1 Korintios 11:3 - Northern Tepehuan Bible

³ Dïï kia oidaga ïmo ixtumaxi ix makïdï gïn aagida in ïrhidi. Ipïrhidi aanï ix maatïkagi aapimï sai ix dukai tïanïi gïr moo gïr tukuga podukai Suxi Kristo ïpï ïr modï dukai kïkïïrhi. Dai podukai ïpï kïkïïrhi ïr modï dukai ïpï ooñigadï dai Diuxi ïr modï dukai Suxi Kristo.

Tepehuan Northern: Diuusi ñiooquidʌ utuducami oodamicʌdʌ

³ Aanʌ ipʌlidi mʌsmaatʌcagi sai Cristo ʌgai dai tʌaanʌi cʌcʌʌli, dai cʌcʌʌli tʌaanʌi gʌnooñiga, dai Diuusi tʌaanʌi Cristo.

1 Korintios 11:3 ပူးပေါင်းရင်းမြစ်များ

Genesis 3:16

Daidi bhodïrï potïtïdai Diuxi go oki, —Aapi oki, gï maakimu aanï ïmo gïgïbidaragai aapi ïpï. Daiñi, xibi bhaitiakoga gïïpi bamioma kokoka agai pïx xudu duada agadagi aarhikïdï. Dïï bïïxkïrï apia dukai ipïldamu aapi xi abhana dakagi gï aduñi dai ïgai gï tïanïda agai— itïtïdai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

VUAANA 14:28

Kaxi gïn aagidi aanï sai imimu aanï tabhiadïrï dïï gia gokiïrioma dibiamu aanï ïpamu ix dukai gïn aagidi aanï— itïtïdai. —Imimu aanï amïka xako daja gin Oga ix makïdï gïïpi bamioma ïr gïdukami ix aanï. Dai kaxkïdï ix kïïgakïrï gin oigïdai aapimï kïïga bhai gïn ïrhiadamu aapimï maatïkatai sai aanï ïmadï dakamu ïgai.

1 Korintios 3:23

Daiñi, Suxi Kristo bïïna daja Diuxi dai aapimï bïïna daraka Suxi Kristo kaxkïdï mai xudu ix otoma ugitiagi aapimï ix tïbïpi kapakagi aapimï kia. Tomax dukai bïïxi ïr soiñikamu aapimï gïn bïïtarï. Ka kïïga bia aapimï bïïxi aïkatai ix makïdï ïr namïakami bïïna darakatai aapimï Suxi Kristo tudu. Kaxkïdï kïïga maatiga maaxi sai ka kïïga ïr namïakami aapimï Diuxi bïïtarï. Dai kaxkïdï ïpï ¿Dukatai bamioma namïakana aapimï mos urabakatai aapimï ïmo odami?

Efesios 4:15

Aatïmï buaboitudadami oijadamu ixtumaxi ïr buaboi bhaiyoma, gïr oigïdaitai aipakoga. Podukai bïïx tasai bamioma gïïrhidamu aatïmï dai bïïxi aïkatai bamioma ïpïan tuigakamu aatïmï Suxi Kristo. Aatïmï buaboitudadami ïr tukugadï dukai Suxi Kristo dai ïgai ïr gïr moo.

Kolosenses 1:18

Aatïmï buaboitudadami ïr tukugadï duki Suxi Kristo dai ïgai ïr gïr moo. Ïgaiñdïrï tudu bhïjïi aatïmï gubukarhigai ixtukïdï óídaga aatïmï. Kaxkïdï tudu ïgai ïr Maradï Diuxi dai ïr ïpïgadï ix makïdï gï duakatu gokiïrï xi muu dai ka mai mukia agai ïpamu tomarhi ïmo imidagai. Ïgai tudu bïïxi adaama gatïanïda agai.

Kolosenses 2:19

Ix makïdï podukai gatïtïïgiadagi ñoki mai urabaka Suxi Kristo. Dai Suxi Kristo ïgai daidi ïr gïr moo gï dukami gïr bïïtarï. Ïgai tudu gïr tïanïi dai gïr mamaakai ixtumaxi gï agadagi sai kïïga gïr urabana aatïmï aipakoga dai kïïga arasakami dukana aatïmï ïpïandukai ïmo odami tukugadï ix makïdï bïïxi arasaka taatadï dai xixixodï. Podukai gïr gïrhidi Diuxi tudu kïïga gïr arasakan dukai óídakatai aatïmï aipakoga dai arasakami darakatai aatïmï Suxi Kristo ïpï ix makïdï ïr gïr moo dukai.

Kolosenses 3:18

Aapimï oki, abïr kïïga ïïgiada gïn kukuna. Kaxkïdï tudu gï agai xi pobuadagi aapimï oki urabakatai aapimï Suxi Kristo.

1 Pedro 3:1

Kaxi gïn aagidi aanï sai ix makïdï ïr gapipioñi gï agai ix ïïgiadagi amudï. Dai podukai ïpï aapimï oki kukunakami gï agai xi ïïgiada aapimï gïn kukuna. Daiñi, ix mai buaboitudagi gïn kukuna go bhai ïrhiaragai aatagi, bïïxkïrï ïma dukai tïgito antaada ïgai nïiditai xïï kïïga xadutudaitai óídaga aapimï. Podukai ka ïma dukai gïn tïgito antaada gïn kukuna dai ka buaboituda antaada. Dai maiti gï agadamu podukai xi aagidagi aapimï tomarhi ïmo ixtumaxi.