1 Korintios 12:18 - Northern Tepehuan Bible

¹⁸ Dïï maiti ïr podukai dai bhaiyoma Diuxi darai naana maaxi tutuidadï gïr tukugana ïïgi ix dukatai bhai ïrhi ïgai.

Tepehuan Northern: Diuusi ñiooquidʌ utuducami oodamicʌdʌ

¹⁸ Diuusi darai oodami vuupuidʌ siaaco ʌgai ipʌli dai daacadʌ, naanacadʌ dai vʌʌsi istumaasi viaa oodami.

1 Korintios 12:18 ပူးပေါင်းရင်းမြစ်များ

Jonas 1:14

Dai go iimidadami barkoañdïrï daañimi Gïr Nukadakami daidi potïtïdai, —Idi kïïrhi ïr duñidï— itïtïdai. —Maiti gïr dagito xi koiyagi aatïmï bïïxkatai ïgai ïmadï. Aapi adaama ïr Tïanïdami di. Dai aapi ibuayi ïïgi pïx dukatai ipïrhiadagi. Kaxkïdï aatïmï gï daanïi xibi xi maiti gïr aituldagi aapi gïïgïbidaragai xi muagi aatïmï idi kïïrhi sudaïrï daitudakai. Xi duñada maiti ïr duñidïkagi ïgai xi podukai gïr ayi go ïbïrhi— ikaiti barkoana iimidadami gadaanïitai ïgai Diuxi.

Lukas 10:21

Dai amaxi Diuxi Ibhïadï kïïga bhai ïrhiatu go Suxi bai go Suxi aagidi Diuxi ïmo ñoki daidi potïtïdai, —Aapi gin Oga, aapi bïïxi ïr Tïanïdami tïbagiana dai tami oidigi daama ïpï. Aa gia bhai gin ïrhidi aanï aapikïdï— itïtïdai. —Bhai gin ïrhidi maatïkatai sai tïtïgidi aapi gï tïgibudaga odami ix makïdï mai xi sastudaga tïgibudadï. Mai tïtïgidi aapi jaa ix makïdï ïïgi sastudakami dai mamaatïkami gïn aagai tudu. Aapi ipïrhi xi tïtïgiadagi gobai ix makïdï mai sastudaga tïgibudadï dai ix makïdï mai xii mui ixtumaxi maatï. Podukai bhai ïrhi aapi gin Oga tudu. Kaxkïdï bhai gïn ïrhidi aapikïdï— itïtïdai Suxi.

Lukas 12:32

Aapimï arhi kañiñiru duu dai Diuxi sosoigadï kaxkïdï maiti abïr buamï gïn ïrhiada. Chïkidu aapimï dïï bïïxkïrï ïr ïmo bhai ïrhiaragai Diuxi bïïtarï gïn maakaitai ïgai oigaragai xi ïgai gïn tïanïdagi— itïtïdai Suxi go mamaatïrdamigadï.

Romanos 12:3

Diuxi gin maa ïmo gubukadagai mos kïï tuigakatai ïgai gin bïïtarï. Kaxkïdï xibi aanï aagai sai mai gïgïrdukïdï gïn ïrhiadagi ïïgi aapimï. Bhaiyoma xudu gïn tïgitoagi aapimï abïr tïgito ixtumaxi ïr buaboi. Diuxi ïgai dai gïr maa gubukadagai bïïxkatai aatïmï tudu xi kaxkïdï buaboitudai aatïmï.

Romanos 12:6

Diuxi gïr oigïdaitai gïr maa bïïxkatai aatïmï gubukarhigai xi buadagi aatïmï ïgai aaduindadï. Gï agai xi aatabuadagi aatïmï go gubukarhigaikïdï ix makïdï ïgai gïr maa. Ïïmadutai gïr maa ïgai gubukarhigai xi aagada aatïmï Diuxi ñokidï. Kaxkïdï ix makïdï aagadagi Diuxi ñokidï gï agai xi Diuxi gubukarhigakïdï agadagi ïgai kïïga buaboidaitai Diuxi.

