1 Korintios 12:4 - Northern Tepehuan Bible

⁴ Daiñi, Diuxi Ibhïadï ïjïkobai gïr maakai gubukarhigai aatïmï buaboitudadami saidi ibuadana aatïmï Diuxi aaduindadï. Dïï tomaxi naana maaxi gubukarhigai bia aatïmï bïïxkïrï mos ïmo ïmapïkïañdïrï daibïi gobai, Diuxi Ibhïadïañdïrï.

Tepehuan Northern: Diuusi ñiooquidʌ utuducami oodamicʌdʌ

⁴ Vaavoitudadami viaa guvucadagai isivuaadagi ʌʌmo istumaasi. Diuusi Ibʌadʌ ʌgai dai maacai guvucadagai.

1 Korintios 12:4 ပူးပေါင်းရင်းမြစ်များ

1 Korintios 12:1

Gin susukurhi, Diuxi Ibhïadï gïr maakai naana maaxi gubukarhigai. Dai xibi ipïrhidi aanï ix kïïga maatïkagi aapimï ix tumaxi ïr buaboi gokïdï dai gïn aagida iñagai ïmo ñoki.

1 Korintios 12:28

Daiñi, darai Diuxi naana maaxi gïr soikïdami gïr saagida. Ïpïgioma darai ïgai ix makïdï ïr ojotosadï Suxi Kristo. Dai gokiïrï darai ïgai jaa ix makïdï ïr Diuxi ñokituldiadamigadï. Dai bhodïrï darai ïgai mamaatïtuldiadami. Daidi maa ïgai gubukarhigai jaa saidi ibuadana ïgai maaxidaragai ix makïdï odami mai bhaiga ix ibuadagai. Dai jaa saidi duduadaiña kokokoñiadï. Dai jaa saidi naana maaxiïrï soikïiña go gaa. Dai jaa saidi ïr bhaitï gukakamikana. Dai jaa maa ïgai go gubukarhigai saidi todian dukai bhaigakagi ix ñokiagi ïma maaxi ñokikïdï.

1 Korintios 12:5

Aatïmï buaboitudadami naana dukai ibuayi aaduindadï Diuxi dïï mos arhi ïmo Gïr Nukadakami bïïtarï aatabuayi aatïmï.

1 Korintios 7:7

Daiñi, aanï ïïgi daja gin maakaitai gubukarhigai Diuxi xi ïïgi biyagi aanï dai po in ïrhidi aanï sai kïïgadukatadai ix ïjïgi bimudai bïïxi buaboitudadami. Dïï mai ïmadugan dukai maa Diuxi gubukarhigai bïïxi óídakami. Ïïmoko maa ïgai gubukarhigai ix gïn kukuntagi dai jaa maa ïgai gubukarhigai ix ïjïgi oidakagi.

Efesios 4:11

Suxi Kristo ïgai dai maa oidaragai aatïmï buaboitudadami bïïtarï tudu. Ïïmoko maa ïgai gubukarhigai saidi ïr Suxi ojotosadïkana. Dai jaa maa ïgai saidi ïr aagadamikana Diuxi ñokidï dai jaa saidi ïr aipako aituldiadamikana go bhai ïrhiaragai aatagi dai jaa saidi ïr nukadakamikana go gaa buaboitudadami dai maatïtuldiadami Diuxi ñokidï ïpï.

1 Pedro 4:10

Daiñi, ïjïkobai gïn maa gubukarhigai Diuxi go ïjïkobai aaduindagai bïïtarï ix makïdï ipïrhidi ïgai saidi ibuada aapimï. Kïï tuiga ïgai gïn bïïtarï dai kaxkïdï gïn maa ïgai gubukarhigai podukai ïmo oidaragai dukai. Dai gï agai sai kïïga gïn soikïdagi aapimï aipakoga go gubukarhigaikïdï ix makïdï gïn maa Diuxi. Gï agai saidi kïïga ibuada aapimï aaduindagai go gubukarhigaikïdï ix makïdï gïn maa Diuxi tudu.