1 Korintios 10:11 - Northern Tepehuan Bible

¹¹ Daiñi, xibi karhioga ugiti agai go oidigi. Dai bïïxi gobai ix makïdï daibusai ïïki ïr ïmo maatïtuldaragai xibi gïr bïïtarï ix makïdï óídaga xibi. Ïgaikïdï mamaatïrïi aatïmï sai maiti gï agai ix ibuadagi ixtumaxi ibuadana gïr aaduñi ïïki. Ïgai kïï gubuakami ïrhiditadai ïïgi buaboidaradï dai todian dukai gïpiïrï surhi soimaaxi idunakai.

Tepehuan Northern: Diuusi ñiooquidʌ utuducami oodamicʌdʌ

¹¹ Vʌʌsi gomaasi ʌpʌdui gʌraaduñicarucʌdʌ tʌsai poduucai maatʌna aatʌmʌ sai maitʌrcʌʌgai ispoduucai ivuaadagi. Dai cascʌdʌ vʌʌsi gomaasi gʌooja Diuusi ñiooquidʌrʌ tʌsai aatʌmʌ maatʌcana sivi cayoga ugitʌcai oidigi.

1 Korintios 10:11 ပူးပေါင်းရင်းမြစ်များ

Mataibo 13:39

Ix makïdï ïi go basoi gobai ïr go diabora. Dai go yoobaragai gobai aagadankaiti xïïxkadï ugiti agai oidigi. Dai go pipioñi ix makïdï gayoba agai ïr tïtïañikarudï Diuxi— itïtïdai.

Mataibo 13:40

—Daiñi— itïtïdai. —Po gï duña agai tudu karhioga ugiti agaitai oidigi ix dukai gï ïmpaidi go basoi dai gï mïi gobai.

Romanos 13:11

Gïn oigïadabïrai tudu dai nïnïasïrhigan dukai óídaka maatïkatai sai otoma ayimu ixtuigako Suxi Kristo kïïgakïrï gïr bubiadamu tami oidigi damaiñdïrï. Bïïx tasai bamioma miadaimi tudu xi dibiagi Suxi ïpamu.

Romanos 13:12

Ïkioma mos tukamugan dukamikana gïr oidakaragai tami oidigi daama dïï xibi karhioga dibia Suxi Kristo dai gobai ïr ïmo xarhimodï gï dukami ka agai gïr bïïtarï. Kaxkïdï tudu gï agai xi maigobai dasagi aatïmï go oidakaragai ix makïdï ïr tukagi dukai, gïr ïkidadï oidakaragai tudu. Gobai gï agai xi ïmo baasaragai tukurakami dukai maigo dasagi aatïmï. Dai xibi gia gï agai xi gïr aadagi aatïmï go oidakaragai ix makïdï ïr tasïrï gï dukami, gïr utudui oidakaraga tudu. Gï agai xi bhïiyagi aatïmï gïr utudui oidakaraga ïpïan dukai go sandaru gï aadai yukuxi ix makïdï ïr kokodi bïïtarï xudu gakokoda agadagi ïgai.

Romanos 15:4

Aatïmï gïr bïïtarï tudu ojixikami bii bïïxi go ïkidadï ojadï Diuxi xi ïgaikïdï maatïkana aatïmï naana maaxi dai ïgaikïdï kïïga abïnakiada antaadakana aatïmï. Kaxkïdï maiti gïr daadagitoi aatïmï xi gïr maitagi soi ïrhiaragai. Dai bhaiyoma bhai ïrhiarakïdï nïnïraka aatïmï maatïkatai sai Diuxi iduñimu ix dukatai gïr aagidi ïgai.

Romanos 4:23

Dai mai mosïkaxi Abraamkaru bïïtarï ojixikami bii gobai sai Diuxi kïïgakïrï tïï buaboidakai ïgai.

1 Korintios 10:6

Gobai ix makïdï daibusai ïïki gïr aaduñikaru ïmadï ïr ïmo maaxidaragai gïr bïïtarï sai mai adaimuda aatïmï soimaaxi tïgibudagai ix dukai ibuadana ïgai.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

1 Korintios 9:10

Gïr aagaitadai ïgai aatïmï ïpï di. Daiñi, xïïxkadï odami gaxikuandagi kïïga nïnïraka ïgai ix ami ïxikamiañdïrï gaugi agai. Dai ïmo gakïrhibadami tïrhigi ïpï xadïrï gakïrhibaiña ix mai buaboitudai ix abhiadïrï ugiagai ïpï. ¿Maiti ix ïr buaboi gobai?

Galatas 4:24

Dai go Hagar ïmadï go Sara bïï goka maaxidaragai dukai bii ï goka ñoki bïïtarï ix makïdï bhai dui Diuxi odami ïmadï. Go Hagar ïr go pioñikatadai dai ïr ïmo maaxidaragai dukai bïïtarï go ñoki ix makïdï bhai gï dui ïmo tubidakana Sinaíïrï xako Diuxi maa go sïïrhikami go Moiseskaru.

Filipenses 4:5

Dai kïïga abïr tutiaka bïïxi óídakami bui sai maatï nïijadana ïgai sai aapimï kïï tutuiga. Gïn tïgitobïrai sai otoma dibiagai Suxi Kristo ïpamu.

Hebreos 10:25

Dai maiti gï agai xi ïpïan buadagi aatïmï jaa buaboitudadami ix makïdï ka maiti ipïrhidi ix gïn ïmapagiadagi. Gï agai bhaiyoma xi gïr abïnakiadagi aatïmï aipakoga dai gupukatudagi gïr buaboidaraga. Dai kïï maatï aatïmï sai ka otoma dibiagai Suxi Kristo dai kaxkïdï bamioma gï agai xi gïr gupurtudagi dai abïnakiadagi aatïmï aipakoga xibi.

Hebreos 10:37

Daiñi, adukai ikaiti Diuxi ñokidïrï, Otoma dibiagai ïgai ix makïdï nïnïraka aapimï. Mai tïbïpida agai ïgai tudu.

1 Juan 2:18

Gin aaduñi Diuxi amadïrï, ka miadaimi ix ugitiagi oidigi. Dai aapimï kajiomakana saidi dibiagai ïmoko ix makïdï Suxi Kristo dukai gï dasa agai daidi ïr buidïrï kaatïkamigadïka agai Suxi Kristo. Dai xibi kaxi oidaga mui óídakami ix makïdï Suxi Kristo dukai gïn darasai dïï bhaiyoma ïr buidïrï bïïtïkamigadï ïgai. Kaxkïdï gï maatï xibi sai ka miadaimi ix ugitiagi oidigi.