1 Korintios 12:11

Arhi ïmaduga Diuxi Ibhïadï tudu dai gamaakai ïgai gubukarhigai xorai maakia ïrhiadagi ïgai.

1 Korintios 12:17

Dai podukai ïpï xi ïmo bujikamudai bïïxi gïr tukuga xadïrï kaïkamudai aatïmï. Gï agai gïr naanaka ïpï di. Dai podukai ïpï ix ïr ïmo naakaikamudai bïïxi gïr tukuga aidï gia ¿Dukatai uubagiadamudai aatïmï ixtumaxi?

1 Korintios 12:19

Dai ix mos ïmo ixtumaxi biakamudai gïr tukuga aidï gia ka maiti ïr gïr tukugakamudai kïïgakïrï ¿Aba? Kaxkïdï tudu gï agai naana maaxi ix biakagi gïr tukuga.

1 Korintios 12:24

Dïï gia ix makïdï bamioma bhai maaxi mai pokaxi nunukadai aatïmï. Kaxkïdï tudu Diuxi bhai dui gïr tukuga sai bamioma kïïga nukadakana aatïmï tutuidadï ix makïdï mai xii namïakami dukai nïidi aatïmï.

1 Korintios 12:28

Daiñi, darai Diuxi naana maaxi gïr soikïdami gïr saagida. Ïpïgioma darai ïgai ix makïdï ïr ojotosadï Suxi Kristo. Dai gokiïrï darai ïgai jaa ix makïdï ïr Diuxi ñokituldiadamigadï. Dai bhodïrï darai ïgai mamaatïtuldiadami. Daidi maa ïgai gubukarhigai jaa saidi ibuadana ïgai maaxidaragai ix makïdï odami mai bhaiga ix ibuadagai. Dai jaa saidi duduadaiña kokokoñiadï. Dai jaa saidi naana maaxiïrï soikïiña go gaa. Dai jaa saidi ïr bhaitï gukakamikana. Dai jaa maa ïgai go gubukarhigai saidi todian dukai bhaigakagi ix ñokiagi ïma maaxi ñokikïdï.

1 Korintios 15:38

Dai Diuxi ïgai dai aagai ix maaxika agai bïïxi ïxtokai ipuadï ïïgi ix maaxkami iduña ïrhiada ïgai. Dai naana maaxi idui ïgai tudu ix makïdï mai ïpïan mamaaxi.

1 Korintios 3:5

¿Tumaxiïrï ïr gïdukami go Apolos tudu ix urabakagi aapimï ïgai? ¿Dai tumaxiïrï ïr gïdukami aanï ix gin urabakagi aapimï ïpï? Daiñi, aatïmï mos ïr pipioñigadï Diuxi. Dai mos ibuadatadai aatïmï go aaduindagai ix makïdï gïr maa Diuxi dai gïn aagidi Diuxi ñokidï bai aapimï buaboitu.

Efesios 1:5

Aidïpïrï kaxi gïr oigïdaitadai Diuxi. Kaxkïdï ïgai ïkiaxdïrï dáí saidi Suxi Kristo gubukadadïkïdï ïr maamaradïkana aatïmï. Podukai bhai ïrhi Diuxi. Kïï tuiga ïgai kaxkïdï.

Efesios 1:9

Daiñi, Diuxi gïr tïtïgidi tïgibudadï ix makïdï ïkioma ïxtokikana. Kaxi ïkiaxdïrï podukai gï tïgitokana ïgai xi Suxi Kristokïdï pobï gï duñagi ixtumaxi ïgai ipïrhidi tudu.

Apokalipsis 4:11

—Aapi gïr Diuxiga ïr Gïr Nukadakami. Dai aapi kïïga gï ajïga xi odami aagagi xïïxi ïr gïdukami aapi gï xadutudaitai. Dai xi aagagi odami xïïxi ïr gubuakami aapi ïpï. Aapi ïgai dai bïïxi aïkatai idui ipïldakai aapi xi oidakagi ixtumaxi— ikaitiña go bhaitï gukakami.