1 Korintios 10:19 - Northern Tepehuan Bible

¹⁹ Dai podukai ïpï odami ix makïdï kuadana daxdaradï ïmo ubixi xadutuadan buayi go ubixi ïpï. Dïï gia tomaxi odami daxdagi kuadagai go uubixi gobai mai itïiya ïrhidi sai bia gubukarhigai go ubixi. Dai mai itïiya ïrhidi sai go daxdaragai ïr soiñi odami bïïtarï ïpï.

Tepehuan Northern: Diuusi ñiooquidʌ utuducami oodamicʌdʌ

¹⁹ Aanʌ maitipʌlidi isaapimʌ poliadagi isʌmoono ismaacʌdʌ ivueeyi oodami viaa guvucadagai tomali ispoʌliadagi aapimʌ isʌbaabaidi ismaacʌdʌ gʌdadasdi ʌmoono maitʌrʌpan ducami tomastuma baabaidi.

1 Korintios 10:19 ပူးပေါင်းရင်းမြစ်များ

Hechos 19:26

Dai maatï aapimï ïpï sai mui odami ka bhïiyi go Pabora buaboidaradï kaïkai aatagidï dai mai xu mosïkaxi tanai Efesoana. Maigobai aipako xako ukami Asia tïgidu oidigi go óídakami ïïgidimi Pabora ñokidï ïpï. Ïgai pokaiti sai go momono ix makïdï ibuayi odami mai namïga didiuxi dukai.

1 Korintios 1:28

Pobï gï dui tudu, Diuxi ïkobai bubaitu aapimï ix makïdï go gaa odami soi dukai nïidi dai ix makïdï mai namïakami dukai nïidi ïpï. Podui Diuxi sai mai namïakami dukai biïna bïïxi ix tumaxi ix makïdï kïï namïakami dukai nïidi odami

1 Korintios 10:14

Gin aaduñi, kïïga gïn oigïdai aanï kaxkïdï gïn tïanïi aanï sai mai buaboitudaiña aapimï go uubixi. Gajiadïrï abïr bia gobai.

1 Korintios 13:2

Tomaxi bhaigakagi ïmoko ix naana maaxi ibuadagi dïï ix mai oigïdadagi ïmoko jaa gobai ix makïdï ibuadagi ïmoko maiti ïr soiñi. Daiñi, tomaxi ïr ïmo Diuxi ñokituldiadamigadïkagi ïmoko dai maatïkagi bïïxi Diuxi tïgibudadï ix makïdï maiti gïr aagidi kia dai tomaxi maatïkagi ïmoko bïïxi aïkatai dai tomaxi kïï gubuakagi buaboidaradï dai asta bhaigakagi aagidagi ïmo tubidaki sai maigobai imïna dai go tubidaki kïïga ïïgidagi ¿Tumaxi ïr soiñi gobai ix mai oigïdadagi ïmoko jaa?

1 Korintios 3:7

Kaxkïdï maiti gï agai tudu ix gïgïrdukïdï dukai gïr aagagi aapimï tomarhi aagaitai go ïsadami xiïpï ix makïdï ïr gabaagadami dukai. Mos aagaiña aatïmï Diuxi ñokidï kaxkïdï. Diuxi ïgai daidi ïr gïdukïdï. Ïgai tudu gïïrhidi gïn buaboidaraga ïxikami dukai.

1 Korintios 8:4

Xibi aagamu aanï go kuadagai ix makïdï gï dadaxdi uubixi. Daiñi, kïïga maatï aatïmï sai go uubixi mai gupuka. Dai kïï maatï aatïmï ïpï sai mos arhi ïmaduga Diuxi. Mai tipu ïmai.

2 Korintios 12:11

Gin aaduñi, ka bhaitoma ïmo buirugami dukai ñokai aanï mos ïï dudatai aagaitai aanï ixtumaxi ibuadana aanï. Dïï aapimï ïr gïn duñi ix podukai ñokai aanï. Ix kïïga ñokadamudai aapimï gin bïïtarï aidï gia maiti gï aagadamudai xi kïïga ñokadagi aanï ïïgi gin bïïtarï. Bia aanï xi ïïgi ñokadagi gin bïïtarï sai podukai maatïkagi aapimï sai buaboikïdï ïr otosadï aanï Suxi Kristo tudu. Go odami ix makïdï gïn tïtïïgidiña ñoki pokaitiña saidi kïïgioma ïr ojotosadï ïgai Suxi xi bhai aanï dai ix bhai tomax makïdï ïmai ïpï. Daiñi, kïïga ïr buaboi sai aanï maiti ïr ïmo gïdukami ixtumaxi namïakami. Dïï gia bïïxkïrï mai otïrhioma namïga aanï xi bhai ïgai ix makïdï gïn tïtïïgidiña ñoki.