1 Korintios 10:15 - Northern Tepehuan Bible

¹⁵ Kïïga bia aapimï tïgibudagai ixtukïdï gin maatï kaïkagi tudu kaxkïdï abïr ïïgi aagada ix bhai mai kïï aagai aanï.

Tepehuan Northern: Diuusi ñiooquidʌ utuducami oodamicʌdʌ

¹⁵ Aapimʌ cʌʌga maatʌ caʌ istumaasi. Dai cʌʌgavʌr tʌgitoca istumaasi gʌnaagidi aanʌ sabaigʌ ʌrʌmo istumaasi cʌʌgaducami ischo ʌʌpʌ.

1 Korintios 10:15 ပူးပေါင်းရင်းမြစ်များ

1 Korintios 10:14

Gin aaduñi, kïïga gïn oigïdai aanï kaxkïdï gïn tïanïi aanï sai mai buaboitudaiña aapimï go uubixi. Gajiadïrï abïr bia gobai.

1 Korintios 10:16

Gïn aagidamu aanï ïmo ñoki aagaitai xïïxkadï gayïdagi aatïmï dai gakuadagi gïr tïgito agaitai ix tumaxi idui Suxi Kristo gïr bïïtarï. Ïmo urabaragai gobai gïr bïïtarï. Daiñi, go iidagai ïr ïmo maaxidaragai Suxi ïradïkïdï. Dai xïïxkadï ïmapi gayïdagi aatïmï bïïxkatai dai potïdagi aatïmï Diuxi ix bhai gïr ïrhidi ïgaikïdï kïïga biakana aatïmï ïmo urabaragai. Ïmapi gïr tïgitokana aatïmï podukai sai Suxi aaxi ïradï mukukai gïr bïïtarï. Dai xïïxkadï saasasadagi aatïmï go pan dai gïr takoidadagi gokïdï gïr tïgitokana aatïmï sai Suxi kïïga gïr soi gï saasasatudakai tukugadï kuruxiana.

1 Korintios 11:13

Kïïga abïr gïn tïgito kaïka idi ñoki tudu dai aagada ix bhai maiti ïr buaboi sai gï agai go oki ix iñapadagi momodï xïïxkadï ïmo ïmpaiñdaragiana gadaanïdagi ïgai Diuxi.

1 Korintios 14:20

Gin susukurhi, gï agai ix gïgïr odami tïgibudagai biakagi aapimï kïïga gïn tïgitokatai. Dïï gia go soimaaxkamikïdï gia gï agai xi xixïñi dukai ibuadagi maiti ibuadatai soimaaxi.

1 Korintios 4:10

Daiñi, aapimï pupuirugami dukai gïr nïidi aagaitai aatïmï Suxi Kristo dai sastudakami gïn ïrhidi ïïgi aapimï. Soi dukai gïr nïidiña aapimï. Dai pobïnïrhidi aapimï sai ïr gïgïrdukami aapimï jaa bïïtarï. Kïïga gïn xadutudai odami tudu dïï aatïmï gia maiti gïr xadutudai ïgai.

1 Korintios 6:5

¡Xaïraraga ix pomaaxi ibuadagi aapimï! ¿Mai ix oidaga ïmo buaboitudadami ix makïdï kïï maatï gï tïgito dai bhaiga ix bhai buadagi ñoki gïn bïïtarï xïïxkadï gïn bupui ñokada aapimï? ¡Xadïrï mai oidakana gobai!

1 Korintios 8:1

Gin aaduñi, gin tïkakai aapimï go ojiïrï ix makïdï gin otoxi aapimï sa bhai kïïgadu ix aatïmï buaboitudadami ugiagi kuadagai ix makïdï gï dadaxdi go uubixi. Daiñi, kïïga maatï aatïmï sai go kuadagai ix makïdï gï dadaxdi uubixi maiti ïr ixtumaxi. Dïï maiti gï agai ix gïgïrdukïdï gïr ïrhiada aatïmï maatïkatai gobai. Maiti gï agai ix po gïr ïrhiada sai bamioma maatï aatïmï xi jaa tudu. ¿Tumaxi ïr soiñi gobai di? Gï agai bhaiyoma sai gïr oigïdada aipakoga. Ix gïr oigïdada aatïmï aidï gia gïr soikïdamu aipakoga ïpï sai bamioma gïrhiagi gïr buaboidaraga. Dai gobai gia ïr soiñi.

1Tesalonicenses 5:21

Abïr kïïga gïn tïgito kaïkagi ñokidï bhaiyoma as bhai Diuxiañdïrï ñokai. Dai ix kïï buañixikagi go ñoki abïr ïïgiada