1 Korintios 12:26 - Northern Tepehuan Bible

²⁶ Pomaaxi ïpï xïxkadï kokoakagi lïïchi tukugadï ïmo odami. Mai bhai taadakana bïïxi tukugadï aidï. Dai ix lïïchi gïr tukuga biakagi ïmo bhai ïrhiaragai maaxi aidï gia bïïxi gïr tukuga bhai gï ïrhidi. ¿Maiti ix ïr buaboi gobai?

Tepehuan Northern: Diuusi ñiooquidʌ utuducami oodamicʌdʌ

²⁶ Isʌmo oodami coococagi ʌmapʌcʌrʌ tuucugadʌ maibai tadacana vʌʌsi tuucugadʌ. Isʌmo cʌʌli maatʌ ñioocadagi dai aa oodami aagidi sai cʌʌgadu moodʌ aliʌ baigʌʌlidiña ʌcʌʌli.

1 Korintios 12:26 ပူးပေါင်းရင်းမြစ်များ

Mataibo 3:15

Dai Suxi potïtïdai aidï, —Gï agai sai gin bakuandana aapi saidi podukai bïïxi pogïduna ix dukatai Diuxi ipïrhidi— itïtïdai. Dai aidï gia bhai aa go Juan dai bakoi ïgai go Suxi.

Mataibo 5:29

Kaxkïdï gï agai sai maigobai daitudagi gï buji sai mai gïpiïrï gï daitudagi gobai ix soimaaxi gï duiñtuldagi gobai tudu. Gï agai xi maigobai daitudagi gobai tomaxi ïr go bamioma kïïgadukïdï bujidïkagi. Xioma ïr kïïga tudu xi mai bujikagi ïmoko dai mai xu xi Diuxi taiyïrï daitudagi ïgai tudu— itïtïdai.

Romanos 12:15

Xïïxkadï bhai gïn ïrhiadagi gïn aaduñi Diuxiamadïrï, aapimï abïr bhai gïn ïrhiada ïpï. Dai xudu soi gïn ïrhiadagi ïgai, aapimï abïr soi gïn ïrhiada ïpï ïgai ïmadï.

1 Korintios 12:25

Podui Diuxi sai ïmapi aatabuadagi gïr tukuga tutuidadï gïn soikïitai aipakoga.

1 Korintios 12:27

Go ñoki ix makïdï gïn aagidi aanï gïr tukugakïdï gobai ïr ïmo maaxidaragai ix dukatai aatabuayi aatïmï buaboitudadami. Suxi Kristo tukugadï dukami aatïmï tudu ïmo aadunumïkatai. Muidu aatïmï dai bïïxkatai aatïmï bïïna daraka Suxi Kristo. Ïpïan dukami aatïmï tutuidadï Suxi tukugadï.

Galatas 6:2

Xïïxkadï bïïtïkan taadakagi ix tumaxi ïmadutai gïn aaduñi bïïtarï abïr soikïda. Podukai kïïgakïrï ibuadamu aapimï ixtumaxi gïr tïjai Suxi Kristo.

Hebreos 13:3

Gï agai ïpï xi gïn tïgitokagi dai buamï gïn ïrhiadagi bïïtarï gïn aaduñi Diuxi amadïrï ix makïdï gïn maamaixatu buaboidaradïkïdï. Gï agai xi ïpïan taadakagi aapimï sai maamaixapikamudai ïmadï. Dai podukai ïpï gï agai xi buamï gïn ïrhiadagi aapimï bïïtarï gïn aaduñi ix makïdï soimaaxi taatamaimi soimaaxi buididitai jaa. Buamï abïr gïn ïrhiada ïpïan dukai sai aapimï gïn soi buidadamudai jaa ïpï. Po kaxi abïr oigïdada gïn aaduñi tudu.

1 Pedro 3:8

Gïn maakimu aanï ïpï ïmo ñoki gin aaduñi. Gï agai sai kïï xioma gïn urapïkïda aapimï aipakoga ïmo tïgibudagai biakatai aapimï bïïxkatai. Soigabïr gïn ïrhiada ïmadï gïn aaduñi Diuxi amadïrï xïïxkadï soi gïn ïrhiadagi ïgai. Gïn oigïadabïrai aipakoga tudu ïmo xixïgïmï dukai. Dai kïïga abïr tutiaka jaa bïïtarï mai gïgïrdukïdï gïn ïrhiditai aapimï.