï xibi ka kïrhitukai aanï ka mai pomaaxi ibuayi. Gïïpi ïma maaxi gin tïgibudaga xibi.

1 Korintios 8:3

Dïï gia Diuxi kïïga ïïmadai odami ix makïdï oigïdai Diuxi. Dai gobai gïïpi ïr soiñi ïpï.

2 Korintios 3:18

Ïpïan dukami gobai xïïxkadï maigobai gï dasagi ïmo ikuxi gïr bupuji buidïrï. Xibi ka kïïga maatï nïidi aatïmï xïïxi bhaibitukami xigiamaaxi Suxi Kristo dai xïï xigian tuiga ïgai. Diuxi Ibhïadï ïgai daidi gïr tïtïïgidi ix maaxi dai ix tuiga Suxi Kristo tudu. Dai Diuxi Ibhïadï aatabuayi aatïmïrï dai gïr soikïi saidi kïï dukai ïma dukai óídakagi aatïmï. Xibi gïr tïanïi Diuxi Ibhïadï dai aatabuayi ïgai gïr ïmadï sai bamioma ïpïan tutiakagi aatïmï Suxi Kristo dai bamioma ïpïan maaxkagi aatïmï.

2 Korintios 5:7

Xibi apia oidiña aatïmï ixtumaxi buaboitudai aatïmï, tomaxi mai maaxi gïr bupuji bïïtarï. Podukai óídaga aatïmï xibi dai mai xu xi oidiña aatïmï mosïkaxi ixtumaxi maaxkagi gïr bupuji bïïtarï.

Filipenses 3:12

Gin aaduñi, aanï aagai sai mai kia kïïgakïrï ïpïan tuiga aanï Suxi Kristo. Kia gin biïga tudu. Dïï gia kabami gin aajagïi aanï sai bïïx tasai bamioma ïpïan tuigakana aanï ïgai. Pomaaxi bïïtarï gin báí Suxi tudu, saidi ïpïan tuigakana aanï ïgai.

Santiago 1:23

Ix kaïkagi aapimï Diuxi ñokidï dai mai ïïgida kaïkagi aapimï, gobai mai kïïgadu. Ïgai ix makïdï pobuadagi ïpïan buayi ïmo odami ix makïdï ïïgi gï nïnïidiña nïidakaruana

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.

Apokalipsis 22:4

dai asta nïijadamu buibasodï. Dai Diuxi tïtiaragadï ojixikamu kokobadïrï buaboitudadami.