1 Korintios 10:1 - Northern Tepehuan Bible

¹ Gin aaduñi, ipïrhidi aanï ix gïn tïgitokagi aapimï ix dukatai pogïdui gïr ïïki aaduñi aidïxi oidigana ajiopatadai ïgai. Aidïpïrï bïïxkatai ïgai oidiña go ikomai ïmadï go táí ix makïdï otoi Diuxi sai bhaitïki imïiña. Dai bïïxkatai kïïgakïrï bubuakai saagida dïgabuskïitai go gïï sudagi.

Tepehuan Northern: Diuusi ñiooquidʌ utuducami oodamicʌdʌ

¹ Giñaaduñi aanʌ ipʌlidi isaapimʌ tʌtʌgitodagi siʌdui ʌʌqui gʌrʌʌqui aaduñicarucʌdʌ oidigana. Diuusi ootosi ʌmo icomai sai baitʌqui imʌiña sai poduucai maatʌcana ʌgai siaa sʌʌli iimʌdagi. Diuusi soi tai cʌʌga dʌgavusai ʌgai ʌgʌʌ suudagi siaaco Gʌʌ Suudagi Vʌʌgicʌrʌ tʌʌgidu.

1 Korintios 10:1 ပူးပေါင်းရင်းမြစ်များ

Exodo 14:29

Dïï go Israelitas gia ka sudagi ïrana dïgabusaitadai gakikïrï. Dai bïï gokapadïrï bhidabikikan kïakatadai go sudagi.

Exodo 40:34

Dai ami daiba go kubhuxi ix makïdï imïiña go Israelitas bhaitïki dai iña go ikuxi baaki xako didibai Gïr Nukadakami dai ïrana mos kabami kudidikana Diuxi kudaigadï.

VUAANA 4:20

—Gin aagidañi tudu ix makïdï ïr buaboi, aapimï judidiu ikaiti sai mosïkaxi Jerusalenïrï gï agai ix ibuadagi xadutudaragai Diuxi bïïtarï dai aatïmï Samarhiïrï óídakami ïma dukai aagai. Aatïmï gïr piipixarakaru ïïki abhiadïrï ibuayi xadutudaragai Diuxi bïïtarï tami Samarhiïrï go tubidakana ix makïdï tami Samarhiïrï kïïka. Gin aagidañi, ¿Bako ïr kïïga ix xadutuada aatïmï Diuxi?— itïtïdai.

Romanos 1:13

Gin aaduñi, ipïrhidi aanï xi maatïkagi aapimï sai mui imidagai gïn dibida in ïrhidiña aanï dïï mos mai kia ixtui. Gïn soiña in ïrhidi aanï xi kïïgioma buaboitudada aapimï gïn dibidakai. Pomaaxi ibuadana aanï tudu go gaa ïmadï ïpï ix makïdï maiti ïr judidiu.

Romanos 11:21

Daiñi, Diuxi guikoma go ix makïdï ïr ïïgi go finuakïdï olibo mamaaradïkatadai mai buaboidakai ïgai. Guikoma ïgai go judidiu tudu. Dai kïï bhaiga ïgai xi gïn guikomagi ïpï aapimï ix makïdï maiti ïr judidiu ix mai buaboitudagi aapimï.

Romanos 4:11

Go Abraamkaru buaboitu dai aidïpïrï Diuxi kïïgakïrï tïï mai kia gï circuncidadukatai ïgai. Gokiïrï Diuxi tïjai sai gï circuncidandoagi xi gï maaxitudagi sai Diuxi ka kïïgakïrï tïïtadai mos buaboidakai ïgai. Kaxkïdï go Abraamkaru ogadï dukai bii bïïxi buaboitudadami bïïtarï ix makïdï Diuxi kïïgakïrï nïidi tomaxi maiti ïr circuncidadugami ïgai.

1 Korintios 12:1

Gin susukurhi, Diuxi Ibhïadï gïr maakai naana maaxi gubukarhigai. Dai xibi ipïrhidi aanï ix kïïga maatïkagi aapimï ix tumaxi ïr buaboi gokïdï dai gïn aagida iñagai ïmo ñoki.

1 Korintios 14:38

Dïï gia ix oidakagi xorai mai ïïgiadagi ixtumaxi gïn aagidi aanï ïgai maiti gï agai ix kaïkagi aapimï ixtumaxi gïn aagidagi ïgai.

Galatas 3:29

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Hebreos 11:29

Dai go Israelitas ïpï go gïï sudagi ïrana sïïrhi dïgabusai buaboidaitai ïgai Diuxi ïpï. Kïïga dïgabusai ïgai tudu ïpïan dukami xi dïbïrai gakikamiïrï dïgabusai. Dïï gia go Ejiptuañdïrï óídakami gia aidïxi baapa ami dïgabuña agaitai ami bïïxkatai bhaikoi dai koi.