1 Korintios 12:9 - Northern Tepehuan Bible

⁹ Dai jaa mamaakai ïgai gubukarhigai saidi kïïga buaboitudaiña ïgai Diuxi bïïxi aïkatïrï. Dai jaa mamaakai ïgai gubukarhigai sai duduadaiña kokokoñiadï. Naana maaxi gubukarhigai bia buaboitudadami tudu dai Diuxi Ibhïadï ïgai dai maakai.

Tepehuan Northern: Diuusi ñiooquidʌ utuducami oodamicʌdʌ

⁹ dai Diuusi Ibʌadʌ maacai guvucadagai aa sai vaamioma cʌʌga vaavoitudaiña Diuusi dai poduucai ivuaadana naana maasi, dai Diuusi Ibʌadʌ maacai guvucadagai aa sai duduaaidiña coococoidadʌ,

1 Korintios 12:9 ပူးပေါင်းရင်းမြစ်များ

Mataibo 10:8

—Dai nobai iimïitai abïr duduadada ix makïdï kokokoñikagi dai duduakatudabïrai ix makïdï koiñikagi ïpï. Duduadiabïrai ix makïdï biakagi go ogidïrï kokodagai go lepra tïgidukami tudu dai bubaidabïrai go tïtïañikarudï go diabora óídakamiañdïrï ïpï— itïtïdai. Daidi Suxi potïtïdai ïgai ïpï sai, —Maiti gïn táí aanï toma lïïchi gïn maakakai aanï gubukarhigai ix soikïdagi aapimï óídakami. Dai kaxkïdï maiti abïr tanïda aapimï ïpï soikïitai aapimï go óídakami— itïtïdai.

Mataibo 21:21

Dai Suxi potïtïdai, —Gin tïgito abïr kaï ixtumaxi gïn aagidamu aanï. Kïïga ïr buaboi gobai tudu. Daiñi, xi kïïga buaboitudagi aapimï aidï gia bhaigakamu aapimï xi ibuadagi ixdukai idui aanï go igoxi dïïdïkïdï ïpï. Dïï gia maiti gï agai sai po gïn ïrhiadagi sai mai kïïga maatï aapimï ix bhai ïr buaboi sai ixtutuidikïi Diuxi ix ibuadagi ixtumaxi tanïdagi aapimï. Ix kïïga buaboitudagi aapimï aidï gia asta bhaigakamu aapimï xi potïdagi ïmo tubidaki sai maigobai imïna dai sai go gïï sudagiïrï gïsïna tudu dai gobai gïn ïïgiadamu— itïtïdai.

Markos 16:18

Kookoyi buimu ïgai ïpï dai xi yïïdagi ïgai kodakaru maaxi mai xïduñimu ïgai. Duduadamu ïgai kokokoñiadï mos taatakai ïgai— itïtïdai Suxi.

Markos 6:13

Dai bubaitu ïgai mui Diabora tïtïañikarudï odamiañdïrï ïpï. Dai mui duduadi kokokoñiadï mos tïkiditai asaiti.

Lukas 10:9

daidi abïr duduada kokokoñiadï ami ïpï. Dai pobai abïr tïda óídakami sai, ka miadaimi xi gatïanïdagi Diuxi rey dukai— itïtïdai.

Lukas 9:2

Dai bhodïrï otoi ïgai sai apakoga aagaiña ïgai ix dukatai tïanïi Diuxi dai sai duduadiña ïgai go kokokoñiadï.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 5:15

Dai go ojotoxikami mui duduadi kokokoñiadï. Xi kaxkïdï odami kayana bubaidiña kokokoñiadï dai bapakoxiïrï xiïpï sosoayïrï daama dadasaiña sai tomaxi mosïkaxi Piduru ïïkagidï aiyagi miadïrï daibunukai ïgai.

1 Korintios 12:28

Daiñi, darai Diuxi naana maaxi gïr soikïdami gïr saagida. Ïpïgioma darai ïgai ix makïdï ïr ojotosadï Suxi Kristo. Dai gokiïrï darai ïgai jaa ix makïdï ïr Diuxi ñokituldiadamigadï. Dai bhodïrï darai ïgai mamaatïtuldiadami. Daidi maa ïgai gubukarhigai jaa saidi ibuadana ïgai maaxidaragai ix makïdï odami mai bhaiga ix ibuadagai. Dai jaa saidi duduadaiña kokokoñiadï. Dai jaa saidi naana maaxiïrï soikïiña go gaa. Dai jaa saidi ïr bhaitï gukakamikana. Dai jaa maa ïgai go gubukarhigai saidi todian dukai bhaigakagi ix ñokiagi ïma maaxi ñokikïdï.

1 Korintios 12:30

Mai xu bïïxkatai bia gubukarhigai ix duduadagi kokokoñiadï xiïpï ix ñokadagi ïmai ñokikïdï ix makïdï tomarhi ïmadutai mai maatï kaï xiïpï xi aagagi ix tïiya ïrhidi go ñoki ix makïdï ïmamaaxi ñokikïdï aagai ïmai.

1 Korintios 13:2

Tomaxi bhaigakagi ïmoko ix naana maaxi ibuadagi dïï ix mai oigïdadagi ïmoko jaa gobai ix makïdï ibuadagi ïmoko maiti ïr soiñi. Daiñi, tomaxi ïr ïmo Diuxi ñokituldiadamigadïkagi ïmoko dai maatïkagi bïïxi Diuxi tïgibudadï ix makïdï maiti gïr aagidi kia dai tomaxi maatïkagi ïmoko bïïxi aïkatai dai tomaxi kïï gubuakagi buaboidaradï dai asta bhaigakagi aagidagi ïmo tubidaki sai maigobai imïna dai go tubidaki kïïga ïïgidagi ¿Tumaxi ïr soiñi gobai ix mai oigïdadagi ïmoko jaa?

2 Korintios 4:13

Aatïmï buaboitudai ïpïandukai ïmo ojadami Diuxi ñokidï ix makïdï oidakatadai ïïki tudu. Ïgai oja sai, buaboitudai ïgai Diuxi dai kaxkïdï aagaiña ïgai Diuxi buidïrï jaa. Dai aatïmï buaboitudai ïpïandukai ïgai ïpï dai kaxkïdï mai ugutai gatïtïïgidiña aatïmï Diuxi ñokidï.

Efesios 2:8

Kïï tuiga Diuxi gïn bïïtarï kaxkïdï kïïgakïrï bubuaka aapimï buaboidakai. Mai kïïgakïrï bubuaka aapimï ïïgi gïn gubukarhigakïdï tudu. Ïmo oidaragai gobai ix makïdï gïr maa Diuxi bhaiyoma.

Hebreos 11:33

Bïïxkatai ïgai kïïga buaboitudai Diuxi tudu. Dai kïïga buaboidaitai soikïiña ïgai aaduñdï sai gamaitiana xïxkadï bui surhigi agadagi jaa xibhïadïrï óídakami sandadarugadï. Kïï sïïrhi ibuadana ïgai ibuadatai ixtumaxi ïr kïïga ïpï kïïga buaboidaitai ïgai. Dai ïgai buaboidaitai buyiña naana maaxi ixtumaxi ix makïdï Diuxi aagidiña sai maaki agai. Dai Diuxi soi jaa buaboitudadami ïpï sai mai ugana go mamaabidi.